الفزعه ي شباب نفضه او هزه في التاهو 2005 على سرعة من 80-100 ك

[النديم111]

مساء الخير على الجميع
ارجو منكم الله يحفظكم مساعدتي في تشخيص العطل والمشكله عندما اكون ماشي بالسياره على سرعة من 80 -100 وتكون دعسة البنزين معتدله اي بدون شد على الموتر احس بنفضه او هزه شبيهه بهزة عمود الدوران واذا زدت في الدعسه شوي تختفي (الموتر استخدام امريكي له معي سنه ومن ايام قليله بدت المشكله)
فحصت العمود والصليبات سليمه + ترصيص + المكينه صافيه وهو واقف لايوجد تفتفه او نفضه ماهو الخلل برأيكم

[tevo]

غيرت شي بالسياره قريب او زيت او شيء؟

[AxR979]

الموتر دبل ؟

[مكشاتي مدني]

اخوي انا اتذكر واحد معة امريكي جراند ماركيز ونفس الشيء نفضة وقال لة مهندس فلبيني واحد من الاثنين يا انك تغير طرمبة البنزين ولا الاغلب انة بلف الماكينة قافل ولازم يتغير وهذا اغلب الظن ويبي لة فك راس ماكينة وشغلة هذا حسب علمي

[عساف ٠٠٠]

افحص الكفرات ممكن يكون تحبيل باحد الكفرات وخاصة الامامية

[حبـران]

هلا بك اخوي

انت سيخت الاديتر ؟؟

اذا انت مصيخ الاديتر وفكيت وركبت مواصير التبريد حق زيت الجربكس تصير هذي الحركه

انا صارت معي مرتين عندما صيخت الاديتر لكن تفقد زيت الجربكس ولا تخليه ينقص

وراح تروح معك خلال فتره واتوقع انه الهواء يدخل االمواصير بعد الفك احد الاسباب طبعا

2- تاكد ان الكفرات لايوجد بها تحبيل(نفخ) من داخل الكفر

3- تاكد من داخل الجنوط لايكون هناك ترسبات طينيه

4- تاكد من الترصيص

[2475]

بدل بين الكفرات وجرب وان شاء الله تروح الرجه

تم الإرسال من جهازي GT-I9300 بواسطة تاباتوك 2

[النديم111]

مشكورين على مداخلاتكم
اليوم في الصناعيه وانواع التشخيص ورشه تقول طنجره القيربالرغم ان عزم الموتر ممتاز ولايوجد صوت طنجره والتبديلات ماتتأخر
والاخر يقول طرمبة البنزين ضعيفه وغيرهم يقول مشكله من داخل القير ولم يتحدد العطل حتى الان @غيرت بواجي وعبيت بنزين احمر مع ريالين قاز ومشيت على السياره وخفت الهزه شوي عن اول ولكنها لم تختفي هل تكون طرمبة البزين هي السبب بها ضعف مثلا او يكون الخلل من الطنجره

[AxR979]

اذا موترك دبل شيك عليه

انا كان عندي نفس المشكلة و طلعت من الدبل

[قرناس مطير]

يالنديم اخوي نفس مشكلتي معي بليزر ٢٠٠٩ دبل
وديته تريستار وقال ابفحص واعلمك وقال لي حساس البريك خربان التشك ان واف يشبك ويمسك السيارة ويفك صلحه قبل مايعدم عليك القير
انا مصلحه قبل العيد عندهم

الموتر ينتفض تقول يدعس ويرفع واذا تعديت ال١١٠ يختفي

نفس اللي عندي وغيرتها وزبط الموتر

[عزوز الجعفري]

اذا الرجه تبدا معك ع 80 وتحس الموتر كله يرج وانت ماشي ع هوينك

واذا كنت شاد ع الموتر ما تحس الرجه هذي الطنجرة حقت القير صارت معي مرتين

[النديم111]

اخواني مشكورين على تفاعلكم والله يعطيكم الف عافيه اللي حصل ياخوان انه بعد تغيير البواجي وتغيير البنزين للاحمرتغير الموتر ولي يومين معاد لاحظت الهزه تجي على سرعه 80ك زي اول مدري هل الخلل اتساخ في البخاخات ونظف مع القاز ولا خلل كهرباء يروح ويجي وهل الطنجره ممكن يروح خرابها ويعود ولا يكون متصل