خيمة البيرق4*4 و5*5

[الفندره]

السلام عليكم وصبحكم الله بالخير ومساكم الله بالخير ابي اشتري البيرق ولكن محتار بالمقاس 4*4 او 5*5 القاضي يقول الفرق بالوزن حول عشرة كيلو وانا كنت مصمل على ال 4 لانها اخف شورتكم لاعدمناكم

[برق دوسر]

وعليكم السلام انا انصحك ٥*٥ اوسع وافضل وتقريبا الفرق فالسعر للمبطن ٣٠٠ ريال

والسعه ابرك من الضيق وانا ناوي اشتري وحده ٥*٥

[web]

كم استارهم عند القاضي 4*4 وال5*5 المبطن والغير مبطن !!

الي عنده خبره ليتكم ماتبخلون علينا

انا جربت التميمي عندي ٣*٣ ضيقه بسراحه وابي وحده اكبر شوي قلت نجرب القاضي بس اخاف فرق السعر مع العلبات

[واحد بري]

شف وانا أخوك وزن 4*4 مبطنة 50 كيلو وزن 5*5 مبطنة 55 كيلو وفرق السعر مثل ما قالو الاخوان في حدود 300 الى 400 ريال لذلك أنا ارى 5*5 افضل للأسباب السابقة بالاضافة الى انها أوسع وتشيل عدد اكبر عند النوم هذا رأي والخيار الاخير لك والأسعار 4*4 اعتقد سعرها 2100 ريال و 5*5 سعرها في حدود 2500 ريال

[web]

مشكور على التوضيح :)

[واحد بري]

زي ما قلت 4*4 سعرها 2100 ريال. و 5*5 سعرها 2500 ريال

[مشوت الذيب]

ال٤*٤
بأعتقادي انسب
لانه يقدر يشيلها واحد
وبالنسبه للنوم تآخذلها حدود ٦ او ٧ انفار

واهم نقطه ان الخيمه مافيها الا عامود واحد فقط
فتكون٤*٤ اقوى في التحمل بحال وجود الهوى

وهذا مجرد رأيي

تقبل مروري

[أسير المساري]

نصيحه نصيحه نصيحه اخذ 4 *4 وأسأل مجرب الخمسه في خمسه كبيره على الفاضي ويجي ميولها زايد لانها من فوق تقريبا نفس الاربعه في اربعه وتجيك كبيره على قل سنع اما اربعه في اربعه فهي افضل مقاس وواسعه وتكفي اشخاص واجد واكثر السحب عليها

دعواتك

[نسري بالليل]

السلام عليكم ورحمة الله وبركاته
والله أنا مع الشباب اللي يقولون 4*4 أفضل
أنا جربت الثنتين كان عندي 4*4 وبعتها وشريت 5*5 فرق كبير بالركزة وقلة الأصوات وميولها أقوى

[عزو]

السلام عليكم
من واقع تجربه .. البيرق 4*4 خذها وانت مغمض
شخص نشيط يركبها لحاله
بالتوفيق

[أبو تميم 506]

السلام عليكم اخوي ولايهونون الربع
5×5 ممتاز ه وكبيره وجربناها زينتها واسعه وتشيل واجد وخذ في بالك ان البيرق يعيبها عمود فالوسط تظيق المساحه شوي فشوري عليك خذ 5×5 واستخر قبل كلش

[ابومهند 5]

وعليكم السلام ورحمة الله وبركاته
شوف اخوي على حسب اذا كان عائلية او شباب
واذا كان شباب على عدد اصحابك مثال اصحابك 6 اشخاص تشتري 5*5 اشوفها كثيرة اما 4*4 مرة طيبة