السلام عليكم كيف الحال يا شباب ودي اشتري خيمة من القاضي وش الزين

[قصر مشرف]

وش افضل خيمه في السوق

[ابورايف]

حياك الله

البيرق هي الأفضل

تقبل مروري وردي

[__abo saleh__]

والله رأيي اخوي انك تاخذ على مزاجك وكل واحد له ذوق بالخيام رح للقاضي وتفرج عليها كلها وش اسعارة وجودتة
تقبل مروري

[بن نويشر]

يا قصر مشرف ...

لا بد تحدد نوعية الاستخدام والغرض منها والسعة والمساحة .. بارك الله فيك ..

فمثلاً ..
هناك خيام سريعة التنصب كالبلاستيك وتنفع للمبيت والنوم أو الجلسات العائلية للرحلات الخفيفة كواقية عن المطر مثلاً والرياح .
وهناك خيام سريعة التنصيب لعدد 3 اشخاص تزيد تنقص خفيفة الوزن .
وهناك الأحجام الكبيرة لعدد 6 اشخاص واكثر ثقيلة الوزن ..

وانت ابخص .. لا بد تحدد النوعية والغرض منها .. لكي يسهل عليك مستقبلاً حملها وتخزينها وخلافه ..

سلامي للجميع ،،

[الوافي.]

انت اولا حدد وش غرضك من الخيمة

نفر واحد للنوم او الخ .....

[أسير المساري]

كانك تبيها للنوم فعليك بخيمة المبيت القطن وفيه كبير وصغير وكانك تبيها للجلسه فعليك بخيمة البيرق وفيه منها عدة احجام شف اللي يناسبك

[قصر مشرف]

يخوي خيمة تكفي ه اشخاص تتحمل المطر

[قصر مشرف]

خيمة المبيت وين احصلها

[Zizo_1977]

ياقصر مشرف جعلك دوم عال
زي ما قالو الشباب انت واحتياجك ونوع طلعتك كشات مستقر تبيها بمخيم
والشور انك تشوف اللي تبي وتصلح لك حسب ميزانيتك ونوع كشتات ولاني بزيد على الشباب كلهم خير وبركه

[قصر مشرف]

اعزائي اخواني ياجماعة ان راعي مكاشيت والعام الماضي توهقت كان معي شراع مثبته على التنده ولا زبني جاء مطر قوي وعقبها قررت اشتري خيمة

[علي الشهري]

في رأيي أن تأخذ ما يناسب رحلاتك

فإن كانت قائمة على التنقل وعدم الاستقرار فخيمة المبيت للفرد الواحد خيار مناسب لخفتها وسرعتها

وإن كانت قائمة على الاستقرار في مكان واحد فلاشك أن البيرق من أسهل الخيارات وأفضلها حتى مع عمودها الأوسط.

وفقك الله

[معانق المزن]

ياقصر مشرف سقا ديارك السيل

عليك بالبيرق

[قصر مشرف]

جزاكم الله خير

[قيس عبدالله]

خيمه الوسم من القاضي قمه في الروعه وضد المطر وتركيبها ولا عشر دقايق ودافيه عندي منها 2