الطير عينه اليمين ما يشوف فيها

[alyabsq8]

السلام عليكم
يعطيك العافيه اخواني
اكتشفت ان الطير ما يشوف من عينه اليمين ابي علاج له
تكفون ابي علاج لطير
وعينه من برا لو تشوفها مافيها شي نهائين

[ابرق الحرار]

عليك بورق الشاي بعد طبخه وبرده وبعدين صفه من الورق ونقط بعينه يومين ثلاثة وتشوف التغيير على حسب تجربه ما منها ضرر

[alyabsq8]

بيض الله وجهك ويمال العافيه
بخاطري اوضح اكثر
اذا قربت ايدي عند عين الطير تقوم ترمش بس لا يلتفت ولا يفوع ابد
من الاخر ضعف نضر ما بقا علا العما شي
والله المستعان

[عابر الموج]

هل كان اول يشوف فيها ام لا

[alyabsq8]

كان مافيه الا العافيه

[عابر الموج]

عطه فيتامين ا ومايشوف خلاف

[قلب ذيب]

هناك الطير من الطيور تأتي فيها بعض العيوب ومنها العور وانقطاع بعض المخالب وما الى ذلك من العيوب العروفه او الاعاقه الظاهره , ولكن سبحان الله نجد بعض الطيور يعوض تلك الاعاقه باصراره على الصيد وتجاوز مايعيقه , وكأنه يحس بضرورة مواجهة ذلك النقص , كما نجد في بعض ذوي الاعاقه من بني البشر تفوقه ونجاحه وتحقيقه لمايحققه بني الانسان العادي .
اذن اذا كان العور في الطير مزمن اي ا ن الطي رعينه بيضاء لايمكن معالجتها , فعليك القنص به حتى لو بعين واحده وتجاوز انتقاد البعض وباذن الله انه بيصيد . والله اعلم . ابوماجد .

[alyabsq8]

الله يعطيكم العافيه وما قصرتو
الطير وديته البيطري وفحصوه وبين معاهم ان الطير بعينه بياض
وسموه بأسم والله اني نسيته
وعطوني قطاره وعطوني مرهم
بس قالو نسبت نجاح الادويه 30 بالميه
ان كان في علاج مجربيه وزين لا تبخلون علينا يرحم الله ولاديكم

[alanzi1]

انا ابعطيك علاج يمكن يكون غريب لاكن بأذن الله
ثلاث ايام وتشوف الفرق
تعرف صدى الصاج ( حق الخبز ) الاسود ذرة بعينه ثلاث ايام
وانشاء الله تدعيللي