ما الطريقة الصحيحة والسريعة لتثبيت الرواق وفكه في اسرع ممكن على تندة السيارة؟

[بن نويشر]

كما هو في العنوان :ما الطريقة الصحيحة والسريعة لتثبيت الرواق وفكه في اسرع ممكن على تندة السيارة؟

عطونا خبراتكم وعلومكم بارك الله فيكم .. وذلك للفائدة ..

[ارتست]

اذا قصدك تبي الرواق مثل المظلة فانا انصحك بقواعد تلصقها وتشد عليها الشراع زي اللي بالصورة تشبه لها بساكو

http://i.imgur.com/VpvBW.jpg

[بن نويشر]

بارك الله فيك ...

لا .. انا اقصد الرواق العايدي ..

[اصيل نجد]

هلا باخوي بن نويشر بالنسبه للرواق اظن ماله غير وظعيه وحده اصفطه واربطه بالسله فوق بس اهم شي يكون الربط محكم تعرف مع السرعه لو ينطلق علي السيارات اللي وراك لاقدر الله مشكله كله اصياخ حديد اتمني لك وللاخوان السلامه تحياتي لك

[يكفيني نظرة]

اشتر مغاطات اللي بهن شناكير زينات بس لاتشده وتطلقه يضربك..

[بن نويشر]

الله يعطيكم العافية ...

السلك فكرة حلوه (المعلاق حق الملابس فكرة بس يمكن ينطلق) أما بالنسبة للمغطاطات تحترق مع كثر الشد ومع الحرارة حيث ان ارغب اخلي الرواق على طول موجود على التنده ..

مره شفت واحد مثبت الرواق بطريقة زي ما تقول (القفيز) تفك وتركب بسهولة باهره .. بس للأسف نسيت الفكرة ،،،

[علي الشهري]

إذا كان قصدك تثبيت الرواق وربطه بعد الانتهاء منه على سلة السقف
فأفضل شيء-في نظري- أن تفصل له جراب قوي (تايلندي أو كوري) وتحاول يكون على لون السلة
فائدة الجراب أنه يحفظ الرواق عن الشمس والمطر والغبار والهواء
ويطيل العمر الافتراضي له


ويكون الجراب (الكيس) مفصل معه حبل شد طوله 1م
حبل من الوسط
وحبلين من الأطراف


بحيث تربطه على السلة مباشرة وهو في الكيس


مثل اللي في الصورة
وعرضت الصور لتوضيح الفكرة
وطبعاً أنت فصل الكيس حسب شكل السلة
وحسب المكان الذي تريد أن تضعه فيه


https://lh3.googleusercontent.com/-zq2eu3wUsxM/UJd6Z0bkw5I/AAAAAAAACHo/uQqeRRLgA8U/s846/20121105_110708.jpg





https://lh3.googleusercontent.com/-eW492usuW-0/UJd6ZuAtGqI/AAAAAAAACHg/uJa18qPfZus/s846/20121105_110721.jpg

[tabtab055]

بعد اذن الاداره يرفع للمزيد من الفائده مع خالص الشكر والتقدير لصاحب الموضوع

[حر النداوي]

الله يعطيك العافية