ياربع عندي طير طاح في الصمغ وكيف اشيله

[غازي الذيابي]

السلام عليكم ورحمه الله وبركاته
اخواني طيري طاح في صمغ الفيران وش اسوي له وكيف اطلعه منه

[سعود عرعر0]

لاحول الله
الي اعرف الكاز يشيل الصمغ بس وكاد يضرالريشه و الطير

او شف زيت الطبخ غديه اهون من الكاز

[عواد الشمري2]

اعوذ بالله بصمغ والله مادري لي ساعه اقلبه براسي ولا جات

[ريف المسايير]

سبح الطير في الماء الدافي وخله على طول في الشمس

[غازي الذيابي]

غسالته بي فيري واللحين مورضي يطلع

[عساف ٠٠٠]

مافية مشكلة الا ولها حل

[عساف ٠٠٠]

طيرك وشهو يالغالي

[غازي الذيابي]

حــر تــام

[ريف المسايير]

في اي مكان صاب الصمغ الطير..اي جزء من الطير منحره ولا ظهره ولا كفوفه وين الصمغ مكانه بالضبط وهل الكميه كثيره

[شاهين2]

السنه اللي طافت عندي جير لحق زاجل وزبن الزاجل مخيم ودخل بالخيمه وطاح بصمغ الفيران والطير معاه وجاني واحد من الربع قال عليك بالكاز وفعلا مسكنا الطير من ورا وهو مبرقع وبدينا نمسح الريش شوي شوي لما راح منه الصمغ وهذي عن تجربه وانا اخوك لكن انتبه وانت تمسحه ولا تكثر الكاز.

[بندر خلف]

عليك بالماء الدافي امسح على ريشة الطيرر وافركها فررك خفيف جدا وانشالله بيطلع الصمغ

بعض الطيررو ايتيبون ريشها ويصير اللزق على الريش ويفكون الزق منها بالماء الدافي

[عابرالبر]

يفدونك اهل الطيور

[غازي الذيابي]

مشكورين اخواني اناغسالته بي ماء حار وراح نصف الغرا
وبعدين غسالته بي العطر وراح منه شي كثير واللحين باقي شي بسيط

[THE SNIPER H]

استخدم البنزين او الجاز ولكن الجاز ذو رائحه كريهه يفضل البنزين ولا تقلق لا يوجد منه ضرر

[غازي الذيابي]

الله يوفقكم واشكركم على النصائح الحلوه
وانا جربت البنزين وطلعه من دون مايثر على الريش

[ابوحزااااااام]

يااخوان اذكر يوم انا صغار بعضنا يلزق براسه خويه العلوك وكان مايطلع الا بالفليت ماادري عاد ينفع المثل هاالحاله
معا اني اظن البنزين لازم له ضرر

[غازي الذيابي]

والله اناجربت الطيب ولا نفع معه وجربت الفيري ولا نفع معه وجربت البنزين ماشالله شال الي حطيته عليه من غرا ولا ضر الريش بي شي

[THE SNIPER H]

الحمد لله علي سلامه طيرك وان شاء الله لا تري فيه اي شر
البنزين عن تجربه شخصيه يزيل كل انواع الاصماغ حتي لو جفت وتصلبت ولا يؤثر علي الجلد اوالبشره او الريش

وللمنفعه العامه الثنر اشد قوه من البنزين في ازاله الوساخ او الغراء وتنظيف المواد الدهنيه مثل الزيوت كما انه يستخدم في ازاله الطلاء القديم لكن قد يتلف الريش كما انه قد يسبب احمرار للبشره والجلد ورغبه في حك الجلد (التهاب) لذلك فالبنزين اخف ويفي بالغرض ولا يوجد منه ضرر ان شاء الله
وايضا لا تستخدم الكلور (الكلوركس) علي ريش الطير لانه يتلف الريش يضعفه ويجعل لونه باهت ولكن يجب استخدام الكلور لتنظيف وتطهير ادوات الطير مثل الوكر والدس والكف والبرقع ولكن تأكد من غسل الادوات جيدا بالماء بعد استخدام الكلور
نسألكم الدعاء

[غازي الذيابي]

الله يسلامك ويخليك اخوي مشكور

[stoomm]

المعروف انة البنزين اقوي شي للأزالة والله العالم

[THE SNIPER H]

المعروف انة البنزين اقوي شي للأزالة والله العالم


نعم البنزين قوي في ازاله المواد الدهنيه مثل الشحوم والزيوت والطلاء لو لم يجف تماما والغراء ........
ولكن الثنر اشد وقوي في ازاله الطلاء ولو كان جاف تماما حتي انه قد يسبب احمرار الجلد ورغبه شديده في الحكه لو انسكب علي اليد او البشره الرقيقه
وادعو الله العلي القدير ان لا ترى مكروها في طيورك ابدا ان شاء الله