رجه ونفضه بدي مو دركسون بفتك تماتيك بعد 140

[منطفق بركاده]

بسم الله الرحمن الرحيم

عندي فتك تماتيك فيه رجه بالبدي مو بالدركسون اللي من الطيبين مثلي ويذكر الجيوب الصوالين القديمه وكفراتها مضلعه ابد نفس الصوت اممممم طررررر طبعا بالديكور والبدي احيان تحس تحت رجل الراكب واحيان الابواب الخلفيه ترقل وتروح ثانيه وترجع وعلى هالحاله وحددولي ان العطل بالعامود الامامي والخلفي والله اعلم على اني فكيت الامامي حق الدبل وباقي النفضه ورجعته وفكيت الخلفي وباقي الرجه اللي قررلي انه العواميد مخرطه التعاون بالدمام يمدحونه بالعواميد وفريت التشاليح ومالقيت الا واحد وركبته على ان المخرطه اكدولي انه تالف وبرضه باقي النفضه والجديد غالي حيل اللي يعتقد ان هالنفضه وهالرجه مو من العواميد ياليت يفيدني ماودي بالخساير واللي يخبرلي عواميد مضبوطه سواء بالشرقيه او باي مكان ياليت يفيدني

علما بأن الموتر كان عليه بوالين وتزاويد ورجعته وكاله ومانفع من كفرات جديده وجنوط ايه نسيت لاحد يقولي موضوعي مكرر ياجماعه النفضه والرجه مو بالدركسون بالبدي كل المواضيع قريتها تخص رجه الدركسون نسمع ارائكم :confused:

[sgl2002]

ارفع الموتر من قدام وحرك الكفر بشكل عمودي فرق وتحت اذا فيه فضاوة فهو يبيله تربيط رمانات

[منطفق بركاده]

ارفع الموتر من قدام وحرك الكفر بشكل عمودي فرق وتحت اذا فيه فضاوة فهو يبيله تربيط رمانات



قالولي حقين التشاليح يمكن يكون الرمانات حقت العكوس او العكس نفسه فيه لوح بسيط ورجعت للصناعيه وقالو مستحيل يكون منه السبب لانه لو منه مايطلع من بعد 140 كان من الصفر مشكور على الرد اخوي ومنكم نستفيد

[طلال2009]

كراسي البدي تالفه حصلت معي تاكئد منها

[منطفق بركاده]

كراسي البدي تالفه حصلت معي تاكئد منها



ماقصرت على المشاركه شيكت عليها من باب التربيط وماعليها خلاف يقولون سليمه

[منطفق بركاده]

يعني ماحد يخبرلي عواميد او ورشه محترفه بالشرقيه اقلها اطلع من فحصه على ارض الواقع بفايده او احد مرت عليه زي هالحوسه اللي انا فيها

[شنكار]

صارلي مثلك
الرجة تاتي من الامام الى الخلف
الطبلون ثم غمارة قدام ثم خلف
وهكذا كل دقيقة تجي
وبعد ال140 فقط...

وغيرت الكفرات وراحت...

[منطفق بركاده]

كان على الموتر بوالين وغيرتها دنلوب جديده بجنوط بلاده ولا راحت ماقصرت

[ls1.5700]

شيك على ربل عمود التوازن الامامي والخلفي
ورفع كل كفر وحاول ترجه فوق تحت يمين يسار اذا يتحرك بشكل كبير معناته الرمان يحتاج شد
جرب ماتخسر شي ان انفعت ماضرت
والشي الثاني تاكد من الموتر هل جايته صدمه قوويه على الشاصي ومعدل او لا
تره مهمه 00

[منطفق بركاده]

الموتر ماجته اي صدمه

[مثبت سرعة]

بلاك من العمود الخلفي مثل ما قالك راعي مخرطة التعاون
حلك يا انك تشري عمود جديد أو تدور بتشاليح الكويت

[ابوسند9]

اخوي
شيك على مواصير الكنداسه من اولها الى اخرها ممكن انه تدق في البدي
وبرضو شيك على كرسي القير
وشيك على كراسي البدي وعددها 10 كراسي وشوف اذا فيها فضاوه بينها وبين البدي ويبغى لك فنان للتشييك عليها لان مواقعها ضيقه بالحيل
اما بخصوص الاعمده فا انا استبعد ذالك ولا تخسر نفسك وتشتري لان الباترول نادر جداجدا جدا يطلب عمود اللى اذا جاه ضربه قويه
الشي الاخر انت تعرف اسفل السياره كلها مواصير وعمدان توازن وصاجات وربلات فلو تشيك انت بنفسك اسفل السياره فربما احدى ما ذكر تدق بالبدي او تدق في بعض اوشي حال مساميره وكذالك شيك على اليايات
ويليت لو تبين الصوت يخرج عند سرعة كم؟ وكذالك وانت داعس او رافع رجلك ؟
لكن اعلم اخوي ان الاشياء هذي يبغى لها سعت صدر وفحص بنفسك وليس ورش غير وغير

[باترول 88]

نفس مشكلتك بالضبط
تحس انك مشغل هزاز
والديكور الخلفي يطلع اصوات
والى الان ما لقيت الحل
طبعا موتري باترول موديله تحت 97
غيرت عامود كردان اكثر من مره ولا نفع
غيرت ربلات ولا نفع
رصصت الكفرات وغيرتهن ولا نفع
واتوقع وبنسبه 80 % ان المشكله من الدفرنس
لان فكيت عامود الكردان وعشقت القير ودعست بنزيل ومافيه رجه
لاني كنت اتوقع الرجه من الحذاف
ولاكن مابقى الى الدفرنس
وان شاء الله تنحل المشكله

[ls1.5700]

طيب اخوي كيف تركب عمود من التشليح وانت تقول فكيت العواميد كلها
والرجه فيه ماتغير شي ؟؟
ياخي موترك يحتاج وزن اذرعه وترصيص كفرات بس

[منطفق بركاده]

بلاك من العمود الخلفي مثل ما قالك راعي مخرطة التعاون


حلك يا انك تشري عمود جديد أو تدور بتشاليح الكويت



الجديد تسعيرته تقريباً 3 الاف وبعد الخصم مو اقل من 2000 ريال ومن ناحيه تشاليح الكويت والله ماعرف احد هناك ووصيت ناس بالقصيم لهم خبرتهم بالتشاليح قالو جربنا اكثر من 10 عواميد من تشاليح متفرقه وكلها فيها (حره يعني ترج ) نفس مشكلتي وكانك بالشرقيه ياليت توصفلي ورشه اقدر اخلي عندهم الموتر ويشيكونه من والى بس شغلهم مضمون

[منطفق بركاده]

اخوي
شيك على مواصير الكنداسه من اولها الى اخرها ممكن انه تدق في البدي
وبرضو شيك على كرسي القير
وشيك على كراسي البدي وعددها 10 كراسي وشوف اذا فيها فضاوه بينها وبين البدي ويبغى لك فنان للتشييك عليها لان مواقعها ضيقه بالحيل
اما بخصوص الاعمده فا انا استبعد ذالك ولا تخسر نفسك وتشتري لان الباترول نادر جداجدا جدا يطلب عمود اللى اذا جاه ضربه قويه
الشي الاخر انت تعرف اسفل السياره كلها مواصير وعمدان توازن وصاجات وربلات فلو تشيك انت بنفسك اسفل السياره فربما احدى ما ذكر تدق بالبدي او تدق في بعض اوشي حال مساميره وكذالك شيك على اليايات
ويليت لو تبين الصوت يخرج عند سرعة كم؟ وكذالك وانت داعس او رافع رجلك ؟
لكن اعلم اخوي ان الاشياء هذي يبغى لها سعت صدر وفحص بنفسك وليس ورش غير وغير

تسلم يابعدي

من ناحيه الكناسه او مواصيرها مشيك عليها وعلى كراسيها من والى وكراسي القير يقولون سليمه وبرضه كراسي البدي يمكن مو سليمه بصراحه مافحصتها بس اتوقع مستبعده من الرجه اللي بعد 140 يعني من سرعه 140 والين 200 وقبل كذا ماتنقد على الموتر وبرضه الرجه مستمره سواء داعس او شايل رجلي من الابنص دعسه البانزين ومن ناحيه الاذرعه والعمدان التوازن والربلات حقات الاذرعه والمساعدات واليايات مستبعده بالرجه اللي بالبدي هذا والله اعلم

[منطفق بركاده]

نفس مشكلتك بالضبط
تحس انك مشغل هزاز
والديكور الخلفي يطلع اصوات
والى الان ما لقيت الحل
طبعا موتري باترول موديله تحت 97
غيرت عامود كردان اكثر من مره ولا نفع
غيرت ربلات ولا نفع
رصصت الكفرات وغيرتهن ولا نفع
واتوقع وبنسبه 80 % ان المشكله من الدفرنس
لان فكيت عامود الكردان وعشقت القير ودعست بنزيل ومافيه رجه
لاني كنت اتوقع الرجه من الحذاف
ولاكن مابقى الى الدفرنس
وان شاء الله تنحل المشكله

الله يعيننا وياك لامنك حصلت حل لمشكلتك ياليت تبلغني وانا كذلك شاكرلك تعاونك ومن ناحيه العمدان اللي بالتشاليح اغلبها تفحصها على المخرطه سليمه ولا فيها شي بس يكون فيه فضاوه بين الذكر والانثى نفس اللي صاير معي تأكد من هالشي وياليت لو تاخذ عامود احد زملاك وتجربه عشان تتاكد وبالتوفيق ان شاءالله

[منطفق بركاده]

طيب اخوي كيف تركب عمود من التشليح وانت تقول فكيت العواميد كلها
والرجه فيه ماتغير شي ؟؟
ياخي موترك يحتاج وزن اذرعه وترصيص كفرات بس


يابعدي المخرطه قالولي الاعمده الثنين تعبانه وجبت من التشليح العامود الخلفي وركبته والامامي حق الدبل مفكوك وجربته ولا نفع برضه يرج وعامود الدبل لو اركب تحضيره فرارات مو لازم عامود يعني مو مهم علماً بان الرجه من سرعه 120 وزياده يكون سببها مشكله من الخلف مو من الامام يعني ياعامود يا كرونه يا عكوس يا رمانات خلفيه اشياء زي كذا هذا والله اعلم

[خشير الذيب]

فك عمود الدبل وامش ع الموتر واذا البلا منه تاكد من الصلبان وان نفعة والا ركب فرارات ارخص لك من العمود واريح للموتر سويتها انا من قبل
وان تبي تشيك عمود الدوران وطلع سليم عمود الدبل فك عمود الدوران ورجع عمود الدبل وعشق الموتر سنه دبل خفيف وامش عليه 140 وشف بيرج والا لا وتعرف ان كان الخراب من الا عمده الدبل والدوران والا لا قبل ماتخسر

[منطفق بركاده]

ياشباب اللي يخبرلي عامود دوران خلفي يكون نظيف ومافيه حره او رجه ياليت يفيدني مالي الا ابد العامود الخلفي بعامود مجرب ومضمون عشان اتاكد من هالرجه هي فعلا من العامود او لا ولكم كل الشكر والتقدير