وين افضل الاماكن للتنزه حول الرياض

[99ابوماجد99]

بسم الله الرحمن الرحيم
السلام عليكم

اخباركم اخواني
اسعد الله صباحكم ومسائكم بالخير والسرور
{{{ ماخاب من استشار }}}
بصراحه انا ابي مشورتكم
انا (واعوذ بالله من كلمة انا) جديد بالمنتدى
وكذالك بمنطقة الرياض
وودي استفسر عن افضل الاماكن حول الرياض للطلعات البريه الخفافيه والسريعه
يعني ابو اربعه وعشرين ساعه وجاي
انا ما اعرف اماكن كثيره تجبرك على الخروج لها
والاستمتاع بأجوائها
ودمتم بصحه وسلامه
اخوكم ابوماجد

[راشد أبوعلي]

الطوقي والشوكي
روضة خريم

[برق الصمان]

السلام عليكم
حدد انت تبي اماكن طلعات عزاب والا عوايل
واذا انت من سكان الشمال او الجنوب
سكان الجنوب يتجهون للخراره والاماكن الي حولها
سكان الشمال يتجهون لدقله ونقا العاذريه والنفود الي حولها
اماكن قريبه وارضها زينه وشرحه
تقبل مروري

[نسناس ليل]

وعليكم السلام ورحمه الله وبركاته.. وصباحك ياعزيزي وجميع الاخوان

اذا انت بتطلع يوم كامل انصحك بشعيب بالنهار تظلل بالشجر .. مثل شعيب الحيسية شعيب مفتوح وشرح وغير كذا بتحصل في طريقك مزارع وفيها يبيعون خضار وورقيات ..
اتمنى اكون افدتك

الوصف :
خذ طريق صلبوخ شمالا عند تقاطعه مع الدائري الشمالي، صفر العداد ثم استمر على طريق صلبوخ شمالا، عندما يصبح العداد 24و2 يأتيك مخرج (الجبيلة) اتجه معه، استمر على هذا الخط حتى يصبح العداد 29 تأتيك قرية الجبيل، استمر على نفس الطريق، فإذا أصبح العداد 35 ستأتيك بلدة العييينة، استمر أيضا على نفس الطريق حتى يصبح العداد 50 تقريبا، سترى شعيب الحيسية على يسارك وسيكون طريق بوضة على اليسار اتركه، واستمر على نفس الطريق سترى الشعيب الأساسي على يسارك، أدخل إليه من المدخل المناسب.

[رياوي التايب]

للرفع بعد إذن صاحب الموضوع

وأتمنى من الجميع المشاركة

في ما يعرفون بحيث يصبح الموضوع

مرجع للجميع فيما يخص

الأماكن المشاتية حول الرياض

و السلام عليكم

[klash1]

:good::good::good::good::good::good:

للرفع بعد إذن صاحب الموضوع

وأتمنى من الجميع المشاركة

في ما يعرفون بحيث يصبح الموضوع

مرجع للجميع فيما يخص

الأماكن المشاتية حول الرياض.:good:

و السلام عليكم