رجاء خاص الفزعه يالربع ...؟

[مصخّر البعد]

السلام عليكم ورحمة الله وبركاته

ياشباب عند ي ددسن 2007 فل كامل الموتر نظيف

لكن جتني مشكله في القير قبل مده التعشيق الخامس او الترس الخامس انفرط وانكسر

وغييرته وبعد مده قام يثقل القير ورجع الترس الخامس ماعاد يعششق

احط القير بالخامس كني مفضي الموتر وصار فالقير اصوات وحننه كنها احتكاك حديده مع

بعضه مع التعشيقات كلها يالربع وش تشورون علي ...

هل اغيير القير من التشليح؟ وكم سعره لاهنتو ولا اوضب القير كامل وكم التكلفه ؟

والله ماعاد ادري الموتر له شهرين اقف واحترت مالقيت راي

آآآآآسف اذا اطلت عليكم لكن يا اخواني عطووووني علم . ولكم مني اجمل تحيـــه

[عآشق الذيب]

وعليكم السلام ورحمة الله وبركاته
خذ قير من التشاليح احسن لك وخذ عليه ضمان
لان التوضيب مايضبط

[خبايا انسان]

والله ما ادري هل يتوظب او لا ,,


لاكن خويي خبط قيره مره وحده ,, وركب له قير من التشليح واخذوا قيره رجيع ,, ومن بعدها مسكين تخبيط قير في تخبيط ,, كل فتره ياخذ له قير ثاني من التشليح , لين مل من الموتر وباعه ,,

[خبايا انسان]

ف لا تستعجل وشاور واسال لين تحصل مرادك ,, واتوقع ان خويي صاكته عين على موتره من كثر ماينصبه ههههه كفانا الله الشر

[مصخّر البعد]

يامرحبا ومسهلا ياربي حييهم


الله يبييض وجيهكم والله يالربع إني مادري يمكن خويك ياخبايا ماخذ قير موضب؟ او تجميع ؟

اذا باخذ قير موضب بوضي قير موتري ومدري هل هو يفيد او لا

يعطيكم العافيه لاهنتووو

[العاصمي 706]

السلام عليكم ورحمة الله وبركاته وكل عام والجميع بخير
عندي مشكله في عداد السرعه مايشتغل من بعد ما طلعت السياره
من الوكاله اشتغل فتره وتوقف حتى اليوم طبعآ السياره مكسيما 2004
من عنده حل اوخبره سابقه لمثل هذي المشكله يفيدنا الله يرعاكم

[قناص في البر]

خلك على جبربكسك احسن لك من التشليح لانه مو مضمون مثل الي عندك

وياراعي العداد المكسيما في الغالب الحساس الي بالجيربكس من تحت وشوف قبل اي شي لو له فيوز

[hail_ksa]

إذا لقيت قير نظيف بالتشاليح غير .. الورش يمكن يضبطونه ويمكن مايضبط وتخسر على الفاضي وبعدها تروح تدفع مره ثانيه وتشتري قير .. خل دفعك مره وانسى

أهم شيء دور لك قير نظيف ولا تستعجل واسأل