صوت خلفي بالشيروكي

[ابو شكاع]

سلام عليكم اخواني
موتري شيروكي 2001
سبورت
استعمال أمريكي
قير اوتوماتيك

عرض مشكلة :
تعرفون لما تكونون عند منجرة ... ويستعمل المنشار الكهربائي ابو سنون على شكل شريط ، ولما يخلص منه ويطفيه ... له صوت قبل يوقف
هو نفس الصوت ... حححححح <<< اسلوب مامثلوه بإيصال المعلومة :D
والصوت من الخلف وأحس انه داخل الدفرنس
ما ادري هو الصوت جديد ... او عشاني دايم رافع على صوت اذاعة u fm *

رأيكم ياشباب لاهنتوا
شكري وتقديري

[ابو شكاع]

عند الميكانيكي الحين
يقول ان المشكلة من القماشات اذا هي مستهلكة
واذا هي جديدة فقط يحتاج نفخ بالهوى وصنقرة
فحصها قال هي زينة ،.. وخبري بها زينة
الان يسوي لها نفخ بالهوى وصنفرة
ما أثق بكلامه ولا أعتقد انه يحل المشكلة
وسأشوف وش يصير علينا
شكراً

[اابوكايد]

حلوة الوصف ههههه
مشكلتك بسيطة صارت معي اول ماشريت الشيروكي
اخوي فيه بعض من انواع الشيروكيات يجي فيها كلاتشات بالدفرنس داخل الدفرنس الخلفي لها عمر افتراضي وينتهي
وهي تزود اذا كنت ماشي بشوي ولفيت يمين او يسار زي العرير
هذا حلها رح لواحد فاهم متمرس بالشيروكي وتغييرها عندنا بالقصيم القطع الي هي الكلتشات ب 250 وشغل اليد ب 150 والزيت ناسي بكم الاسعار هاذي ترا قبل سنتين
وشغلتها ماتتعدا اكثر من نصف ساعة للي يعرفها
ملاحظة انا اول ما خربت معي رحت لواحد يماني وفك الدفرنس وماعرف يطبقها المهم لفقها لي وانا مادري وقال خلاص اثره قام ونقص من الكلتشات وركبها وانا غافل المهم راح الصوت لمدة شهرين اثره حاط شحم
وطلع الصوت ثاني مرة ورحت لواحد فاهم بالشروكيات ويوم فك الكلتشات من الدفرنس لقاها ناقصة وعلمني
وخسرني كلتشات ثانية بسبته واحد ماهو عارف شغلة فانت انتبة ورح لواحد يفهم بالشروكي والله يسر امرك

[ابو شكاع]

ياهلابك يابوكايد
اذكر مرة عامل ورشة صحارى بعنيزة قد قال لي ان موترك مافيه كلتشات بالدفرنس بحكم انه استعمال امريكي
هالرواية منب متأكد منه مية بالمية لكن هو فيه شي بالدفرنس مهوب فيه << صار لغز
لكن ان شاء الله اشوف عنه
طبعاً طلع كلام الميكانيكي مهوب صحيح والقماشات زينة والهوبات كذلك
بالنسبة للي حصل لك ... انا لما اشوف يماني بمحل ما أرتاح
صحيح مهوب كلهم ... لكن ما ارتاح لهم
مع ان هالحين ما احد ترتاح له
كلن ينهبك مع جهة
مشكووووور