القماش التنزاني الرملي الاصلي 303 ياهل المكاشيت

[ابو الجدايل 9]

مساكم الله بالخير
وكل عام وانتم بخير
الله يعافيكم دقيت حايل والرياض
ادور احد يفصل لي شراع تنزاني رملي اصلي رقم 303 على موتري
شاص 2009 اشهب
كلا يقول يجينا القماش بعد عيد الاضحى وانا دقن البرد
بهالبر وانا انطر

اللي يخبر لي مستعمل والا جديد يدلن
يابعد حيي انتم
حتى لو بالقصيم ماعندي مشكله

[تالي الوادي]

فيه واحد بالرس يقال له أبو سليمان
موجود عنده .
بس تراه مغليه بالحيييييييييل !!!! يقول المتر ب 50 ريال ! كانه ماأغلاه زود بعد ؟!

[عملاق سبيع]

فيه نوع صيني وهندي نفس التنزاني بالظبط
فصل منه وريح راسك ممتاز جداً وعملي
كل العالم تفصل منه
وفر دراهمك
وريح راسك

[تالي الوادي]

فيه نوع صيني وهندي نفس التنزاني بالظبط
فصل منه وريح راسك ممتاز جداً وعملي
كل العالم تفصل منه
وفر دراهمك
وريح راسك

الصيني ماينفع ولابريال وأنا أخوك !!
لكن الهندي فعلآ فأنا أشوف إنه أفضل بديل في الوقت الحالي ، أذا ماعلمنا أيضآ قلة توفر الباكستاني الي يجي في الجوده بعد التنزاني 303 ، وارتفاع سعره بشكل كبير ومبالغ فيه .

[منسدح واقف]

البارح مرت على الدريويش أبشتري فراش نوم

قال لي التنزاني الأصلي مقطوع من السوق ولي سنه ماحصلته

ومدح لي قماش باكستاني مفصله على فراش ويقول هو نفس خامة التنزاني الأصلي .

أخذت منه حبه . وبصراحة حلو ..

التنزاني مقطوع من السوق وأذا حصلت بتقلى سعرة دبل

[فهد بن مشبب العاصمي]

اخوي التنزاني الاصلي اقدر ادبره لك اذا مالقيته كلمني

[ابورايف]

التنزاني مقطوع من فتره

تقبل مروري

[ابو الجدايل 9]

اخوي التنزاني الاصلي اقدر ادبره لك اذا مالقيته كلمني

على يدك يالغالي
ابيه شراع لشد العقرب موتري شاص
عطني رقمك اكلمك الله لا يهينك

[حرنا بك]

ألتنزاني الاصلي يرجع اسمه للمصنع الي كان في تنزانيا والمصنع اغلق من سنوات عديدة و تم استيراد قماش مشابه له من باكستان ولايوجد حاليا تنزاني اصلي بالسوق.

المعلومة هذي من شخص يشتغل بالغرابي له سنيين

تم الإرسال من جهازي GT-P1000 بواسطة تاباتوك 2

[ابو الجدايل 9]

الباكستاني لا احد ياخذه
لانه مع المطر والغسل والماء يكمش
بعدين ماتقدر تسكر سحاب مثلا
او يقصر