المساعد الشخصي الرقمي

مشاهدة النسخة كاملة : انا بنشدك عن ضيف كثيرا ما يجي بالصيف........الفياض...بطاقة العرس..حله:ذيب الهيلا


ريف النشاما
15/08/2006, 03:28 AM
انا بنشدك عن ضيف كثيرا ما يجي بالصيف

ولا ياتي برجلينه وبه ناس يجيبونه

يجيك بدارك يضيفك ولكن يعتبرك الضيف

تخليه وتضيف اللي لفاك الضيف لعيونه

واظن الضيف وضحته واخذ حقه من التوصيف

عسى فالك مثل فاله وفالي ما يجي دونه
Moham2006mad
15/08/2006, 08:46 PM
المـــــــــــــــــــــــــــــــــــــكـــــــــ ــــــــــيـــــــــــــــــــــــــــــــــــــــ ـــــــــــــــــف
ريف النشاما
16/08/2006, 03:29 AM
:) :)

حقيقتا من أجمل الالغاز التي مرت علي :good:
المسرور
16/08/2006, 05:39 AM
صباح الخير يا الفياض ويا ريف النشاما

و شرايك بالمولود الجديد
الفياض***
16/08/2006, 11:42 AM
المولود والمكيف ما لكم لوا
ريف النشاما
اشكرك على شعورك الطيب
والله يقدرنا ننال رضاكم ورضا الاخوان جميعا
sfr
16/08/2006, 11:51 AM
المكــــيف اخوي ريف النشامى
الفياض***
16/08/2006, 11:55 AM
المكيف غير صحيح كما وان سبق وقلنا
هلابك وغلا بمرورك على لغزي
راع الكحيلة
16/08/2006, 12:06 PM
أظن والله العالم ان السر هنا :

انا بنشدك عن ضيف كثيرا ما يجي بالصيف

إن كان يقصد إن هذا الضيف ما يجي بالصيف أي لا يتواجد في الصيف .. فأظن والله أعلم

إنه الحطب لشبة النار ... يمكن
ابو درع
16/08/2006, 03:37 PM
قربت الدعوى راع الكحيله

اجل مايصير المطر
راع الكحيلة
16/08/2006, 03:45 PM
ابودرع :)
كنت على وشك أحط المطر ...لكن اللي شككني في عدم صحة المطر هو هذا الكلام:

ولا ياتي برجلينه وبه ناس يجيبونه

والمطر ما به أحد يجيبه إلا الله ... فأوقعني صاحب اللغز الذكي في الحيرة

لغز يبدو عليه إنه محبوك بذكاء
ابو درع
16/08/2006, 03:52 PM
الهاديه بالنصف كانهو فنجال لك ولي الدلال

وكانهو خاروف لك الصوف ولي الخاروف

وكانهو بعير لك الرعي والمعالف ولي البعير

وش قلت موافز وريف النشاما له باقي العضاما
المرقاب
16/08/2006, 04:27 PM
الرُطب.... يمكن مادري والله المهم أذا احد يبيني كلموني ( لا تشرهزن مواصل)
الله يسعدكم.................
ابو درع
16/08/2006, 10:08 PM
جبتها ونا ابو درع ... بعت التمحيص والتفكير اقول


مئذون أنكحة ... يعني الشيخ


ولا ياتي برجلينه وبه ناس يجيبونه ... الله يهديك تطلعه لو من تحت الارض

يجيك بدارك يضيفك ولكن يعتبرك الضيف .. متبي كلام

:j
الفياض***
17/08/2006, 12:52 PM
الرطب
الحطب
ماذون الانكحة
المطر
مالكم لوا والاحلى من ذلك كله مروركم الذي تشرفت به اهلا وسهلا بكم
الفارس2006
17/08/2006, 02:05 PM
الفياض صح لسانك الرمعه ((العريس))
ابو درع
17/08/2006, 02:11 PM
فعلا العريس اقرب شي لمئذون الانحكه

والله وجبتها يالفارس .. وبنتظار قول الفياض
الفياض***
18/08/2006, 10:18 PM
اخوي الفارس حياك ربي والعريس مالك لوا والله يرعاك
راعي شواش
20/08/2006, 09:27 PM
(الجح)(البطيخ)(الحبحب)(الرقي) يمكن صدت الهدف يمكن اخطيته 0000000 مع تحياتي وتقديري للجمبع0000000000
النداوي HZ2AF
21/08/2006, 08:59 AM
أظن والله العالم ان السر هنا :

انا بنشدك عن ضيف كثيرا ما يجي بالصيف

إن كان يقصد إن هذا الضيف ما يجي بالصيف أي لا يتواجد في الصيف .. فأظن والله أعلم

إنه الحطب لشبة النار ... يمكن


الأخ العزيز راع الكحيلة ولا يهونون باقي الرجال
السلام عليكم ورحمة الله وبركاته
اخي العزيز انا اختلف معك قليلاً في تفسير اللغز هو يقول
انا بنشدك عن ضيف كثيرا ما يجي بالصيف
المعنى ان هذا الضيف اكثر ما يأتي في الصيف

ولا ياتي برجلينه وبه ناس يجيبونه
وهو اي هذا الضيف لا يأتي بنفسه بل يأتي به ناس فلعله يكون جماد او شئ معنوي

يجيك بدارك يضيفك ولكن يعتبرك الضيف
ثم هو يأتيك في دارك وتكون انت ضيف عليه

تخليه وتضيف اللي لفاك الضيف لعيونه
المعنى ان هذا الضيف يأتيك من اجل عيون آخر تقوم انت بالإهتمام به واكرامه (أي الأخر) وتترك الضيف القادم

واظن الضيف وضحته واخذ حقه من التوصيف
هذه ما يبيلها توضيح

عسى فالك مثل فاله وفالي ما يجي دونه
المعنى ان هذا الضيف فال خير او ان حاله حال طيب الشئ الذي يتمناه لك ولنفسه


وانا برمع الحليب
او الخبر بنجاح اولادك

اخوكم ابو عبدالله
البرق
21/08/2006, 10:12 AM
السلام عليكم

اعتقد انه (( شهر رمضان )) والله أعلم ,,

ولا ياتي برجلينه وبه ناس يجيبونه

أي الناس اللذين يشاهدون هلال رمضان وينقلون الخبرالى المسلمين .
البرق
22/08/2006, 07:03 AM
[QUOTE=البرق]السلام عليكم

اعتقد انه (( شهر رمضان )) والله أعلم ,,
الفياض***
22/08/2006, 08:58 AM
الاخوان
راعي شواش
النداوي
البرق
سعدت جدا بمروركم على اللغز ورمعاتكم عليه
ومالكم لوا جميعا
شكرا لكم
ذيب الهيلا
22/08/2006, 12:47 PM
بسم الله الرحمن الرحيم

يالفيـاض لغزك دواه عندي وانا ابن عـــاصم ...
الرمعه اللى عندي (بطــاقة العــرس) ... اكتر ماتجي في الصيف ... ويجيبونها لك اهل العرس
لحد باب بيتك ...وتخلي الكرت وتضيف العريس اللي جاك الكرت عشانه (تـقــودعليــه) ...
هذا اللي عندي وعساه يسوي شي ...
تحياتي
الصبحي
22/08/2006, 04:17 PM
السلام عليكم ورحمة الله وبركاته

عندي الرمعه هذي

وش رايك (( باالمواجيب أو مانـسـمـيها باالـقـوايــد )) في الاعراس
الفياض***
23/08/2006, 12:58 PM
ذيب الهيلا الف مبروك فزت معنا بجائزة
معنوية مقدارها 1000 صح لسانك و2000 غفر الله لك وجزاك خيرا
انتظرو الجديد القادم والله يرعاكم
الصبحي اسعدني مرورك
الفياض***
23/08/2006, 01:06 PM
الاخ ريف النشاما لو تفعلون حسابي
اليوم كنت بطرح لغز
ما قدرت حتى ارسل لك رسالة خاصة
يقول ما تم تفعيل حسابك
والله يرعاك
النداوي HZ2AF
23/08/2006, 02:59 PM
وانا لا تنسون نصيبي من الجائزة :D
لاني شرحت اللغز شرح سهل حله :rolleyes:


ابو عبدالله
الفياض***
26/08/2006, 11:25 PM
النداوي انت عسل
الفياض***
22/03/2007, 12:31 AM
لغزي ودي تقرونه علشان توني منزل لغز جديد