( حبارى ولا سوادي )

[تاكيد]

http://dl6.glitter-graphics.net/pub/2205/2205326iy1a0in72o.gif

مساء /صباح الــــخــــــير " اخواني اعضاء مـــكـــشــــات...

س/ هل الحمامه اسبق او الحبارى؟

طيب اذا الاجابه : الحبارى



(ليش نقول )



( الطير سبوق سبق فارط يلحق السوادي سلم )


واذا الاجابه الحمامه:


( ليش نقول )

( الطير حباره ماتروح )

ملاحظة:
على العمووووم تراني فيلسووووف زياده :D.,,,, لاكن السؤال واضح.

[بدوي نمبر ون]

الحبارا اسبق بواجد ولا تقارن باي حمامه كانت والسبب بالموحه موحتها تخلي الطير يفحط لين ياصلها.
ويقولون يلحق السوادي سلم لان السوادي يقدر اي واحد يجيبه اما الحبارا لا
انت لو تذكرلي حبارا ٥٠٠ كيلو عني جيتك كانس.
والطير اللي يقولون حباراه ماتروح ( وصف مجازي لااكثر ) ولا الحباري راحت على فروخ الشياهين.
اتمنى اكون افدتك

[عاذي]

الحباري ماهي بالكرتون لاجيت تشتري طير تبي تجربة تقول يالله هذي الحبارا .. اما السوادي بالكرتون .

[الريمى]

الحبار اسبق عندنا فروخ شياهين وحرار الحمامه لو بالنجوم يحولنها وقبل ٣ سنين يوم طلعت الحباري من العراق بين اللحق قامت تشفط
علينا وعلي طيورنا

[m7md-qtr]

شوف هالرابط وانت احكم الحبارى ولا السوادي :)

http://www.youtube.com/watch?v=XhTa8RLCCuo

[فيصل الذيب]

شوف هالرابط وانت احكم الحبارى ولا السوادي :)

http://www.youtube.com/watch?v=XhTa8RLCCuo


الفرخه رديه مع احترامي والله يبارك لراعيها

لكن """

المقطع لا يحكم فيوجد فروخ فرط هالحبارى ماتتعدى الصدام المهم

بالنسبه للحبارى والحمام لو توفرت الحبارى كثر الحمام الي كل يوم نهده
بيختلف الامر الحمام دايم الي يلحق السوادي سلم تهدله سواديه يصيدها لكن محد يقولك الحبارى سلم هههه الحباري تختلف فاليقول الحباري خبيله هنالك سبب اما انها توها عابره ولا ارتاحت الى المسليمين طابين عليها وهادين او انها صدق خبيله ماهي برقناسه هههه
لكن الطير الي يلحق حبارى شريد مخالا هذا طير طيب ولا فيه حكي لين الحبارى اذا اركبت السحاب رااااحت

[سلطان 1]

اخوي
كذااا مره أعيد هالمووووضووووع
الحباااارا ماهيب حول الحمااامه
ولا تقارن الحبارا بالحمااامه.
الحمااامه خبيله من تشوف ان الطير وصلها
وهي خارطه عمرها وشايخ عليها الطير
اما الحبارااا النشيط والله ما ينوخها الا الطير السبوووووق اللي
اليا ردها مرد بس زااد طيارها
وقامت ترقاااا لين يغصبها علي انها تنزل والا علق.
هذا فرق الحبارا عن الحماااامه.

[كايد]

مسيكم بالخير .....انا ما لي بالطيور .لكن سؤال يقودنا إلى البعض يوم يقول(طلع على كروان) ؟!؟!!!؟!!!؟! .


ما ادري الطير يطلع على الكروان نخبره من شيبانا ومن صقاقير الوقت الحالي ان الطلع على الحباري .

[الامبراطوري]

الحبارى اسبق بلا مقارنه الحبارى اذا عزمت شوي وتختفي عن الشوف تشفط لطير والطير توه عندك

كثير ما نسمع عن طيور تلحق السوادي ولكن تفرط حباري سبق

والمقياس على الحباري الشرد والمعاشير ولا اللي توهن جايات غفل هذولي تصيدهن بيدك

[اعدام]

مرحباً بكم جميع والحباري اسبق لأكن الزواجل اعتقد اسبق ومشكور ياراعي المقطع وسلامي على راعي الهدد ابو تويم وتستاهل واللي يقول المفروض يصيد عند الصدام ترا الفرخ يوم طار يتكبر ولا احتمى الا عقب وموفقين

[تاكيد]

الله يحيكم جميعأ ’ والله لايهينكم على المشاركه , والتفاعل ,,,,,,,

لاتنسون ,,,,,,,,,,,,, ان الزاجل من انواع الحماااااااااااااااام.

[hawwamT]

لايمكن المقارنة...
الحبارى كاما ارتفعت كلما زاد ذلك في سرعتها واما الحمامة كلما ارتفعت كلما ضعفت في السرعة والطير أسرع من الحبارى على الأرض وكلما اقتربت الحبارى من الأرض اما كلما ارتفعت وارتفع الطير فالحبارى تصبح أسبق بسبب وزنها وطول جنحانها وبوزها اللي يشق الهوا بشكل أسرع...وبامكان الطير الصامل لحاقها ولكن الطير الضعيف والجوعان فقد يبرد ويخليها ولذلك وزن الطير صحته في البر تكون مكتملة ولم يتعرض للتجويع فيكون اسبق من الحبارى بكثير

[قرناس ثالث]

حبارى اول الوقت مهب هذيك السبق تقريبآ نفس السوادي

واذا تبي تشوف الحبارى الي تقطع قلبك وقلب طيرك تعال شفها اخر الوقت

اتمنى افدتك

[صقار بلا طير]

كلن له راي
بس الحباري تطير غير عن طريقة الحمام
كيف تقيسها والسياسه غير
لو تطير الحباري نفس الحمام كان سهل صيدتها
لفه يمين وكمان يمين لهي ترتفع ويفكها الارتفاع
والحمام سياسة غير يسوق والطير يردم ولصارت تحته الحمام راحت بطاطا ههههههه

[اماراتي 10]

هلا يا الربع الحباره فيه منها مثل الصقور شي منها سبوق عابر اسبق الصقور تخليه وراها بأشواط وفي منها الي سبقه عادي تصيدها الصقور

[فالح الملعبي]

السبوق الخرب اذا قضب القاع وتبي العلم الوكاد اسال اللي يقنصون للعراق

[s3s3]

الخرب المربع وعقله ملكع ويفقع على الشوف ومواسيه تقطف روس الشجر يخلي اسبق البيتيات على السوادي الحمام يوقع على روس الحزوم يمحط وراه كيلو ويضيعه واذا الارض مستويه ياطيبه اذا جاب معه 3 كيلو

[حصريا001]

الحباره اسبق من الحمام السوادي
اما الزاجل سبقة مايقارن معه شي

[تميم2222]

اذا هو زاجل فهو اسبق من الحبارى ولا فيه مقارنه ..اما الحمام العادي فلا وسلامتك

[صقار الأسياح]

العام اللي راح راحت على جهام طيري وحده وعلى قناص طير خوينا ابو صالح ثنتين وهن اسبق طيرين بمنطقتنا الحباري فيها شي جنون طيارهز

[تميم2222]

الحباره اسبق من الحمام السوادي


اما الزاجل سبقة مايقارن معه شي

صح لسانك ..:good2:

[خالد العطااوي]

الحبارى بلا منازع ... وكل حبارى تفرق عن الثانيه .. مثل الطير اللي يفرق عن الثاني ..
في خرووب مايلحقنها فروخ الشواهين .. واسبق من الزاجل والسوادي ..
وسلامتكم ..

[هاوي الجيرات]

هلا يا الربع الحباره فيه منها مثل الصقور شي منها سبوق عابر اسبق الصقور تخليه وراها بأشواط وفي منها الي سبقه عادي تصيدها الصقور
كلام سليم 0100/0

[باترول هدد]

الطيور سبقها يختلف سواء الحمام أو الحباري او الكروان منها الفارط ومنها اللي وسط

لكن الحبارى فيه ميزه ماهي موجوده بالحمام
لاشمت الهواء وارتفعت قليل من اطيور اللي يجيبها وكذلك المراوغه كل ماتروغ عن الطير وهي 10 امتار يمين ولا يسار

[ابوحزااااااام]

شباب اللي عنده طير حبارى مو سبق فارط فانا اتحداه يلحق سواديه بشرط انا اللي اجيبها
والله عندنا صقارين يجيهم واحد يتحداهم بحمام منتوف مافيها الا ثلاث واذا مبطيه معه خلاها خمس
واغلب الطيور صايده حبارى ولاتقدر تصيدها

[نواف911]

اعتقد الحمام الدحل