استشارة عن الساكتون الاسباني

[سعد الطويفح]

السلام عليكم ..

حسب خبرتي الساكتون الالماني هو الافضل .. لكن اسعارها غاليه شووي والا هي مافيها كلااام .

لذلك حبيت اسئل عن الساكتون الاسباني85 من ناحية جودتها و فاعليتها .. وهل هي من النوع اللي يخرب بسرعه والا يعيش فتره مثل الالماني ..؟

>>> الاسباني معجبني فيه (السرج) والعلامة اللي في اخر ماصورة البندق لانهم فيهم الوان تحدد التصويب .. بصراحة خااااشة مزااااجي ههههه

ايضا حبيت اسئل عن حجم رصاص الساكتون هل الكبير شوي افضل والا الحبة الصغيره ؟

شكرا لكم جميعا .

[سعد الطويفح]

طبعا افضل موديل 85

[راعي الشاخوفه]

من واقع تجربه الهوائيات بشكل علم قليلة الاعطال
يعني ميب شازن حوستها واجد
اخوي عندك المركز الاول فايروخ 85 سعرها 1700
الاسباني حليله بس سعرها 1300 او1400 يعني زدها وخذ الافضل

[سعد الطويفح]

صدقت ...
لكن الاسباني يتميز بالعلامات الملونه حقت التصويب . وايضا اخف وزنا من الالماني ..



طيب بالنسبة لحجم الرصاص ايهما ادق في التصويب او الافضل ؟

[سعد الطويفح]

الفايروخ وين احصلها بالرياض ؟
و من هو وكيلها

[راعي الشاخوفه]

شف ونا اخوك الي يعرف يرمي ما همه. النيشان (علامة التصويب) ملونه ولا موب ملونه
يعني كلها اكسسوارات وانت ورغبتك بس للرصاص. الصغير افضل بكثير
من ناحية الدقه والسرعه ومتوفر بكل مكان

[الشقردي 205]

إخوي الساكتون الاسباني القامو حسب تجربه ممتاز جداً ..


انا عندي قامو 35 هنتر اسباني له 5 سنين عندي والله العظيم انه على سستة وجلبة الوكاله وللحين مافيه اطلق منه ..

[Al.GrAaH]

تبي نصيحتي خذ الماني ديانا وربي تعجبك بس عيبها انها ثقيله

وتحمل كللل شي وتنظف بسرعه

أما الاسباني عند اخوي جيده في التصويب وخفيفة الوزن

بس مامن قوه

[سهم 30]

شوف الديانا ٣٥
القديمه افضل ساكتون وخفيفه مره
إذا لقيت مستعمله اشترها وانت مغمض

[ZKM]

والله يالغآلي انا عندي اسباني مقاس 35 .. ما شاء الله زي الخرازه .. بس يوم صار بيني تحدي انا وربعي بنوعين الرصاص ونشوف من بندقه الاقوى ( الاخضر .. والاحمر ) وكانت اللي عندي متفوقه بكثير .. ولكن فيهم واحد ما يصلي على النبي .. ومن ذاك اليوم وهي كل يوم يجيها بلى .. وآخر مره تركتها مع ولد اختي عشان يتعلم عليها وكان يضربها فاضيه لين انعدمت السسته والجلده .. وشريت القطع عشان اصلحها .. وبعد التفكيك ماعرفت اطبقها وباقي للحين مفككه ولا حصلت حد يسويها .. لازم الرياض من محل ما شريتهاا ..

رأيي فيها بصفه عامه : قويه وتستآهل قيمتهاا..

[حزوبر]

عندي لها تسع سنين كد ومد ماشاء الله، وتصويبها دقيق ولا تحتاج صيانة، وقويه ، عذروبها الوحيد الميزانية في بعض مديلاتها

[سعد الطويفح]

بيض الله وجيهكم ..

[سعد الطويفح]

اخوي ..zkm
وش تقصد ب( الاخضر والاحمر ) ؟

[سعد الطويفح]

عندي لها تسع سنين كد ومد ماشاء الله، وتصويبها دقيق ولا تحتاج صيانة، وقويه ، عذروبها الوحيد الميزانية في بعض مديلاتها

تقصد الاسباني طبعا .. والا ؟

[البحريه07]

النوريكا90 طيبه من وواقع تجربه

[سعد الخرجي]

طويل العمر الاسبانيات طيبين ومن عمر نعرف صناعتهم طيبه ولكن مافي مقارنه نهائيا مع البنادق الالمانيه كعمر ولكنها تأدي الغرض وافضل من الالمانيات بخفة الصوت وندفتها اقل ولكن كقوة واداء الالماني جربت القامو الاسباني والامريكي وجربت الكوميتا صراحتا وزنهم خفيف وكسرتهم خفيفه كذلك وتجربتي لهم كانت اقل من السنه للبنادق الثلاث صراحتاً ماشكيت منهم نهائياً ولكن لقيت نفسي بالديانا صراحتاً تطرب وانصح فيها او بالفايروخ وإذا انك معزم على الاسباني عليك بالنوريكا او الكوميتا فهم اجود بكثير من القامو والله يوفقك ويرزقك مطلوبك يارب

[سعد الطويفح]

آمين ..

والله يجزك خير يالسمي

[سعد الطويفح]

وين احصل النوريكا او الكوميتا بالرياض ؟

[صياد الرأس]

نصيحي من اخ لك ابعد عن الاسباني سواء قامو او نوريكا مثل ما قالوا الاخوان هي خفيفة وقوية ولا كن غير دقيقة في التصويب وش الفايدة اذا ماهي دقيقة في التصويب وكل رمي تشطح لوحدها وخلك على على الالماني ديانا او فايروخ فهي متقنة الصنع وباحكام دقيق ولو لقيت مستعمل وقديم يكون افضل من الجديدة افضل الديانا 27 و 36ر و 38 و 52 هؤلاء افضل من ناحية الرمي والقنص وتحمل الكد والمد والفايروخ 30 و35 و70 و80 و85 وخذ منها حسب صيدك وخذ المتوسط منها مثل 38 ديانا او 85 فايروخ تجيب الي تبي وادفع فيها حتى لوهي غالية تستاهل لانها تجمل ما تخيب زي الاسباني والالماني خمس رميات الى 10 بالكثير وتحدد دقة التصويب والاسباني تروح علبة كاملة وباقي لم تحدد دقة التصويب وارجو اني افتدك لا تاخذ اسباني فتندم والسلام عليكم

[عصويد2]

الالماني وبس شف المرسدس
هو صج احد يطول الا لماني