من قال ان الجبيل فيها صيد

[boqatar]

السلام عليكم ورحمة الله وبركاته،
من قال ان الجبيل فيها صيد بالعربي يا انا نحس :no:يالبحر ما يطيقني لمدة شهر كل يوم لمدة سبع ساعات والصيد قرقفان وشعري اصغر من صبعي الابهام بالعربي خسرت فلوس وتعبت مابقى ربيان سلس خثاق اي سمكة اصيدها من البحر احطها وارميها وللاسف تحقط لي قبقب وقام يقطع في السمك :(وياكلهم واذا خلص سحبها واجي انا اركض من الفرح اقول صادت صادت :eek:واسحبها ومافيها شي لا طعم ولا سمك :mad:كان القبقب يقول بالله عطني سمكة ثانية ما شبعت :(ما ودي اطول عليكم بس راح اذكر لكم الاماكن اللي اصيد فيها
1: كورنيش الفناتير
2: المردومة
3: المخيمات 4: الحفرة اللي جنب خفر السواحر 5: البحر قريب نقطة الخفر مدخل راس بوعلي 6: كورنيش دارين

[مجدونتال]

الله يعينك

[المبردي]

من قال فيه صيد

[متعبهم]

الصيد يبغاله صبر وانا أخوك

وانصحك بالأماكن البعيده عن الناس والأماكن الطينيه وانتم بكرامه

[boqatar]

المشكلة يالربع ضاع وقتي وانا اصبر تخيلوا اني جالس ادور اماكن صيد في الجبيل عن طريق قوقل ايرث واروح وألاقي المكان يبغى له جيب ربع او تصريح

[accentkool]

غريبة الاماكن المذكورة كلها فيها صيد
شوف يمكن انك انت مخطي بشي

[xmx202]

جرب شاطئ النخيل وقت الثبره

الطعم ربيان والخيط لا يزيد عن 40

[ناجل سمار]

وعليكم السلام الرزق على الله والبحرفيه رزق

[Fishing_30]

هههههههههههههههه نفس الحالة يبي لنا مدرب في الجبيل . انا حتي من التحليلات الغير منطقية قلت يمكن المشكله في الخيط. واروح الخبر واطق لي سنارة اطول مني هههه. طلعت العله في اللي ماسك الخيط والسنارة هههههه بس والله متعه . صدت لي قرقفانه نص اليد ومستانس راح اركض فيها البيت ..
الله يرزقنا الصيد الطيب .
انا صراحه اطالب بتجمع الصيادين المبتدئين

[boqatar]

جرب شاطئ النخيل وقت الثبره

الطعم ربيان والخيط لا يزيد عن 40

هالمكان ما جربته لاني سمعت ان فيه قباقب بالهبل وانا عدوي اللدود القبقب يا انه مسخرني مسخره حتى حلفت اني اذا صدته بدعس على راسه من القهر
اليوم قاعد اخطط على كم مكان في العقير راح احط لكم صورة المواقع الي يمدحونها لقيتها امس في احد المنتديات

[boqatar]

هذه الصورة ان شاء الله راح اروحها كلها
http://im21.gulfup.com/gVFH1.png
هذي الصورة لقيتها هنا في هذا المنتدى

[rha_2002000]

الصيد
الصبر مفتاح الفرج
انا كانت في رحه مع الشباب كل اشوي اقول لهم مافي صيد
لسه اشوي بعد نصف ساعة مشعارف اوقف الصيد الشباب كلهم يقولوني الصبر بعد كذا اقتنعت انا الصيد له مهلة

[rha_2002000]

في الجبيل الصيد حلوووووو مره انصحكم في الخروج الى الجبيل

[د.فادي بوعادل]

شوف يا اخي الكريم من واقع خبرتي المتواضعه ومن متابعتي لاراء الاخوة الافاضل في المنتدى كل مكان وله طريقته في الصيد يعني:
1-بعض الاماكن لا تحتاج للرمي البعيد يعني السمك بيكون على بعد 5-10 متر منك وفي هذه الحاله لاتستعمل ثقل مجرد العجين وهتلاقي يطلعلك شعوم كبيره لا تصدق انها موجوده تحت قدمك
2- بعض الاماكن يصلح فيها فقط الارساليات
3- بعض الاماكن زي راس تنوره الصيد فيها رائع في الشتاء لكن الصيف ولا حاجه
وهكذا اعتقد تجري الامور مع طبعا التاكيد ان في الاول والاخر هي رزق مقسوم لك وربنا يرزقك بسبيطي 23كيلو يعوضك عن كل اللي فات تحياتي لك اخي الكريم

[الصيادالمليح]

قبل ثلاثة اسابيع واحد صاد كنعد طوله متر تقريبا من الكورنيش المقابل لمطعم ستيك هاوس

وكان الطعم اللي حاطه سلس حي

بس للاسف كان شابك في بطن السمك وانفلت منه وهو يحاول يطلعها

[boqatar]

ابشركم امس رحت بحر سكسكو في شاطيء القرية وحطيت السنارات وركبت الطعم سناره فيها ربيان والسنارة الثانية فيها باغة والثالثة فيها ميد والرابعة ميد بعد ورميتهم وفجأه سحبة اللي فيها سمكة الباغة بس سحبتها وراح اتوقع انه قبقب المهم تميت لين طفشت ورحت اشيك عليهم وما توقعت اللي يسحب السنارة واسحب وانا مو مصدق وطلع هذا الحلو http://im19.gulfup.com/8mVv2.jpg

[hunter78]

ما شاء الله بداية الخير
تابع أخوي الصيد يحتاج للصبر
الاسبوع اللي فات طلعت المردومة وما استفدت شي رحت كورنيش الدمام وكمان ما صدت شي أخيرا قعدت على الواجهة البحرية والله رزقني 3 كيلو شعوم من اللي يحبهم قلبك
أهم شيء لا تيأس وطالما إنك بتنوع بالطعوم والأماكن فلا بد بالنهاية تزبط معاك وتتوفق بالصيد
تحياتي

[طيور المسفارة]

الصيد يبغاله صبر وانا أخوك

وانصحك بالأماكن البعيده عن الناس والأماكن الطينيه وانتم بكرامه

[boqatar]

ما شاء الله بداية الخير
تابع أخوي الصيد يحتاج للصبر
الاسبوع اللي فات طلعت المردومة وما استفدت شي رحت كورنيش الدمام وكمان ما صدت شي أخيرا قعدت على الواجهة البحرية والله رزقني 3 كيلو شعوم من اللي يحبهم قلبك
أهم شيء لا تيأس وطالما إنك بتنوع بالطعوم والأماكن فلا بد بالنهاية تزبط معاك وتتوفق بالصيد
تحياتي

ما شاء الله عليك والله فرحت وابشرك كل الشباب اللي معي في الدوام فرحو واللي ارسلي رسايل صوتية يبارك ما تدري وش مسوي فيهم كل يوم ساحب لي 5 ,6,7 يصيدون معي وما نطلع بشي

[boqatar]

;)
الصيد يبغاله صبر وانا أخوك

وانصحك بالأماكن البعيده عن الناس والأماكن الطينيه وانتم بكرامهس يبيله صبر وهذا ما نختلف فيه بس من كثر ما اصبر حسيت اني اضيع وقت بالله وش الفرق بين الصبر وتضييع الوقت ؟
من وجهة نظري الصبر انك تطلع بشي وتضييع الوقت انك تطلع فاضي :good2:
لذلك قررت اني اصيد لمدة ساعة اذا ما طلع شي بغيير المكان وش رايك:D
أما بالنسبة للاماكن اللي البعيده يبيلها جيب ربع او دبل وانا وانا أخوك معي بليزر بس مش دبل الاماكن ادورها عن طريق قوقل ايرث واروح لها والاقيها طعوس او ممنوعه بيني وبينك بدور في الموقع يمكن الاقي اماكن حلوه في الجبيل راحو لها الشباب وينصحون فيها

[boqatar]

شوف يا اخي الكريم من واقع خبرتي المتواضعه ومن متابعتي لاراء الاخوة الافاضل في المنتدى كل مكان وله طريقته في الصيد يعني:
1-بعض الاماكن لا تحتاج للرمي البعيد يعني السمك بيكون على بعد 5-10 متر منك وفي هذه الحاله لاتستعمل ثقل مجرد العجين وهتلاقي يطلعلك شعوم كبيره لا تصدق انها موجوده تحت قدمك
2- بعض الاماكن يصلح فيها فقط الارساليات
3- بعض الاماكن زي راس تنوره الصيد فيها رائع في الشتاء لكن الصيف ولا حاجه
وهكذا اعتقد تجري الامور مع طبعا التاكيد ان في الاول والاخر هي رزق مقسوم لك وربنا يرزقك بسبيطي 23كيلو يعوضك عن كل اللي فات تحياتي لك اخي الكريم
اشكرك يا بع قلبي مره صدت سمك الحمام بالطعم الصناعي اللي على شكل ربيان وينور بالليل صدته العصر الساعة 3 تقريبا وكان مثل ما قلت تحتي بالظبط بس كان عندي دورة غوص ورحت تخيل صدت 3 سمكات في ربع ساعة وهذا كان في المردومة بس بالنسبة للشتاء اللي راح كنت اسال ناس بس مو اهل خبره وقالو لي روح بيتكم نام مافي صيد في البرد وانتظرت الصيف بفارق الصبر ويوم جا الصيف مافي سمك وادخل مواضيع الاقي العالم تصور سمكها وهي لابسه لبس شتوي وبيني وبينك انكسر خاطري بس صراحه دعوتك 23 كيلو سبيطي تستاهل احلى دعوه في ظهر الغيب:good2:

[boqatar]

http://im13.gulfup.com/TBnY2.jpg
هذه السمكات اللي جاو بالطعم الصناعي وانا مش ناوي اصيد

[alqamr]

http://im13.gulfup.com/TBnY2.jpg
هذه السمكات اللي جاو بالطعم الصناعي وانا مش ناوي اصيد
اخوي اذا ممكن صورة للطعم الصناعي المستخدم :)
و عقبال هامور ابو 80 كيلووووو

[boqatar]

اخوي اذا ممكن صورة للطعم الصناعي المستخدم :)
و عقبال هامور ابو 80 كيلووووو




تلاقيهم في خيط واحد خمس و ست حبات ب 12 ريال تقريبا http://im14.gulfup.com/I8932.jpg

[ABO ZAIN 29]

والله مو انا
هههههه😜

[@ بحار مجيرمة @]

والله مو انا
هههههه��




كمان مش أنا اللي قلت
ممكن واحد من الشباب يبغى يضيع الرجال

هههههههههه

يعني ناوي تصيد ولا اعتزلت

إذا اعتزلت في واحد بيشتري أغراض الصيد

على البركة يبو زين على التوقيع الجديد

أصلي عليك ياصاحبي.

معليش ياراعي الموضوع على الشطحة

[عاشق المجارير]

اخويه هاذا رزق والبحر هو الي يعلمك الصبر الله يرزقك ضعف ما تمنيته لي

[boqatar]

ABO ZAIN 29 (http://mekshat.com/vb/member.php?u=198222) من جد مو انت
شباب وش هالشطحة الأليييييييييييييييييييمه

[kingg4l]

الصيد يبي له صبر وانا اخوك
اوقات تطلع بدون شي و اوقات تطلع بخير
هذا بعض من صيد الجبيل يوم الاثنين الماضي تاريخ 12/10/2012

http://imageshack.us/a/img692/39/img20121112wa0027.jpg

http://imageshack.us/a/img849/9071/img20121112wa0025.jpg

http://imageshack.us/a/img266/6809/img20121112wa0035.jpg

انت عليك تتوكل على الله سبحانه وان شاء الله بتطلع بوحوش البحر
بالتوفيق

[زيــآدِ]

ما مثل سوق السمك بخشم الريال

[boqatar]

الصيد يبي له صبر وانا اخوك
اوقات تطلع بدون شي و اوقات تطلع بخير
هذا بعض من صيد الجبيل يوم الاثنين الماضي تاريخ 12/10/2012

http://imageshack.us/a/img692/39/img20121112wa0027.jpg

http://imageshack.us/a/img849/9071/img20121112wa0025.jpg

http://imageshack.us/a/img266/6809/img20121112wa0035.jpg

انت عليك تتوكل على الله سبحانه وان شاء الله بتطلع بوحوش البحر
بالتوفيق



ماشاء الله تبارك الرحمن من جد وحوش البحر والله وانا اخوك قلة الصيد من المعاصي اللي نسويها والله المستعان بس ان شاء الله اليوم الصباح بروح وبصيد وعليك بالعافيه:good2:

[Mr.mego]

السلام عليكم ورحمة الله وبركاته

زي ما قالو الاخوان الصيد يبي له صبر وحاول تنوع في الطعم واحسن شيء تسويه تحمل معاك قرآن ترمي السنارات وتقعد تقرأ قرآن منها ان انت تستنى رزق من رب العالمين ومنها تكسب اجر بدل ما يروح الوقت بدون صيد ولا اي شيء

وفقك الله لصيد كنعدة طول طراد ^_*

[boqatar]

السلام عليكم ورحمة الله وبركاته

زي ما قالو الاخوان الصيد يبي له صبر وحاول تنوع في الطعم واحسن شيء تسويه تحمل معاك قرآن ترمي السنارات وتقعد تقرأ قرآن منها ان انت تستنى رزق من رب العالمين ومنها تكسب اجر بدل ما يروح الوقت بدون صيد ولا اي شيء

وفقك الله لصيد كنعدة طول طراد ^_*
كلامك قمة في الروعة وان شاء الله راح اسويها وتكسب اجر بإذن الله وشاكر مرورك يالغالي