لو ضاع طيرك وقرنس خلااوي هل

[متعب العساف]

السلام عليكم ورحمة الله وبركاته

اسعد الله اوقاتكم بكل خير ومحبه

فيه موضوع حايس بفكري شوي وحبيت اخذ رائي الصقارين كلهم لان بالامكان احد منهم يمر عليه هالموضوع على الطبيعه

مانطيل عليكم ندخل بالموضوع واهم شي رائيكم بالموضوع

هذا شخص عنده طير وغالي عليه ضاع الطير بنهاية المقناص

والطير فيه فتخه ( حجل ) فيه اسمه وورقمه

المهم الطير انشبك ببداية المقناص يعني الطير قرنس خلااوي .

الي شبك الطير جاء في باله احد امرين

الامر الاول : انه طير ضايع وحش ببداية المقناص ويكون فاعل للخير ويرجع الطير وهو في باله ان الطير غادي قبل شهر وعلى كذا يعني وقت بسيط ولم يدقق في قدم سبق الطير ووحشيته

اتصل على صاحب الطير وقاله طيرك مسكناه ورد عليه صاحب الطير طيري له سنه وانا اولى فيه .!!

الامر الثاني : ان الي مسك الطير عرف ان الطير مقرنس خلااوي وصاحب الطير يعرف بطيره اكثر من غيره وطيره قرنس ورجع وحش واكيد صاحب الطير بيعرف طيره اكثر من غيره
وتوقع منه يعطي الطير القيمة الي تستاهل الطير
ولاكن صاحب الطير طلع بمقوله طيري ورجع لي !؟
ودخلو في مشاكل وصاحب الطير يقتدي بمثل ان الحلاال لا يضيع واقتداء بمثل اخر
(( الجمل لو ضاع وبعد سنه وجدة يبقى ملكه لوجود الوسم عليه ))

كل القصة الي فوق واقع وحصل قبل مدة

السؤال : هل اذا قرنس الطير خلااوي يحق لصاحبه المطالبه به بعذر الحجل الذي يحمل معلومات صاحب الطير؟

هل يوجد قنون قديم بخصوص قرنسة الطير خلااوي ؟

.

[ريف المسايير]

مافي قانووون وأنا اخووك لكن الحجل يكفي والطير لازم يرد الى راعيه الاول...سؤال لو وجدنا بوك((( محفظه)) وفيها دراهم ويوجد في البووك اثبات للشخص راح يكون تصرف الرجال الي يخاف الله ان يبلغ عن الدراهم وعن البووك ويسال عن صاحبها..مثالها مثال الطير الحجل وانا اخوك يعتبر وسم وعنوان لصاحب الطير..والحلال لازم يرد على راعيه..وشكراً

[ابرق الحرار]

لايوجد قانون والطير ليس من حق صاحبه الاول وانما يتم الاتصال عليه بعد طرح الطير ويعرض عليه لانه المبدا بذلك واذا دفع قيمة جيده لاباس ان يتم البيع عليه هذه تحصل اكثر من مره مع اخوانا في الخليج اذا فعل الطير يتم وضع الحجل في رجله ويتم اطلاقه آخر المقناص حتى يقرنس في الخلا واذا جائت رحلة الصيد الشبك في الموسم القادم وتم طرحه يتم الاتصال على صاحب الطير وتتم المزايده على الطير حتى يقف عليه ويشتريه

[متعب العساف]

اخوي ريف المسايير

اشكرك بالاول لتفاعلك وابداء رائيك واضن فيه شي يفرق الطير عن البوك الجمل وغيره

اشكرك لمرورك

[تساهيل1]

اخوي ريف المسايير

اشكرك بالاول لتفاعلك وابداء رائيك واضن فيه شي يفرق الطير عن البوك الجمل وغيره

اشكرك لمرورك



لا ابد مايفرق نهائيا لان الحجل ماوضع الا لتعريف الطير
اذا ضاع

الطير موسوم بطريقه تخص الطيور اللي هي الحجل
مثله مثل الناقه بس ماتقدر توسمه بكوي يعني الحجل
نفس الوسم

والرجال اللي يخاف الله وفيه رجوله بيتصل عليك

ويجيبه لك عند بيتك

وبالتوفيق

[متعب العساف]

اخوي ابرق الحرار

ااشكرك بالاول لتفاعلك وابداء رائيك وكلامك جميل ولاكن مو كل اصحاب الطيور الي ضايعه يجيه خبر طرح طيره لو بعد سنه يكون بكلام واحد نحن في زمن كثر القناص والكل معه طير و اكثر المشاكل في شبك الطيور والكل يعرفها هذا شاف الطير قبل هذا هذا رمى لطير قبل هذا هذا وهذا وهذا مشاكل كثيرة في شبك الطيور والكل يعرفها فمابالك بطير به سبق وحجل وقرناس بتكون قيمة مولعه شوي وبيجي فيه مشاكل لو علم صاحبه القديم .
اشوف لو يكون فيه قانون موحد يقتصر كل المشاكل

[متعب العساف]

لا ابد مايفرق نهائيا لان الحجل ماوضع الا لتعريف الطير
اذا ضاع

الطير موسوم بطريقه تخص الطيور اللي هي الحجل
مثله مثل الناقه بس ماتقدر توسمه بكوي يعني الحجل
نفس الوسم

والرجال اللي يخاف الله وفيه رجوله بيتصل عليك

ويجيبه لك عند بيتك

وبالتوفيق

اخوي اشكرك لمرورك

الفرق هذا طير كومة ريش يعبر الدول والبحور والجزر ولا احد يعرف اين يكون طول فترة القرنسه ولا يعلم صاحبه هل سيرجع هل سيعبر هل سيهاجر هل يجدة احد بعد سنه ويتصل عليه هنا يكون امل صاحب الطير في رجوع طيره بعد سنه 1% فقط فيه فرق

[تساهيل1]

اخوي اشكرك لمرورك

الفرق هذا طير كومة ريش يعبر الدول والبحور والجزر ولا احد يعرف اين يكون طول فترة القرنسه ولا يعلم صاحبه هل سيرجع هل سيعبر هل سيهاجر هل يجدة احد بعد سنه ويتصل عليه هنا يكون امل صاحب الطير في رجوع طيره بعد سنه 1% فقط فيه فرق



كلامك في محله لاكن يبقى الصقر حلال راعيه طارحه او مشتريه قبل فقده

لاكن فسر لي وضع الحجل ورقم الهاتف!
ليش وضعت

للزينه ؟؟

للمفاخره؟؟

[متعب العساف]

كلامك في محله لاكن يبقى الصقر حلال راعيه طارحه او مشتريه قبل فقده

لاكن فسر لي وضع الحجل ورقم الهاتف!
ليش وضعت

للزينه ؟؟

للمفاخره؟؟

الحجل يدل على صاحب الطير يعني اثبات ملكية ودليل للوصول الى صاحب الطير لو طاح الطير في يدين واحد يخاف الله ولاكن الكلام هو الوقت يعني اسبوع اسبوعين شهر شهرين هنا يكون ملكة ولاكن اذا الطير اخذ سنه كامله عنه وجد بعد سنه هل يبقى ملكة ؟

[ضحوي الرويان]

... ياخي الطير له راعي ان شاء الله غاب سنتين له راعي يكفي الحجل ...

[طيرالوله؟]

الطير من حق صاحبه اللي ماجابه من فضا حط فيه دراهم مثل السياره والمنزل وغيرها ماجت الا بالدراهم والطير لايفرق عنها اذا كان به حجل واسم صاحبه لو بعد دهر الى لمن لاضمير له

[متعب العساف]

الف شكر لكم لمروركم وابداء ارائكم

حلو دام نظرتكم كذا ان الطير لو بعد سنوات يبقى لصاحبه مهما كان الامر

افهم من كلامكم انكم اذا حصلتو طير ضايع من صاحبه منذ سنوات بترجعونه بلا مقابل ؟

ترى السالفه نقاش وحوار بين اخو مع اخوانه يعني كل واحد يدلي بدلوه

ادري اكثر الصقارين شاهد الموضوع والتزم الصمت ! وادري فيه مشرفين نفسهم يحذفون الموضوع !

الموضوع حايس براسي من وقت وسالت فيه اكبر الصقارين وكل واحد يقول كلام مختلف ونزلت الموضوع هنا
قلت ممكن يكون فيه قانون او شي يثبة تلك المساله بس ماطلت بنتيجة غير ان الطير ملك لصاحبه لو بعد سنين .

[أحمد الشمري1]

اسمحولي أدلي بدلوي. وانتوا. اعرف مني

الطير عند راعية حاجه من اثنين يحطهن في باله. يا يكون ميت ولا ضايع

فاذا وجد بنفس الموسم هذا من حق راعيه ولا جدال عليه
أما إذا قرنس خلا ففي الحاله هاذي يعتبر الطير حكم الميت
ولكن لصاحبه الحق في شراءه بالقيمة التي لا يكون فيها ظلم للطاروح وهو ان يتم تقييمه على سعر السوق ولكن ليس بسعر الوحش وإنما سعر البيتي. وفي الحاله هاذي لا يكون هناك ظلم للإثنين فهما في الحاله هذه متكافئين

هذا رأيي وانتظر تعليقكم حول سن قانون بذلك.

[الامبراطوري]

على حسب العرف القديم الطير اذا قرنس خلا ماهو لك

[متعب العساف]

اسمحولي أدلي بدلوي. وانتوا. اعرف مني

الطير عند راعية حاجه من اثنين يحطهن في باله. يا يكون ميت ولا ضايع

فاذا وجد بنفس الموسم هذا من حق راعيه ولا جدال عليه
أما إذا قرنس خلا ففي الحاله هاذي يعتبر الطير حكم الميت
ولكن لصاحبه الحق في شراءه بالقيمة التي لا يكون فيها ظلم للطاروح وهو ان يتم تقييمه على سعر السوق ولكن ليس بسعر الوحش وإنما سعر البيتي. وفي الحاله هاذي لا يكون هناك ظلم للإثنين فهما في الحاله هذه متكافئين

هذا رأيي وانتظر تعليقكم حول سن قانون بذلك.

اخوي احمد الشمري
وماشاء الله كلامك كله درر وعين العقل و اشكرك لمرورك

[متعب العساف]

على حسب العرف القديم الطير اذا قرنس خلا ماهو لك

اخوي الامبراطوري مرورك وكلامك ومعرفتك بالعرف القديم شي يميز مرورك
سمعت بالعرف القديم من احد الصقارين الكبار والان تاكدت منك اكثر تسلم اخوي

[ريف المسايير]

معا احترامي لكل من قال ان الطير اذا قرنس خلا مهو بملك راعيه..واتوقع كلهم طواريح ..ياجماعة الخير الله وضعك سبب في طرح الطير لكي ترده ع راعيه اما الوحش الي مافيه ماريه جعل والله فيه العافيه..لكن حلال الناس ياجماعه والله يابعض الربع انه يتدين ع شان يشتري له طير ويستانس به...واكبر مثال الناقه يالربع لو ضاعة لها سنه تقرنس خلا ههههههه وريشها محترق << يعني اشعفتها..بيقول الي لقها الناقه ماعادهي بلك مستحيل لنها راح تعتبر سرقه..والله يوفقنا وياكم ويكفين شر المال الحرام

[عبدالرحمن بن ذياب]

فالساحل لو طرح طير و قرنس خلا يدقون على راعيه و يبلغونه و يحضر المزاد
اما يزايد و ياخذ طيره او ما معه إلا انه يشوف طيره يروح لغيره
وهذا اشوف انه ظلم و اشوف ان طيرك لو غدى منك و طرح بعد 10 سنين هو لك

[متعب العساف]

اشكر جميع الاخوه والاحبه الي ابدو ارائهم

كلامكم على عيني وراسي كلكم

طيب اذا تشوفون ان الطير ملك صاحبه مهما طالت السنين

بيصير للطواريح الكبار يد قويه بالموضوع

بدل ماابحث عن وسايط ودفع فلوس عشان اخذ تصريح تدخيل طيور من الخارج
اجيب 100 حجل بسمي واسافر للخارج واطرح من الفروخ واستانس بالطرح والبس حجول وافك الطيور ولابد يعبر من هالطيور 30% او 50% طيلة ثلاث سنوات او اربع

ياخوان العرف القديم هو الي ماشي عن كل الصقارين القداما ولاكن صقارين .

توقع لو يكون هناك صوت واحد ياكذا او كذا ونمشي على طريق متعارف عليه ويكون الجميع على عرف واحد

ويتم تفادي كل المشاكل في المستقبل

وبالنهايه اسف على طرح مثل هذا الموضوع ولاكن والله اني نزلت الموضوع وتوقعت دخول الصقارين الكبار والمشرفين في هالموضوع ولاكن مو مشكله

ارفعو الموضوع ولا احذفوووه لاني ماطلعت بنتيجة

واسف شديد الاسف على فتح مثل هالمواضيع واحترامي لكل

[السومر]

أنا ضاع لي طيرين واحد جاني علمه بعد سنه والثاني ما جاني عنه شي

واللي طرح طيري الاول اتصل علي يقول شبكنا طير والطير عليه فتخه بهذا الرقم

قلت ايه نعم هذا طيري غدى الموسم اللي راح . رد علي قال الطير الليله بالمزاد واذا لك خاطر تشتريه فانت أبدأ وأحق

رديت عليه وقلت له لو انك ساكت كنت بعطيكياه لكن دام هذا كلامك . ما اقول إلا حسبي الله ونعم الوكيل عليك و الله لا يسامحك ولا يبارك فيك ولا في مالك .

وهذاك يوم وهذا يوم

[دنيا بلا معنى]

اخوي موضوعك حلو
لكن الي اعرفه وهو سلم عند اغلب الصقارين اذا قرنس الطير خلى تتصل على راعيه يحضر
المزاد علي الطير وهذا حقه فقط
طبعا هذا ينطبق فقط على الطير الي قرنس خلوي
تقبل مروري

[دنيا بلا معنى]

اخوي موضوعك حلو
لكن الي اعرفه وهو سلم عند اغلب الصقارين اذا قرنس الطير خلى تتصل على راعيه يحضر
المزاد علي الطير وهذا حقه فقط
طبعا هذا ينطبق فقط على الطير الي قرنس خلوي
تقبل مروري

[دنيا بلا معنى]

اخوي موضوعك حلو
لكن الي اعرفه وهو سلم عند اغلب الصقارين اذا قرنس الطير خلى تتصل على راعيه يحضر
المزاد علي الطير وهذا حقه فقط
طبعا هذا ينطبق فقط على الطير الي قرنس خلوي
تقبل مروري

[دنيا بلا معنى]

اخوي موضوعك حلو
لكن الي اعرفه وهو سلم عند اغلب الصقارين اذا قرنس الطير خلى تتصل على راعيه يحضر
المزاد علي الطير وهذا حقه فقط
طبعا هذا ينطبق فقط على الطير الي قرنس خلوي
تقبل مروري