طريقه صيد الحباري

[صقر الفاج]

السلام عليكم ورحمة الله وبركاته
كيف حالكم اخوتي الكرام عساكم ابخير
لديه استفسار عن طريقه صيد الحباري بدون طير
لكثرة الحباري عندنا والحمد لله
صارلي كم يوم اتجول بالبر واشوف الحباري كثيرة ماشاء الله
لكن حذره جدا تطير من مسافات بعيده اتفوق مرما البندقيه
ارجو من لديه الخبره ينورنا ابمعلومه سهله لصيدها
تحياتي وتقديري للجميع

[وحيد الليل404]

يفيدونك الاخوان

[محمد العقص]

لاتصيدها وش تبغى فيها ؟؟؟

خلها للصقاقير .. ينطرب راعي الطير والطير معها

الله وكبر يـ .. الحبارى القمري افضل منها 100 مره من ناحية الطعم

وانت وانا اخوك راعي بندق خلك على الدرج والقطا هذا موسمكم اما الحبارى لراعين الطيور

[قلب ذيب]

مثل ما قال الاخ / محمد العقص . الحبارى حلاة صيدها بالطير , اما البندق فحبارى او ثنتين لاباس
لكن تحشر الحبارى بالبنادق فذلك تصرف غير طيب , أكيد انت في ديره بها قطا ودخل وارانب وكراوين
وما الى ذلك من الطرائد الاخرى , وتلك الطرائد غنيه بالطعم اللذيذ !؟
... خلك على تلك الطرائد وتواصل مع أحد من الصقاقير اللي عنده طير وتفرج على صيد الطير ويمكنك
تعلم صقارة الطير وصيد الحباري .... ماقلت لنا وين دارك ؟؟

[صقر الفاج]

[SIZE="5"]السلام عليكم
اخوتي
الكرام مشكورين وجزاكم الله خير
لكن الحباري ماهو شرط صيدها الا ابطير
قوانيص الطير قليل والحباري واجد
قلت استفسر عن صيدها بالبندقيه
لكن الضاهر الصقاقير ما ابودهم ابو البندق يصيد حباره هههههههههه
والأخ / قلب ذيب / يسأل عن ديرتي
انا ديرتي العراق

[راشد الهاجري999]

والله افضل طريقه انك ترتب لي أجيك وتدخل طيوري وفالك طيب كل يوم بعزل لك اربع حيات

[صقر الفاج]

والله افضل طريقه انك ترتب لي أجيك وتدخل طيوري وفالك طيب كل يوم بعزل لك اربع حيات


اتشرف بيك اخي الكريم
لكن المسئله مومسلة حيات او ميتات او اكل لا اخوي
لكن وناستها ومتعتها وصيدها صدقني احلا من الاكل وانا اخوك
شاكر لك مرورك
اخوك ابوضاري

[XQXالعرابXQX]

والله ياخوي ياصقر يبي لك ان كنت تبي تصيدها بالبندق انك توقف موترك وتروح وتتخبى بمكان ومكان لين تقرب منها والله يوفقك وان شاء الله تصي عشر بس لو انك قريب منا عشان تعزمني هههه

[صقر الفاج]

والله ياخوي ياصقر يبي لك ان كنت تبي تصيدها بالبندق انك توقف موترك وتروح وتتخبى بمكان ومكان لين تقرب منها والله يوفقك وان شاء الله تصي عشر بس لو انك قريب منا عشان تعزمني هههه

حياك الله اخوي ماكصرت وكثر الله خيرك والله يجزاك خير
لي الشرف ان تشاركني الزاد

[صقار بلا طير]

اذبحها بالبندق
الحبارى صارت اكثرر من قمية سياره
التجار صارو يشترونها
لاحول ولاقوة الا بالله
ماهي هوايه غطرسه