سؤال عن فرار الدبل

[كاره الفورد]

السلام عليكم ورحمة الله وبركاته

احد الشباب راعي التطعيس والصيد سئلني عن فرارات وانا مالي خلفيه فقلت مالها الا منتدى مكشات

الرجال يقول انها فرارات تركب فوسك الجنط يستخدمونها فالجيوب يسمونها فرار الدبل

مدري عرفتوها ولا لا ؟

اتمنى تفيدوني وش فايدتها وكم تكلف تركيبها وهل تنصحون انه يركبها اولا

لاندركروزر 99 6 سلندر جي اكس

وشكرا لكم

[SGL]

ركبها ولاتشاور احد روح واسعاره على حسب انواعها وتركيبها بسيط بس خذ الافضل في الصناعة

[كبسولة2]

نصيحة لك ولغيرك الفرارات صحيح انها تريح الموتر في المشي ويخف وتوفر شيئ بسيط في البنزين

ولكن من سلبياتها وأهمها أنها أحياناً وأنت مغرس في الرمل تفرط التروس الداخلية للفرار ولا تشبك

تشغل الدبل والكفرات الامامية لا تتحرك وتبلش بعمرك اذا كنت في مكان نائي ومقطعة

فانتبه ونبه صاحبك لهذا الشيئ وبالتوفيق

[SGL]

بما انه كبسولة قال شي صحيح ويعجبني دايم لاكن انت يوم تنزل للبر ومغراز شغل الفرار لاتخليه يوم تغرز تشغله وفي الخطوط والبلد خله مقفل انا مركبه وله اللحين عندي ثمانية سنين مظبوط

[مطر وربيع]

الفرار زين يخفف الموتر ويخف الدركسون معك وتفتك من رجه عمود الدبل لكن لاتركب الا اصلي لان البرازيلات تنفرط
وماعاد تشبك مع عكوس الدفرنس

[sgl2002]

اذا فرط فك مسامير الفرار

فكه سهل جدا

فك المسامير وطلعه فقط وانتهينا

[كاره الفورد]

شكرا لكم جميعا

وبما ان كبسوله قال لها سلبيات فماراح اخليه يركبها

لانه توه مغير مقصات فوق وتحت ومصلح السياره من والى ومكلفته وهو متسلف بعد فماهو ناقص يتعرض لمشاكل ثانيه لانه يادوبه صلح سيارته

وشكرا لكم جميعا ولكل شخص افادني بمعلومه

[Salamah.y]

يارجال , اذا ركبها
يخلي الفلنجات الاصليه معه بالسياره
لو لا سمح الله فرطت و الا صار فيها شي
يفك الفرارات , و يركب الفلنجات , و بيرجع الوضع كما كان
و ان شاء الله انه ما يشكي منها , و لكن الاصلي غالي للأسف

,

كل التوفيق @~

[sgl2002]

يارجال , اذا ركبها
يخلي الفلنجات الاصليه معه بالسياره
لو لا سمح الله فرطت و الا صار فيها شي
يفك الفرارات , و يركب الفلنجات , و بيرجع الوضع كما كان
و ان شاء الله انه ما يشكي منها , و لكن الاصلي غالي للأسف

,

كل التوفيق @~

حتى لو ما ركب الفلنجات

انا مجربها قبل افك الفرارات واخلي الموتر بدون فلنجات ويشتغل الدبل

[Salamah.y]

حتى لو ما ركب الفلنجات

انا مجربها قبل افك الفرارات واخلي الموتر بدون فلنجات ويشتغل الدبل

كيف يشتغل الدبل بدون الفلنجات ؟
وش يوصل دورة العكوس للكفرات ؟!

مادري انت أبخص
بس اذكر مره تكسرت علينا الكرونه الأمامية
و كان الموتر اذا مشى قدام تسمع طحن حديد
و اذا رجعت ورا , الكفرات تعض ما تمشي خير شر
فكينا الفلنجات ,, و مشت الامور , كأن مافيه دفرنس أمامي ابد

,

و كل الشكر على المعلومه الجديدهـ
ان شاء الله ما يجي اليوم اللي نحتاج نجربه

ودي ,, @~

[التعـ King ـديل]

اهم شي بالفرار انك بين فتره وفتره تفك القفل حقه علشان مايجيم وينشف الشحم

افضل نوعيه البرازيلي طبعا بعد فرار الوكاله

سعر البرازيلي مع التركيب عند السليماني الحين 575 ريال

[ابوهاشم a]

نصيحه لك ركب الاصلي