الدزق والصحن احترق فورتشنر

[دروبك ياسهر]

السلام عليكم
اخواني اعضاء مكشات
عندي فورتشنر 2012 استخدمه بشكل طبيعي ولاكن من فتره احس ان الدزق (الكلتش)احترق السؤال يبدو انه غير معقول ولاكن وش اسوي هل فيه دزق وصحن غير الوكاله يركب عليه لان الاصلي خرب بسرعه وهذي مشكله تويوتا .

[مدور طريق]

اخوي اعتقد انه عيب مصنعي .. موبمعقول 2012 يحترق الكلتش بهالسرعه !
اذكر فاك كامري 2003 وكالة وغيرت دسك الكلتش بعد 9 سنوات استخدام

شوري عليك رح للوكالة وقلهم يصلحونها على الضمان .. واذا رفضو اشتكهم.

وبالتوفيق،

[يكفيني نظرة]

السلام عليكم
اخواني اعضاء مكشات
عندي فورتشنر 2012 استخدمه بشكل طبيعي ولاكن من فتره احس ان الدزق (الكلتش)احترق السؤال يبدو انه غير معقول ولاكن وش اسوي هل فيه دزق وصحن غير الوكاله يركب عليه لان الاصلي خرب بسرعه وهذي مشكله تويوتا .
اصبر !
وش العلامات اللي حسيت منها انه احترق؟
ارجوا انك تتأكد لأني اعتقد انه عطب بس ما احترق والتعطيب عادي مع الشد على الموتر ولكنه يخدم فتره ..

[rpk]

يا ان الكلتش فيه مشكله او انك متوهم او ان قيادتك للقير العايدي غير صحيحه

[دروبك ياسهر]

هلابكم الوكاله ماراح تقبله لاني فاك البلف ومغير زيت الفرامل ازرق الماني
والكلتش محترق اذا دعست بنزيم ارتفع الضغط والسياره تون بس في بدايتها

[بريداوي اصليm]

ياخي طع شوري ورح للوكاله وخلهم يفحصونه عندهم تلقاه خلل من المصنع ولا شي ...
وعلى قول خوينا يكفيني نظره ترا الموتر مع الجلد والشد يعطب كلتشه
تقبل مروري

[ls1.5700]

موترك يحتاج وزن
اوزن دعاسة الكلتش يمكن شاده شوي
حاول ترخي عليها لما يصير فيه فضاوه بسيطه مو مره
تقريبن 2 سم
اعتقد ان فيه وازنيه تحت عند العصاء اللي راكبه فيه الفحمه اذكر التايوتاء
الموديلات القديمه فيها وازنيه بس موترك ماني متاكد
بس شيك عليه اذا فيه تحت مسمار وفيه صاموله طالعه من المكبس حق الزيت هذى هو الميزان
وديه للورشه ويضبطونه ان شاء الله
اذا مانفعة كل المحاولاات 00 يبقى عندك الصحن والدسك والفحمه
الله يعينك تغيرهم وكاله

[دروبك ياسهر]

المشكله مفروغ منها واعرفها ومعروف ان كلتش التويوتا اسرع استهلاك مقارنه ب النيسان هذا عيب مصنعي من قديم . هو يبي دزق وصحن غير الوكاله اقوى منه رياضي. ولاغيره

[ls1.5700]

الرياضي مشكلته يطلع صوت لقلقه
انا مجربه شاريه من الامارات بـ 7000 ريال
نصيحه ركب وكاله بس انتبه وانت تسوق لاتحط رجلك دايم على دواسة الكلتش
ولا تقوم الموتر بـ 2
دايم قومه بـ1 على اساس تحافظ على الدسك والصحن
واذا انت راعي تفتفه لا اتفتف والموتر معشق بنمره فضه وتفتف على كيفك
بس انتبه من مسامير الثلاجه تراها من التفتفه ترتخي وتطيح على الستم
وبعدها يخبط الموتر

نصيحه شله مره وحده اضمن لك
ماعليش على الشطحه بس من زود الحرص
وبالتوفيق ان شاءالله

[دروبك ياسهر]

اجل مالي الا كلامك هههه التفتفه احس ان الي يسويها مايبي المكينه بس انتبه لاتكون منهم. تحياتي^.^