اسمٍ يابو ماجد عن الكل دسّه ...................... حله ( ابو ماريا ) .. الحل ( جمرك )

[ابو ماجد 2]

بسم الله الرحمن الرحيم

السلام عليكم ورحمة الله وبركاته


اسمٍ يابو ماجد عن الكل دسّه=اسم الذي بين البنات القرايب
نوبٍ ونوبٍ ياولد لو تجسه=ان قلت وسط البنت فالقول صايب
اول ثلاث احروف حذرا تمسّه=واتلى ثلاثه عكسهن فعل طايب
الياغدا نصفين يامن تعسه=جل العرب من فودته صار هايب



تحيتي وتقديري لجميع الزملاء

ابو ماجد -منتديات مكشات

[عطري]

و عليكم السلام و رحمة الله و بركاته
صح لسانك أبا ماجد
حاولت بهالمزيون طقيته يمين جبته شمال عيا يمشي معي و الوقت سريع و عدد الألغاز اليوم لا بأس به
كأني في اختبار.
نلتقي غداً بإذن الله .

[ابو ماجد 2]

و عليكم السلام و رحمة الله و بركاته
صح لسانك أبا ماجد
حاولت بهالمزيون طقيته يمين جبته شمال عيا يمشي معي و الوقت سريع و عدد الألغاز اليوم لا بأس به
كأني في اختبار.
نلتقي غداً بإذن الله .

هلا بالعطرالفواح
سعدت بتواجدك وصح بدنك
نقاشك صباح الغد ان شاء الله

[ابوماريا]

صح السانك يابو ماجد وسلم بنانك

وبيض الله وجهك يالغالي


دموع

[راعي 505الدلة]

السلام عليكم ورحمة الله وبركاته..
صح لسانك وبيض الله وجهك وعادتك
الابداع ..مرور تقدير وسلام

[البواردي05]

صح لسانك يا غالي
وانا مالي الا فرص قليلة للدخول على النت
اتمنى ان تكون وجميع الاخوة بخير
جت في بالي رمعة شكلها مضلعة
ناردين
دمتم بخير
ولاتوخذونا على عدم التواجد
وتراكم ما غبتوا عن القلب
آآمل إن الاختبارات تعدي على خير ونتواصل اكثر من أول
أستودعكم الله

[المزيدي4]

وعليكم السلام ورحمة الله وبركاته
صح لسانك يا ابو ماجد
رمعة نسجل بها الحضور
وش قولك في :
شقيقات < إن ما صابت تصلح مشروع لغز هههههه

[عطري]

السلام عليكم و رحمة الله و بركاته
صبحك الله بالخير أبا ماجد
ما هي بالعادة غيبتك ، عسى المانع خير؟؟؟

[ابو ماجد 2]

وعليكم السلام ورحمة الله وبركاته
صح لسانك يا ابو ماجد
رمعة نسجل بها الحضور
وش قولك في :
شقيقات < إن ما صابت تصلح مشروع لغز هههههه



هلا بك يابو سعد
وآسف لتأخري بالرد
صح بدنك
والرمعه مالك لوى
وشقيقه وشقيقات بالفعل تصلح لغز شد حيلك يالغالي

[ابو ماجد 2]

السلام عليكم و رحمة الله و بركاته
صبحك الله بالخير أبا ماجد
ما هي بالعادة غيبتك ، عسى المانع خير؟؟؟


وعليكم السلام عليكم ورحمة الله وبركاته
هلا بالغالي
وما تفقد غالي
النت معطل والحمدلله عادت الامور

[ابو ماجد 2]

الاخوة الافاضل

اليكم زيادة بيت لعله ينحل


اسمٍ يابو ماجد عن الكل دسّه=اسم الذي بين البنات القرايب
نوبٍ ونوبٍ ياولد لو تجسه=ان قلت وسط البنت فالقول صايب
اول ثلاث احروف حذرا تمسّه=واتلى ثلاثه عكسهن فعل طايب
الياغدا نصفين يامن تعسه=جل العرب من فودته صار هايب
اللغز ياللي رايد اليوم فرسه=عدة حروفه اربعه ياحبايب
مبداه بداية يابن الاجواد جلسه= لغزي وضوحٍ زهبوا له نصايب

[ذيب الفقارة]

ويش رايك في :

الأقارب عقارب

عقرب

عقر

عق ..رب

برق

[ابو ماجد 2]

ويش رايك في :

الأقارب عقارب

عقرب

عقر

عق ..رب

برق



هلا بالغالي
اسعد الله جميع اوقاتك
اليوم الساحه مامن تواجد
لذلك ابشر بتخفيضات قد تصل الى 50/
الرمعه مالك لوى
والبنات المقصودات الدول

[ذيب الفقارة]

أمين الجامعة العربية
نبيل العربي

[ابوماريا]

الحمد لله على السلامة يازينة شباب المنتدى
وش تقول بالرمعة هذي

جمرك
جمر
كرم
اااااااااااا

[الماايسترو]

الحمد لله على السلامة يازينة شباب المنتدى
وش تقول بالرمعة هذي

جمرك
جمر
كرم
اااااااااااا


عفيه يابو ماريا انا اتوقع 99% اخترقت هذا اللغز

ننتظر ابو ماجد

ويقولون من طول الغيبات جاب الغنايم هههههه

[ابوماريا]

عفيه يابو ماريا انا اتوقع 99% اخترقت هذا اللغز

ننتظر ابو ماجد

ويقولون من طول الغيبات جاب الغنايم هههههه

الله يعافيك والشر مايجيك يالغالي

تقبل احترامي وتقديري

[المزيدي4]

سلمت وسلم فكرك
يا سلام عليك يا أبو فايز .

[ابو ماجد 2]

أمين الجامعة العربية
نبيل العربي


هلا بك يالذيب
لايزال طليق

[ابو ماجد 2]

الحمد لله على السلامة
يازينة شباب المنتدى
وش تقول بالرمعة هذي

جمرك
جمر
كرم
اااااااااااا


الله يسلمك من الشر
يازينك رامعا وواصفا لشخصي بالشباب لأقهر بعض ناس
ماشاء الله تبارك الله يابو فايز
كفوووووو كفوووووووو كفووووووو
نعم
جمرك
بين البنات القرايب الدول المتجاوره
واحيانا بوسط البنات بوسط الدول بالمطارات
اول ثلاث احروف حذرا تمسه جمر
واتلى ثلاثه عكسهن فعل طايب كرم
الياغدا نصفين جم رك اي ركاك والجم الركاك من فودته نهاب تلوثه
مبداه بداية جلسه حرف الجيم
بيض الله وجهك ولله درك يالغالي

[ابو ماجد 2]

عفيه يابو ماريا انا اتوقع 99% اخترقت هذا اللغز

ننتظر ابو ماجد

ويقولون من طول الغيبات جاب الغنايم هههههه

هلا بك يابو عوض
صح لسانك انت وابو فايز
نعم انهاه لله درك
وابشر بسعدك والله يقدرنا نجيب لك الغنايم

[ابوماريا]

الله يسلمك من الشر

يازينك رامعا وواصفا لشخصي بالشباب لأقهر بعض ناس
ماشاء الله تبارك الله يابو فايز
كفوووووو كفوووووووو كفووووووو
نعم
جمرك
بين البنات القرايب الدول المتجاوره
واحيانا بوسط البنات بوسط الدول بالمطارات
اول ثلاث احروف حذرا تمسه جمر
واتلى ثلاثه عكسهن فعل طايب كرم
الياغدا نصفين جم رك اي ركاك والجم الركاك من فودته نهاب تلوثه
مبداه بداية جلسه حرف الجيم
بيض الله وجهك ولله درك يالغالي


عز الله انك زينت الشباب
ونور المنتدى
والزعيم
وكل السجايا الطيبه قليلة بحقك

كفووووك الطيب ياراعي الطيب
وجهك أبيض يالغالي

[ابو ماجد 2]

سلمت وسلم فكرك
يا سلام عليك يا أبو فايز .


سلمت من الشر يابو سعد
وبيض الله وجهك انت وابو فايز
تأييد موفق

[ابوماريا]

سلمت وسلم فكرك

يا سلام عليك يا أبو فايز .


ومن قال يسلم
سرني مرورك يابو سعد
لاخلا ولاعدم يالغالي

[ناصر العلي]

حياك ربي ياأبوماجد
وأشوف عدوى برق القصيم بدأت بالإنتشار:eek:
وكفو ثم كفو ياأبوفايز
ولله درك يالغالي
دمتم بألف خير

[ابوماريا]

حياك ربي ياأبوماجد
وأشوف عدوى برق القصيم بدأت بالإنتشار:eek:
وكفو ثم كفو ياأبوفايز
ولله درك يالغالي
دمتم بألف خير

كفووووك الطيب
يا دكتورنا المبدع
ونورت يالغالي