حداق بالدمام تمام اقععععععععععععععد)

[سداح الاول]

عارف اني غثيتكم بهذا العنوان المتكرر دمام وتمام وشمام :D بس اوعدكم اذا تغير صيد الدمام عن الشعري والفسكر والبركوده اغير ام العنوان

يعني مثلا لو صدت ناجل وهوامير وسمك احمر وازرق مثل الي يصيدونه اهل الغربيه
راح اكتب العنوان

مع الصيد في الدمام مراح يجيك النوم <<<<< مش عتقدر تغمض عينيك بااايخه

طيب اليوم عندي تقرير وراح اخذ راحتي في هذا التقرير وراح اوصف لكم الحدث خطوه بخطوه



بسم الله الرحمن الرحيم

تقرير رحلة يوم الخميس لليلة الجمعه الموافق 8/11/2012
في تمام الساعه 12 صباحا

تم الاتفاق بين الطرف الاول انا والطرف الثاني محمود على عمل رحله بحريه ,,,

ولله الحمد وافقت انا مع اني رافض اني اطلع بحر مع هذا المخلوق الي هو الطرف الثاني محمود نهائيا
اكيد البعض جاه الفضول ويبي يعرف لماذا ما ابي ادش معااااااه:mad: هو بالذات :::

في الرحله الماضيه الي عنوانها حداق بالدمام 95 كيلو بالتمام تذكرونهاا؟؟؟؟

اخذت نصيبي الي هوو 25 كيلوو ورحت البيت وانا سعيد وسلمت ام عبد الله السمك وكثرا من الاسئله جت في بالي قبل لا ادخل البيت واقابل ام عبدالله ومنها:
1- هل سوف تستانس ام عبد الله لان ابو اعيالها الطرف الاول انا صاد كميه كبيره وانه اقوا واحد في العالم:D
2- هل سوف تقبل تنظيف السمك الي بهذي الكميه ام بتربطه برقبتي وتقولي رح اقرب محل سمك ينظفونه انت وريحتك :mad:
3- وهل وهل وهل مابي اطول عليكم وهل وهل
وبما ان ام عبدالله تقدر زوجها وتحترمه ومستعده اتسوي اي شي عشان يكون الطرف الاول انا سعيد اختارت الخيار رقم 2 :D مع اني كنت متوقع هذا الاختيار بس لا مانع من المحاوله المتكرره :good2:

المهم وديته المحل ونظفه بهذاك المبلغ الي راح اتكلم عليه بنهاية التقرير واستغرق تنظيفه ساعه ونص لان كان زحمه اشوي والطرف الاول انا اكيد مو تعبان من الرحله الي مدتها 8 ساعات ولا شي ولا ابي اوصل بسرعه البيت عشان احط راسي وانام ابد ابد من قال اصلن لو تعبان كان قلت لام عبدالله خذي السمك ونظفيه غصبن على خالك وابوك :mad:<<<< ايه هين تقدر تقول كذا وياارب ما تدخل ام عبدالله هذا المنتدى ههههه

المهم وصلت البيت وانا بكامل قواي العقليه لكن الجسديه ما ضنيت لاني كنت تعباااااااان ابي انام وحداق في الدمام وتمام وشمام <<<< خل الشمام ينفعك الحين

وصلت عند باب الشقة واول مره احسب عدد درج الشقه 21 درجه بالتمام والكمال وحسيته في هذا اليوم اكثر من عشرطعشر ادرجه من التعب وتوني بدق جرس الباب واذا بصوت ام عبد الله تقول ماااكو داعي ياا حبيبي تضرب جرس الباب لاني شميت ريحتك اول ما نزلت من السياره<<<< اكيد ما اشم شي:D جتني مناعه هههههه قالت لي انا بفتح الباب بس انت لا تدخل قبل لا تعد للعشره عشان تنحاش من الريحه:D

طبعا الحين مالها عذر ما تدخلني الشقه السمك منظف وخليت البنقالي يحطه في اكياس كل كيلو لحاله :good2: وبسرعة رحت عشان احط السمك بالفريزر :( ومن حظي السيئ اني توني قبلها بيوم شريت العزبه الشهريه للشقه والفريزر ملياان على الاخر لالالالالالالالالالا حول ولا قوة الى بالله قمة التحطيم ابي اناااام دمام وموووو تمام
المهم قلت مالها الى حلين يا ارمي السمك او اوزعه على القطط او ارمي العزبه احترت
فقررت اني اروح اشتري افريزر جديد خاص للسمك واحطه بالسطح:good2:
رحت اكسترا ودخلت والكل كان يناظرني بنظره عجيبه والكل حاط ايده على خشمه ما ادري ليه:p المهم شريت بـ 900 ريال الفريزر وحملته بسيارتي ووصلت البيت والحمد لله حصلت سواق جارنا موجود قلت له تعال شيل معي هذا الفريزر ولك نص السمك وفعلا تخيلو التعب والارهاق الي كنت فيه وبعد اشيل افريزر وزنه مليون واشيله لين السطح بذمتكم ما كسر خاطركم الطرف الاول انا:( ما ابي اطول عليكم بس ابي اقنعكم ليه ما ابي اطلع مع الطرف الثاني محمود
المهم حطيت السمك بالفريز ورحت تروشت ونمت بالهناء والعافيه وبعد ما صحيت من النووم شفت جوالي واذا 23اتصال لم يرد عليها من الطرف الثاني قلت الله يستر لايكون فيه شي
وادق عليه ويقولي هاااا ابو عبدالله الخميس الجاي نبي نحجز الطراد قوول تم ,,,,,,, بذمتكم لي حق احقد عليه او لاااااا:( :D:p خسرني 900 ريال قيمة الفريزل غير البهدله الي جاتلي<<<< جاتلي ولا جاكي شااااان <<<< براااااااااا


يتبع

[سداح الاول]

المهم الي صار صار وخلونا نشوف وش صار في الحله الثانيه الي هي ( حداق في الدمام ( اقععععععد)



اعضاء الرحله ( محمود__ ناصر ,, احمد,, وضاح,,, وليد,,فيصل)


تمت عملية تحميل الاغراض والتصريح لدى سلاح الحدود بكل يسر وسهوله
واستغرق الوصول الي مكان الصيد تقريبا ساعه ونص وكانت البدايه مو تمام فاقترح الطرف الثاني محمود نبعد مسافة 3 كيلو عن الموقع وياليتني ما طاوعته:mad: اول ما نزلت الخيط اقعععععععععععععععععععععععععد <<<< تستخدك كلمة اقعععععععد عند الامساك بسمكه كبيره فيصرخ الذي اصطادتها باعلى صوته اقععععععععد حتى تعرف باقي المجموعه انهو اصطاد سمكه كبيره


المهم والي جنبي اقععععععععععععععععد والي جنب جنبي اققققققققققققققققععععععععععععععععععععد المهم واستمرت الاقعدااااااااااااااات 4 ساعات متتاليه :D


كان الصيد ممتع جدا كما ان بعض الاعضاء جرب عدة طرق لصيد الاسماك منها الريش ومنها الطعم الحي لصطياد البركوده


اليكم الصيد بالصور


الطرف الثاني محمود مع الشعريتين والي يشوفه اول واحد يصيد شعري :mad:<<< مقتهر
http://im18.gulfup.com/X5gT1.jpg


اما الان مع الطرف الاول انا هذا السمك ولا بلاش


http://im16.gulfup.com/NBAc1.jpg


وهذي صورة السمكه داخل البراد احم احم ياروحي يا سمكتي الجميله
http://im30.gulfup.com/Wxnb1.jpg


وبعدها بخمس دقايق حسيت ان السمكه الجميله الي في البراد تكسر الخاطر وكااان اجيب لها صديقتها تسليهااا :D
http://im30.gulfup.com/1bIN1.jpg


وفي النهاية تصوير للحصيله الي صدوها الشباب :D


http://im20.gulfup.com/zaXG1.jpg


وصور تذكاريه مع حصيلة الشباب هههههههه طبعا انا حصيلة صيدي ما صورتها عشان لا احد ياخذ منها
:D
http://im27.gulfup.com/qJZk1.jpg



http://im15.gulfup.com/mqyc1.jpg


طيب جااااا وقت الذهاااااب للبيت وسئلت نفسي نفس الاسئله المعتاده الي كنت اسئلها قبل لا ادخل الشقه هههههه:D بس هالمره غيرت الخطه واتوجهة الي سوق السمك \
وقررت ابيع السمك وافتك منه
وهذي الدفعه الاولى وباين في الصوره الوزن مع خصم وزن السله
http://im29.gulfup.com/9UID1.jpg


والدفعة الثانيه
http://im20.gulfup.com/OxDn1.jpg


طبعا الدفعه الثانيه شراها ب 20 ريال


والدفعه الاولى 180 ريال من الشعري الممتاز يعني الكيلو حسبه 12 ريال واذا نبي نشتريه منهم قالو 30 الحين عرفت ليه اسعار السمك ناااار


او يمكن عرف كيف ينصب علي ههههههه


وفي النهايه اشكركم على قراءت التقرير وارجو ان يكون حاز على اعجابكم


تحيات الطرف الاول انا

[majid2]

ما شاء الله تبارك الله صيد طيب اشكرك على التوثيق و الله يزيدك

[@ بحار مجيرمة @]

ماشاء الله تبارك الله

يعطيك العافية على التقرير الرائع والجميل

صيد وفير واحجام مبهرة

عليك بالهناء والعافية

[مجنون عجلان]

بصراحه قصتك قصة والله يكون بعونك من ام عبدالله عسى ربي يحفظها لك
وتاكد ان ورى كل رجل عظيم امراءه
فانت كفوا ومشكور على توثيق القصة وصيدكم عليكم بالعافيه
بعته او اكلته وتقبل مروري

[مروان عطار]

تبارك الله ماشاء الله..
بس القهر من الاستغلال اللي استغلوك به

[ابن البجلي]

شكــله حتى الشــعور طفش منــك يقـول: هذا الادمــي ورانا ورانا هههههه

ماشــاء الله تبارك الله صراحة صيـد طيـب من حدااق أطيب الله يجـعله عليك بالعافية

وتســتاهــلون كـل خير وعقــبال النواجــل وكل الي يحبــه قلـبك

[BIN FARHAN]

يعطيك العافية يا بو عبدالله عالتقرير الأكثر من متميز

صائد وفايد وما قصرت بيض الله وجهك



تقبل مروري
أخوك احمد ( بو فرحان )

[إلنترا 2005]

و الله كانت طلعه ممتازة بصحبتك يبو عبادي
و بصحبة الشباب الطيبة
و بالصيد الوفير يالله من فضلك
و بتتكرر قريب انشالله
أخوك :ناصر

[عابرالبر]

ماشاءالله يعطيك العافية ع التقرير

[Salmon]

اقعععععععععععععععععد


هذي مجزره سمك مو صيد هههه

عليكم بالعافية المره الجايه اضف الى التقرير طبخ السمك :good2:

[bedophone]

عليك بالعافه ويدوم عليك الصحه يا ابو عبد الله

[أبوحافظ]

ما شاء الله

تقرير جميل وصيد اجمل

تقبل مروري

[اكسنت كول]

ماشاء الله تبااارك الله
اقععععععععععععععععععععععد بس
هالمرة تقريرك جووووووووووة غير خيالي
اعجبني الاسلوب والقصة اندمجنا وياك
الرحلة حلوة والصيد كمية طيبة عليك بالف عافية

[الرحموني]

يعطيك العافية اخوي سداح الاول

تقرير جميل وصيد وفير

يستحق التقييم

تحياتي وتقديري

[حوات جده]

وين صور الطبخ والحماس.. الف عافية وكمية طيبة الصلاه عالنبي

[الدوسري 222]

ماشاء الله تبارك الله
عليك بالعافيه يابو عبد الله صيدكم حلو وأحجام حلوه
وتقرير احلى وبنتظار تقريرك الجاي
تحياتي لك يانوخذة

[هاوي شعري]

مااااااااااا شاااااااااااااء اللـــــــــــــــــــــه عليك يا بو عبادي الصراحه صيد ابداااااااااع وتقرير جميل جدا ورفقه طيبه عليكم بالعاااااااااااااااااااااااافيه ننتظر جديدك المميز يا نوخذه
تحياتي

[rha_2002000]

ماشا الله تبارك الله على الصيد الله يوفقكم في كل رحلتكم
اهم شي اصدق مع ام عبد الله في القسم في السمك ههههههههههههه

:j

[nasser a]

ههههههههههههاي

الصراحه القصه حماس خصوصا اقعععععععد لمدة اربع ساعات ههههههه

عليكم بالعافيه يارب

[hunter78]

ما شاء الله تبارك الله
تقرير رووووووووووووووووووووووعة أخوي سداح
امتعتنا و أضحكتنا واسعدتنا بتقريرك الجميل
و ما شاء الله عليكم قليل ما نشوف تقرير فيه من هذه الأحجام بالشرقية الحمد لله الخير بعده موجود لكنه بحاجة لتوفيق من الله ونوخذة كفو مثلك :good2:
الله يعطيكم العافية ومبروك عليك الفريزر
تحياتي و فعلا يستحق التقييم :good::good::good::good::good:

[ذوالجناح7]

تقرير مثل العسل بوعبدالله


وحبيت أقولك كلنا مثل بعض حتى آنا عندي فريز خاص فوق السطح :D


بس حق الصيد والطعم والثلج المالح :good2:


أم العيال عطتني كرت أحمرخروج عن المطبخ :no2:


نترقب تقريرك القادم بفراغ الصبر :r


تحياتي أخوك / بوحبيب

[سداح الاول]

ما شاء الله تبارك الله صيد طيب اشكرك على التوثيق و الله يزيدك




ماشاء الله تبارك الله



يعطيك العافية على التقرير الرائع والجميل


صيد وفير واحجام مبهرة



عليك بالهناء والعافية



ماشاءالله يعطيك العافية ع التقرير


عليك بالعافه ويدوم عليك الصحه يا ابو عبد الله


ما شاء الله

تقرير جميل وصيد اجمل

تقبل مروري

يسعدكم ربي ومشكور على مروركم العطر والجميل :good2:

[سداح الاول]

يعطيك العافية يا بو عبدالله عالتقرير الأكثر من متميز



صائد وفايد وما قصرت بيض الله وجهك




تقبل مروري

أخوك احمد ( بو فرحان )





و الله كانت طلعه ممتازة بصحبتك يبو عبادي

و بصحبة الشباب الطيبة
و بالصيد الوفير يالله من فضلك
و بتتكرر قريب انشالله

أخوك :ناصر

http://im15.gulfup.com/mqyc1.jpg

يسعدك ربي ابو فرحان اشهد انك رجل اخلاق وشقردي وما يقل عنك صاحبك وخوي دربك ناصر النترا
طبعا يا جماعه وش رايكم نفضح الاثنين

ابو فرحان الجالس اول واحد على يمين الصوره
اما ناصر هو الي في الخلف خخخخخ

[عاشق البحرE]

هههههههههههههههههه
ابو عبد الله الله يرجك من جد تقاريرك خلتني مثل المجنون من الضحك ..

اسلوبك في سرد القصه و الله روعه و رهيبه .. ما شاء الله عليك جايب الأسلوب صح ضحكني بقوووووه ..

تقول اجل اول مره تعد كم درجه الى شقتك .. ههه .. من كم يوم كنت في اكسترا و الريحه لازالت موجوده من يوم جيت .. ههه << امزح ..

أعجبتني الطرف الاول و الطرف الثاني .. هه

%%%%%%%%

ما شاء الله تبارك الله على الصيد جد روعه و أحجام يحبه قلبك و تسر العين ..

عليكم بألف عافيه ..

خلاص ابو عبد الله بعقد اتفاق معاك انت الطرف الأول و انا الطرف الثاني ...


على الطرف الاول ان ياخذ الطرف الثاني و يطلعه رحله في بحر الدمام .. اما الطرف الثاني يجب عليه أخذ الطرف الأول و يطلعه بحر الجبيل الى جزيرة جنا ..

*يرجى اعاده بنود العقد و التوقيع و الا سوف يتم سحب العقد من الطرف الأول في مده اقصاها شهر ..

و لا تنسى تسلم على ابو هاشم و قول له يسلم عليك الخال ,,

[سداح الاول]

بصراحه قصتك قصة والله يكون بعونك من ام عبدالله عسى ربي يحفظها لك
وتاكد ان ورى كل رجل عظيم امراءه
فانت كفوا ومشكور على توثيق القصة وصيدكم عليكم بالعافيه
بعته او اكلته وتقبل مروري

هي في الحقيقه ان القصه كانت من نسج الخيااال يعني نصها واقعي ونصها الاخر تاليف هههه:D ويسلمو على تعليقك




شكــله حتى الشــعور طفش منــك يقـول: هذا الادمــي ورانا ورانا هههههه



ماشــاء الله تبارك الله صراحة صيـد طيـب من حدااق أطيب الله يجـعله عليك بالعافية


وتســتاهــلون كـل خير وعقــبال النواجــل وكل الي يحبــه قلـبك






يااااااارب ترا هالادمي خووووش انسان اللهم تقبل دعواته :good2:
اقعععععععععععععععععد


هذي مجزره سمك مو صيد هههه

عليكم بالعافية المره الجايه اضف الى التقرير طبخ السمك :good2:

طبخ السمك مع الاسف تخصص الشغاله ههه وشغالتي مع الاسف الشديد عندها اجازه اول ما تجي ابشر بالصور
تحياتي لك

[Fishing_30]

جعله بالهنا والعافية وليش ماتعزمنا يابخيل
ههههههههههه
ابي طلعه زيكم

[baracuda]

ماشاء الله شعور يجنن
الله يوفقك ولاتحرمنا من ابداعاتك اخي سداح
تحياتي

[سداح الاول]

ماشاء الله تبااارك الله

اقععععععععععععععععععععععد بس
هالمرة تقريرك جووووووووووة غير خيالي
اعجبني الاسلوب والقصة اندمجنا وياك

الرحلة حلوة والصيد كمية طيبة عليك بالف عافية



يعطيك العافيه ومشكور على مرورك العطر:D

[سداح الاول]

ماشاء الله تبارك الله
عليك بالعافيه يابو عبد الله صيدكم حلو وأحجام حلوه
وتقرير احلى وبنتظار تقريرك الجاي
تحياتي لك يانوخذة

يسلمووو ويعافيك ربي تحياتي لك


مااااااااااا شاااااااااااااء اللـــــــــــــــــــــه عليك يا بو عبادي الصراحه صيد ابداااااااااع وتقرير جميل جدا ورفقه طيبه عليكم بالعاااااااااااااااااااااااافيه ننتظر جديدك المميز يا نوخذه
تحياتي

مو من كل هوا الشعري صاده ههههههههه اتمنى لك التوفيق اخوي وصديقي ابو هاشم


ماشا الله تبارك الله على الصيد الله يوفقكم في كل رحلتكم
اهم شي اصدق مع ام عبد الله في القسم في السمك ههههههههههههه

:j

هي لو تبي سمك كان هانت هههههه على العموم جميل تواجدك:D


ههههههههههههاي

الصراحه القصه حماس خصوصا اقعععععععد لمدة اربع ساعات ههههههه

عليكم بالعافيه يارب

انت الحماااس وياليتكم كنتم معانا كان حسيت بالحماااس اقعععععععععععععععد:good2:

[alarain]

تسلم على التقرير

غريبة يشترون السمك عندكم ب 12
عندنا اذا ابي ابيعه الكيلو على 18 في الجبيل
وعلى حسب ارتفاع السمك اكسب اكثر

[ماسيوم]

السلام عليكم ورحمه الله..
ماشا الله تقرير جميل وصيد اجمل وكميات حلوه عليكم بالف عافيه تقبلو تحياااااااااااااااااااااااااتي..

[سداح الاول]

ما شاء الله تبارك الله
تقرير رووووووووووووووووووووووعة أخوي سداح
امتعتنا و أضحكتنا واسعدتنا بتقريرك الجميل
و ما شاء الله عليكم قليل ما نشوف تقرير فيه من هذه الأحجام بالشرقية الحمد لله الخير بعده موجود لكنه بحاجة لتوفيق من الله ونوخذة كفو مثلك :good2:
الله يعطيكم العافية ومبروك عليك الفريزر
تحياتي و فعلا يستحق التقييم :good::good::good::good::good:



هوووو صحيح هدفي من التقارير الدعاية والاعلان بس ماكو مانع انك تستمتع وتضحك وتستفيد يالله وش نسوي بعد:D

يبارك فيك وعقبال ما تبتلش مثلي:good2:

[سداح الاول]

تقرير مثل العسل بوعبدالله



وحبيت أقولك كلنا مثل بعض حتى آنا عندي فريز خاص فوق السطح :D


بس حق الصيد والطعم والثلج المالح :good2:


أم العيال عطتني كرت أحمرخروج عن المطبخ :no2:


نترقب تقريرك القادم بفراغ الصبر :r



تحياتي أخوك / بوحبيب


الله يعينك يابو حبيب بس اتوقع ان هذا هو الحل المناسب افريزرك في السطح وتاخذ راحتك:D اهم شي في حل

يسلمو على مرورك

[سداح الاول]

هههههههههههههههههه

ابو عبد الله الله يرجك من جد تقاريرك خلتني مثل المجنون من الضحك ..


اسلوبك في سرد القصه و الله روعه و رهيبه .. ما شاء الله عليك جايب الأسلوب صح ضحكني بقوووووه ..


تقول اجل اول مره تعد كم درجه الى شقتك .. ههه .. من كم يوم كنت في اكسترا و الريحه لازالت موجوده من يوم جيت .. ههه << امزح ..


أعجبتني الطرف الاول و الطرف الثاني .. هه


%%%%%%%%


ما شاء الله تبارك الله على الصيد جد روعه و أحجام يحبه قلبك و تسر العين ..


عليكم بألف عافيه ..


خلاص ابو عبد الله بعقد اتفاق معاك انت الطرف الأول و انا الطرف الثاني ...



على الطرف الاول ان ياخذ الطرف الثاني و يطلعه رحله في بحر الدمام .. اما الطرف الثاني يجب عليه أخذ الطرف الأول و يطلعه بحر الجبيل الى جزيرة جنا ..


*يرجى اعاده بنود العقد و التوقيع و الا سوف يتم سحب العقد من الطرف الأول في مده اقصاها شهر ..



و لا تنسى تسلم على ابو هاشم و قول له يسلم عليك الخال ,,



:D اهم شي تستانس يا خاااااااااال

طيب انا موافق اول انت طلعني في الجبيل انا واصدقائي والي يعز علي وبعدين انا اطلعك انت واصدقائك والي يعزون عليك بس ابي لفاح:good2:

[علي حمامي]

اخي شريف منورنا على طول بتقاريرك اللي تسر الخاطر عسى نسمع صوتك على الجوال لانو جوالك على طول مقفل ودي دمت بصحة جيدة بالتوفيق

[عاشق البحرE]

:D اهم شي تستانس يا خاااااااااال

طيب انا موافق اول انت طلعني في الجبيل انا واصدقائي والي يعز علي وبعدين انا اطلعك انت واصدقائك والي يعزون عليك بس ابي لفاح:good2:



تعال انت و بو هاشم أحسن .. اللفاح ما يبي له عدد و احلى شيئ ثلاثه بس ..

و حاضرين لك ابو عبدالله .. نسق انت و بوهاشم و حياكم معاي في قتال الكنعد ..

[اتعبني العقير]

تقرررير توووب وانت توووب والسمك توووب وعن البحر ما نتوووب

شيء خيالي وصيد طيب وعليييك بألف عافيه وتستاهل اكثر ولا تحرمنا من جديدك

تقبل ودي ..

[رائد ابو محمد]

هل تعلم يا اخي سداح الاول ما اروع شىء في الموضوع مع العلم ان الموضوع رائع جداجداجدا
هو سردك للموضع
والله شىء رائع وممتع وبالاخص مع هذا الصيد الطيب
والف عافية عليكم اخي

[k.fares]

ماشاء الله تبارك الله

[ناسي سنارتي]

ما شاء الله تبارك الله


تستاهل يابوعبادي
والله يخلي ام عبدالله لك




<< وياك تركي اكيد بتضيع مابتعرفني هههه مع اني طلعت وياك يمكن 4 مرات واشهد انك نوخذه درجه 1


تحياتي لك

[غزال البوادى]

ياخوى الواحد بينشرح لما يشوف مثل تقريرك الله يشرح صدرك