جيت ابركب لعابات وصارت مسامير اللعابات ملحمة بلعابات الوكالة! هايلوكس

[abu.abdallah]

بسم الله الرحمن الرحيم

السلام عليكم ورحمة الله وبركاته، حيا الله الإخوة المكشاتيين جميعاً..

اليوم كنت بالصناعية ابركب لعابات عشان اشقل موتري شوي -خلف طبعاً-

لكن واجهتني مشكلة:

المسمار اللي يربط كل لعابين مع بعض ملحم بواحد منهم، وقالي انه لازم تروح المخرطة يقصونهن ويطلعونهن من حق الوكالة ونركبهن على اللعابات الجديدة -الطويلة-

قلت طيب لا بغيت ارجع الوكالة، ترجعونهن زي اول، قال مب مثل الوكالة بالضبط لكن حوله!

وانا الصراحة مادري، اللحام من راعي الموتر الاول ولا من الوكالة

وانا احترت، وركبت حقات الوكالة بدون تعديل، وقلت خلن اشاور اهل الخبرة ويكون خير..

* هذي صور للتوضيح/



http://www.mekshat.com/pix/upload06/images/2012/11/mk224149_2012-11-11 16.50.17-1.jpg
http://www.mekshat.com/pix/upload06/images/2012/11/mk224149_2012-11-11 16.51.22-1.jpg
http://www.mekshat.com/pix/upload06/images/2012/11/mk224149_2012-11-11 16.51.46.jpg

* الموتر: هايلوكس دفرنسين 2007.

اخوكم: أبوعبدالله

[عبدالله الموسي]

وعليكم السلام

اشوف واحد تقول ملحم من الاخل بعكس الآخر اذا لم يكن من بقايا الجلده

اذا كان اللي باين لحام اكيد انه مو من الوكاله

وبهذا ماراح يضرك لو قصته بالمخرطة وركبته على اللعاب المعدل

واذا بغيت ترجع الموتر بلد اشتر لعبات جديده والا من التشليح سعرها ماهو غالي


وفقك الله

[abu.abdallah]

حياك الله اخوي عبدالله..

انا متأكد انه لحام حتى راعي المخرطة أكدلي ذلك..

بس انت متأكد ان اللحام مب من الوكالة؟

راي التشليح راي طيب،،

مشكور وماقصرت الافادة..

[أصيل حجآ زي]

http://im.gulfup.com/2011-02-10/12973306271.jpg


يأبو عبدالله :
حُط صآمولة على قلاويز المسمآر المذكور
وخل حفة نهآية الصآمولة مع حفة نهآية المسمآر .
وحُط عليها خشبة / أو ألمينوم لين وطُقها طقة
ينفك اللحآم بسهولة وأنتهينا .


ليش كبـــّــر عليك المُشكلة .
ما تحتآج لعلآمة ولا لخبير .


الطق يفُك الحديد .
http://www.mekshat.com/pix/upload06/images/2012/11/mk224149_2012-11-11%2016.51.46.jpg




أصلآ اللحآم موضوع
حتى لا يفرُط المسمآر لو أنحل .




موفق
وتلقى خير

[abu.abdallah]

وعليكم السلام، حياك الله اخوي اصيل..

طيب ماتتوقع مع قوة الصوب والصامولة راكبة عليه تنعدم السنة؟

يعني لو اوديها المخرطة يكون احين ولا؟

افدنا اذا كان لك خبرة وتجربة ترانا عليمية (:

اخوك

[مركز حراره]

مثل ماقال اصيل انا كد فكيتهن تجي مكبوسه طقه وتطلع

[أصيل حجآ زي]

وعليكم السلام، حياك الله اخوي اصيل..

طيب ماتتوقع مع قوة الصوب والصامولة راكبة عليه تنعدم السنة؟

يعني لو اوديها المخرطة يكون احين ولا؟

افدنا اذا كان لك خبرة وتجربة ترانا عليمية (:

اخوك



يأبو عبدالله
أنا قلت لك فوق /// ركب الصآمولة على المسمآر
قبل الطق والبق .

ركبها { الصآمولة } بحيث يكون رآسها مسآوي لرآس المسمآر
ويصبح / يسير الطق على الصآمولة مع المسمآر .

وبأذن الله ينفك من غير ما تخرب القلآويز { السنة } .

أصلآ :
هو من رؤيتي لهُ لحآم ضعيف .
وقد يكون لحآم صـــّــفر { مثل النحآس } بس الوسخ والصبغ مخفي لمعآنُه { نحآسُه } .

أذا خآيف كثير على القلآويز ؟؟؟
فحُط خشبة بين المطرقة ورآس المسمآر مع الصآمولة .

لا تخآف أبدآ .
ترى قد سوينا مثل كالشغلات كثير .
بأذن الله ما رآيح يحصل شيء .

أما أنهُ ينفك أو لاينفك مع بين 3 و 5 طقآت قوية .

ما يفل الحديد الا الحديد .

:good2:



موفق
وتلقى خير .

[abu.abdallah]

مركز حرارة: مشكور ع المرور، وطمنتني انك مجرب، بارك الله فيك..

اصيل: جزاك الله خير وماقصرت مهندسنا.. وبإذن الله ابسوي زي ماقلتوا والله ييسر ان شاء الله..


شااااكر لكم جميعا..