يا ليت كلن يورينا خيمته نوعها مواصفاتها سعرها نفيد ونستفيد

[برق تميم]

السلام عليكم ورحمة الله وبركاته،،،

حياكم الله جميعا والله يا الربع بعض الاحيان يحتاج الواحد يشتري شي وربما انه سبق وان شراه ولا يجوز له او يطلع نوع افضل منه بالنسبه لي سبق وان اشتريت اكثر من خيمه واخر ما شريت التنهات ومتعبه في طقها وتركيبها يبي لك شخصين او ثلاثه احتاج الى خيمه سهل الحمل ما تضيق عليك في الطلعات والمكاشيت واهم شي توكي عن الهواء والعج ما يهم البرد لان عندك فراشك ويكفيك الخيام البلاستيك هذي انا متردد في شرائها وحصلت انواع كثيره خمس او ست انواع حصلتها في ساكوا اذا ما عليكم امر كل واحد يعرض لنا خيمته او يشور على اخوانه وبارك الله فيكم

[صقر]

السلام عليكم

بالنسبة لي أنا ما أفضل الخيمة الكبيرة وكل رحلاتي بدون خيمة لكن أعجبت بالخيام الصغيرة السريعة .( وهي لشخص واحد فقط) وأستخدمها للنوم في ليالي الشتاء فقط.

اشتريت أكثر من ثلاث أنواع من الخيام وصفيت على خيمة القاضي هذه :

http://www.mekshat.com/pix/upload/images18/mk1377_khaymah.jpg


ومواصفاتها أنها سريعة النصب ( نصابة) http://mekshat.com/vb/images/smilies/biggrin.gif فبمجرد تركها على الأرض تقوم بنصب نفسها في ظرف ثانيتين تقريباً
وسمعت من جربها في الأمطار حيث انها غير منفذة للماء ونجحت وتتكون من طبقتين.

وسهلة الطوي وخفيفة الوزن .


وسعرها اعتقد بحدود 160 ريال

[الجرنـاس]

السلام عليكم

الأخ / برق تميم

تشكر على طرح هذا الموضوع
الأخ / صقر
لوتكرم تنزل لنا صورة الخيمه

[جربوع داعس]

بصراحه اذا كنت تبي خيمه سهل طقها وتركيبها وسعرها بعد حلو خيمه(ام جحيش) ولاتاخذ عليك مكان بامكان شخصين فقط يطقونها وسعرها رخيص ب600 ريال فقط وتاخذ الى 8 اشخاص متراصين يعني تنام ورجلك بوجه اللي قدامك:D
بس 6 اشخاص تاخذهم بالراحه وفي خيمه ثانيه عند اليوسف للخيام تقدر لحالك تركبها وتكفي 3-4 اشخاص وفيها عازل بعد وسعرها رخيص ب500 ريال بس مشكلتها اعمدتها من كثرهن ماتقدر تعدهن:p
وان شاءالله اخوي اكون افدتك بمروري السريع


http://aljrboa.jeeran.com/4800.jpg

[منزلي الصمان]

مامثل الواحد يفصل له على ذوقه يتكتكها على الكيف صح ان المبلغ يصير دسم بس لك ولزمن ماتندم عليها ( وجهة نظر ).

[عمار السفينه]

طيب وش رأيكم في خيمة البيرق ؟؟

[برق تميم]

رحم الله والديكم ما شاء الله استفدنا والله اخوي صقر الخيمه الي انت منزلها جازت لي مره الي يخبر رقم القاضي لا يبخل علينا يا الربع

[الحثاقي]

اشكرك اخوي برق تميم على طرح هذا الموضوع الله يعطيك العافيه

بالنسبة لي شريت خيمة التنهات وليتني ما شريتها عذبتني في طقها

وفكها انا شفت دعايتها وانها سهلة النصب قلت بس هذا الي انا ابي

وتورطت بها ويقولون انا ما جربتها انها تخر الماء يعني خسارة

لك كل الشكر اخوي برق تميم

تحياتي بلا حدود

:no2:

[المترو]

هذه خيمتين
خيمتي الزرقاء برصاصي لها الآن 5 سنوات كديتها كد الويل قويه بالمطر تتحمل المطر بشكل خلاني اترك الخيام الباقيه لهذا السبب اما للعجاج والله لك عليها لكن جيده عموما اذا حطيهتها بذراء السياره

وهي 3 في 2.5 وتقريبا نوفس اللي عند ساكو لكن انا شاريها من برا المملكه صناع كويه وليس صينيه كما الموجود بالسوق خفيفه بعد التصفيط وصغيره تقدر تحطها تحت المرتبه
لكن انهاء حاليا عمرها الافتراضي وسوف اطق مثل العنابيه

اما الخيمه العنابيه فهي دائما مرافقه لي لانها خيمة واحد من الربع الخويا دائما العزيزين جداً ابو سعيد لاعدمته يزبن فيها ولدي ناصرالله يحفظه بالشتاء لاني انا افضل النوم خارج الخيمه انا وبعض الربع اذا مافيه مطر قوي (وودكوا تضحون ترى انا اللي اطقها واضبطها وأتكأد انها 100% عشان ولدي يبي ينام فيها وهو يستغل هالشيء وابد اذا قال قال هاه يا ناصر نطق الخيمه ؟؟ ثم راح يضبط امور طيوره وخل الباقي على انا صارت سالفه للربع ))

المهم بالخيمه
تقدر تتحكم بالارتفاع للخيمه الماصوره تطولها وتقصرها على كيفك اربع مواصير اللمنيوم مع الاركان فقط
3في 4 متر خفيفه يطقها شخصين انا وولدي :D تاخذ 3 اشخاص الى اربعه زحمه قليلا
كبيره شوي اذا هي مصفطه ثقيله لكن العجز ماهو زين
صينيه الصنع من الامارات يتم احضارها من هناك بواسط رجال يقال له الدبيان بالرس ولذلك سمينها خيمة الدبيان ومحله موجود بالرس ويوجد منها اشكل اخرى وفيه اختلاف اللوان وبعض الشغلات البسيطه قيمتها اظن كان ماني واهم 500ريال او حول هالمبلغ




http://www.mekshat.com/pix/upload/images19/mk3016_tent3.jpg



وهذه صوره لاختها بأحد مقانيصنا العام الماضي مع واحد من الربع وهي ذريه بالعجاج جداً

http://www.mekshat.com/pix/upload/images19/mk3016_tent2.jpg

برأيي الشخصي اهم الشروط للخميه المناسبه :

1- سرعة وسهولة النصب ( الطق )
2- تتحمل التقلبات الجويه الرياح والعجاج بالذات والامطار المستمره ليله كامله
3- خفيفه الوزن بعد التصفيط ولا تأخذ حيز كبير بالسياره
4- لاتتشرب الرطوبه من المطر والندى كا بعض الخيام 0
5- سعر معقول

والسلام

المترو

[برق تميم]

تسلم يا المتروا التفاعل يا الربع

[عبد الله الفايز]

أما أنا فإنني لاأستخدم حاليا لإلا خيمة البيرق من القاضي 4.5×4.5 ومع ذلك خفيفة وجميلة وأنصبها لوحدي في عشر دقايق وبمساعدة شخص آخر خمس دقايق

[برق تميم]

اخوي عبدالله الفايز جزاك الله خير يا ليت ولا هنت ولا عليك امر اذا امكن صوره لها وجزاك الله عنا خير ورحم الله والديك

[راعي ساموده]

السلام عليكم ورحمة الله ...
أنا ياخوي برق تميم ( اخر اسمك عزيز علي ) انا من راي عمنا صقر لكن انا استخدم اللي عند السنيدي بخمس وخمسين ريال متر وتسعين في متر وتسعين للنوم فقط وبجرد انك تتطلعها من كيسها تنفتح تماتيكيا

[برق تميم]

مشكور اخوي ساموده الله يعافيك ما قصرت

[ابو فهد 911]

والله اخوي برق تميم انا ما عندي خبره لكن ودي اشارك

فيه خيام عند التميمي اللي في الغرابي
تجي مقاسات 3*3 او 4*4 ممتازه جدا وقويه من ناحية العجاج ارقد وامن لكن طقها ياخد وقت لكن مع الشقرديه

شروا من يقرا ما تاخذ وقت وهاذي صورتها مصفطه 4*4 950 ريال 3*3 600 وان شاء اذا قدرت انزل لها صوره وهي مطقوقه احاول

[الليث الأبيض]

رحم الله والديكم ما شاء الله استفدنا والله اخوي صقر الخيمه الي انت منزلها جازت لي مره الي يخبر رقم القاضي لا يبخل علينا يا الربع
السلام عليكم .. رداً على اخوي برق تميم تلفون القاضي اللي بدمام: 038573595 اللي بالرياض مايخبرن لاكن بدوره لك.

[المترو]

السلام عليكم ورحمة الله وبركاته

اليكم خيمتين من خيام القاضي اشوفها كثير مع بعض الربع والحقيقه ممتازات من ناحية الدفء والحماية من المطر لكن كبار حجم بعد التصفيط قليلاً
ومن لديه نفس الخيام ياليت يتفضل ويذكر العيوب والميزان فضلا لا امراً ليستفيد الاخوه جميعاً واثراء الموضوع
وهذه الصوره



http://www.mekshat.com/pix/upload/images19/mk3016_trip9999.jpg







والسلام

[ثقيل الرجلين]

السلام عليكم

ليتنا نشوف مشاركه اكثر لان الخيام من اهم الاشياء لكشته مريحه وممتعه

هذه خيمتي من السنيدي تتسع لاربع اشخاص في النوم بشكل مريح
والجلسه لسته بالنسبه لتناول الوجبات واذكر انه كان فيها هذا العدد وطبخنا داخلها وكان المطر يصب علينا من الفجر ديم وكانت تسرب الماء من مناطق بسيطه في الخياط بس كانت كمية المطر وتواصله تشفعلها وبرضو ماكان تسريب المطر نزعج كثير

حجمها مطويه تقريباً 80 سم وعرض 60 سم وتشيلها بيد وحده

عملية التركيب اذا تعودت عليها ينصبها شخص واحد وطفل صغير في اقل من 8 الى عشر دقايق

عملية التركيب لغير المتمرس ما تتعدى 15 الى عشرين

التركيب في حال وجود شخصين بالغين ما تتعدى 5 دقايق

تم الشراء من السنيدي في الدمام في شارع بيع الخيام في سوق الدمام
القيمه ما اذكر بالضبط بس مهيب اكثر من 850 ريال


http://www.naishan.com/cpg133/albums/aaa/aad%20%2871%29.JPG
http://www.naishan.com/cpg133/albums/aaa/aad%20%2874%29.JPG
http://www.naishan.com/cpg133/albums/aaa/aad%20%2875%29.JPG

[برق تميم]

عاشق الشاص الليث الابيض المترو تقيل الرجلين

مشكورين على التفاعل

انا استخدمة خيمة التنهات شاريها من السنيدي 650 ريال وممتازه لكن المشكله الي نعاااانيها نصب الخيمه هذا يبي لها اثنين او ثلاثه

http://www.mekshat.com/pix/upload/images19/mk21015_kaemh.jpg


http://www.mekshat.com/pix/upload/images19/mk21015_kaemh (1).jpg

[برق تميم]

طبعا بعناها على الغالي غيام

[فهد-بوعبدالله]

يعطيكم العافيه جميع ........... الف شكر