استفسار للباث فندر

[ابراهيم 2003]

السلام عليكم ورحمه الله وبركاته
اخواني قلت قبل ماروح واصلح موتري حبيت استفسر عن عمود الدبل في الوكاله جديد لان موتري يجيله رجه من 80 الى 120 وسالت واحد قالي عمود الدبل لت اجل ابي اغير
كم عليه سعر عموود الدبل

والسلام عليكم ورحمه الله وبركاته

[سراب الوقت]

وعليكم السلام ورحمة الله وبركاته

على كلام واحد من الربع انه بحدود الـ 2500 ريال

[الركن الهادي]

مرحبا أخوي انا معي باتفندر 2001 من الجيل القديم كان عندي رجه تقريبا من 80 وزود وبعدين ركبت فرارات بشرط تركب في كل الجهتين يمين ويسار بعدين راحت الرجه وخف مشي السياره والحمد لله (نصيحه من أخو لخو ) سلام

[مدور طريق]

الفرارات من افضل الحلول لحل رجعة العمود .. متحتاج لتغيير العمود
____

تصحيح الباثفيندر الجيل القديم من موديل 1986 الى 1995 :D وليس 2001

وسلامتكم:)

[عقووول]

اخوي رصص العمود في الصناعية القديمة وانتهى الموضوع

[بن جلاجل]

اخوي الشباب صادقين ركب فرارات ولا دخلت البر افصلها واصلا انت في البر منت متعدي٨٠
وبالتوفيق

[بن جلاجل]

اخوي الشباب صادقين ركب فرارات ولا دخلت البر افصلها واصلا انت في البر منت متعدي80
وبالتوفيق

[x.ls1.x]

شوف اخوي اذا سبق فكيته ورجعت ركبته ترا احتمال انك قالب العامود ,, حصلت معي وركبته عكس وجتني رجه بغيت ادفع 2500 لعامود واخرتها جربت اني اقلب العامود وابشرك زبط ,, وترى الباثفندر يخرب عاموده بسبب عدم التشحيم لان تروسه الداخليه تنفرط او تتحل وتجي الرجه ولا يتصلح لازم تغير ورح لمخرطة وحيد بالصناعيه وشف وش عندهم

[ابراهيم 2003]

اشكركم على رددكم بس سؤال هل يوجد فرارات اكترونيه يعني اذا عشقت الدبل تفصل الفرارات بدل ماانزل من السياره

[عبدالرحمن السالم]

اشكركم على رددكم بس سؤال هل يوجد فرارات اكترونيه يعني اذا عشقت الدبل تفصل الفرارات بدل ماانزل من السياره


ياليت فيه إلكتروني كان ياسلام ، مافيه الا العادي
طيب انت جرب اول شى فك العامود وجرب الموتر ماعليه ضرر وشف تروح الرجه او لا ، قبل لا تشري عامود وقبل لا تركب الفرارات ، لان يمكن المشكلة من الصليب ماهو من العامود ، انت قبل لا تسوي شى فكه وجرب
الفرارات زينه انه تريح الموتر وتريح العكوس والدفرنس الامامي لانها تفصل الاجزاء الامامية ، اذا نسمت الكفرات اشبك الفرارات اذا نفود واذا نفخت الكفرات افصلهن ، اذا بر وتحتاج الدبل عاد الله يعينك انزل واشبكهن وانا اشوف ان مابه تعب
موفق خير

[ابراهيم 2003]

ياليت فيه إلكتروني كان ياسلام ، مافيه الا العادي

طيب انت جرب اول شى فك العامود وجرب الموتر ماعليه ضرر وشف تروح الرجه او لا ، قبل لا تشري عامود وقبل لا تركب الفرارات ، لان يمكن المشكلة من الصليب ماهو من العامود ، انت قبل لا تسوي شى فكه وجرب
الفرارات زينه انه تريح الموتر وتريح العكوس والدفرنس الامامي لانها تفصل الاجزاء الامامية ، اذا نسمت الكفرات اشبك الفرارات اذا نفود واذا نفخت الكفرات افصلهن ، اذا بر وتحتاج الدبل عاد الله يعينك انزل واشبكهن وانا اشوف ان مابه تعب

موفق خير


هلا وغلا
اخوي
انا فكيت العمود وراح الرجه. وسالت واحد يقول الظاهر انه فيه فرارات الكترونيه
والسلام عليكم ورحمه الله وبركاته

[ls1.5700]

اخوي الله يرضا عليك لاتشري سعره غالي
فكه ووده انت بنفسك مايحتاج ورشه ولا شي
ورحبه للمخرطه وخلهم يفحصونه فحص اكتروني او عادي كلها تودي نفس الغرض
واذا فيه ميول يركبون عليه ترصيص ويجربونه ثاني مره اذا ضبك
خذه وركبه وينتهي الموضوع وتكون وفرت على نفسك2500 ريال
وبالتوفيق ياعزيزي

[الربذي]

رصص الكفرات اول عند واحد مضبوط كم مره تصير ويصير ترصيص فقط

[ابراهيم 2003]

والله انا محتار مدري وش اسوي
الجديد 2550
والمخرطه مدري هي تظبطه ام لا
والترصيص ياسرع ماتطيح الترصيصه