بعض الاخوان الله يهديه

[محمد 1429]

السلام عليكم ورحمة الله
اخواني عندي ملاحظه بسيطه علي بعض الاخوان الله يهديه
في مواضيع البيع و الشراء سواء في هذا المنتدي او خارجه
يدخل و يسوم ولما تتفق معه يقبلك ويبداء يقلب بالجهاز وكل امله يحصل لو مشخ صغير
بالكام او العدسه عشان يبداء المكاسر و اذا وراده ما تم
نقص السعر تحت مررررره وكسر القيمه بتفكيره انك حاط الاعلان من حاجه وبترضى بالقليل
المهم اتمنا من الاداره وضع نسبه علي البيع والشراء و توفير وسيله امنه خصوصا ان بعضهم يمشورك ولين مالقاء عذر قال اكامك طيب مادام ما معك ليه تكلم من الاساس اذا فاضي غيرك
مشغول وشكرا
وياليت محد يكسر حلال احد ترها مردوده

[__abo saleh__]

انا اتفق معك على هذا الشي والمشكلة المتضرر البائع

[qaseem]

صادق اخوي وفي ناس تسوم بدون معرفه ويحاجك بعد ويطيح السلعه

[الشوق بحر]

وعليكم السلام ورحمة الله وبركاته
كلامك في محله اخوي محمد

وهذي الاشكال خذ اغراضك من عنده وتوكل على الله ولا تبيعه وتحسب عليه

ولكن كما ان بعض الاعضاء البائعين الله يهديه لا يبين حقائق الشيء المعروض ويتفاجاء المشتري بتلف او ضرر عليها و على ذلك من حقه ان يتراجع عن سومته او يقلل منها.

والافضل في كل الحالتين ترك السلعه بعدم الشراء او البيع ويعتبر هدا تدليس

[operator6]

بالفعل حصل معي الكلام هذا بالضبط

الرجال جاد وصامل

تمشورت على الفاضي يقلب في الكام فوق وتحت

وفي الأخير والله الكام طيبة لكن ......

[yousef1410]

المشكلة مشتركة .. يقدر صاحب الكاميرا يصور كل صغير ودقيق بالكاميرا ويوضح كل شيء بالصور حتى يقفل الباب على المشتري ..
الأمر الثاني المشتري إذا هو جاد بالشراء يوصل إلى عندك ما فيه حاجة تضرب مشوار .
الأمر الثالث البائع لازالت الكاميرا معه وإذا شاف إن السعر ما صلح معه ياخذ كاميرته أفضل من اللي راحت عليه الكاميرا ولا جته قيمتها .
وأخيراً من حق المشتري أيضاً يقلب ويبحث عن أي صغير أو عيب في الكاميرا حتى يكون على بينة ووضوح من صلاحية الكاميرا ..
والله يوفق الجميع لمافيه الخير

[محمد 1429]

شكرا اخواني علي التفاعل
وحبيت اوضح الاشكال المطروح ان المشتري يشتري منك
بالموقع بالحاله الي عرضتها
ولما تتوعدون بمكان يجلس يقلب يدور فيها شي يبي ينقص من السعر
واذا ما حصل قال ما ودك تنقص لي تعرف مستعمل
طيب انت جاي تشتري ومتفق علي السعر وعارف انه مستعمل
ومشورني و اخر شي جاي تكاسر