راحت الحباري

[راعي مختار]

سلام عليكم ومساء الخير للجميع . موضوع للنقاش وكل يدلي بدلوه على مايقولون . راحت الحباري بين قناص ليل وبين بايعيين الحباري وبكل وقاحه احد بايعيين الحباري وكان سمسار مجرد وسيط كلم احد الاخوان قال عندنا حبارى للبيع من الروض ب 15 الف قاله الرجال غالي وكثير قال متفقين كلنا نوحد السعر ب 15 !! البايعيين موحدين السعر شر البليه مايضحك وراحت الحباري بين قناص ليل كأنه يصيد جرابيع اما دعمها وشافها ولا طيرها وبين بياع .. خلونا نعاف المقناص والصيد كله . الله يرزقنا ويوفقنا ويوفقكم بالصيد

[عساف الغربيه]

عز الله انك صادق واذا سلمت من هذا وذاك ماسلمت من راعي الشوزن

[راعي هدلاء]

سبحان الله العظيم

[Turki1]

مع اتفاقي الكامل معك فيما طرحت، الا اني آمل ان تتمعن في هذا الحديث:

عن أبي العباس عبد الله بْنِ عَبَّاسٍ قَالَ كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ:" يَا غُلاَمُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الأمة لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلاَمُ وَجَفَّتْ الصُّحُفُ" رواه الترمذي ، وأحمد ، وصححه الألباني في صحيح الجامع برقم (7957) .

رزقك بإذن الله يساق لك ، ويعلم الله اننا نلقاها احيانا على جرة من يدورها ويبيعها بفضل من الله،والأرزاق بيد الكريم فلا تيأس من كرم الله ولطفه.

[راعي مختار]

الدعوه ماهي يأس ياخوي ياتركي الكلام الناس تركت السلوم وباعت الذمم عشان كوم ريش

[عاشق البسيتين]

صادق اخوي راعي مختار

وش ذنبنا يالمقانيص نطرد الحبارى ونشوف الجره واخر شي تلقاه صايدها
ورايح يبيعها ويقول 15 الف هزلت الصراحه
الله يعيننا يالصقاقير

[توكار]

ياأخـــوان وين المسؤوليــــن صاير فوضي عندنا بتبوك يركب الشاص ويطق الأنوار الصفر علشان يميز الجرة في الليل ويدهر كل ليله كنه مضيع ولده

في رفحاء عينك عينك يقوووووووول يالكينوود يارجال عندي حباري من يدفع 6000ريال وأعلمه

نريد مسؤول يظهر لنا ويمسح ويمنع هاالشئ

الله يرحمك يازايد الخير

[يحب البر]

انا اشوف مافيها شي يبيع هذا رزق طالما فيه ناس تشتري ليه ماقلت الكلام هذا للطواريح بالساحل والا الحماد وينك عن اللي يشبك حمام ويبيع كلها واحد وهذي ارزاق مقسمها رب العباد انت محد ردك ماتقنص بالليل والا النهار اجتهد وربك ييسرها

لوطيرق يبي تعلوم ولا لقيت حبارى تشتري من السوق صح اذا وش فرقك عن غيرك

ملاحظة انا مثلك قناص لكن لو لقيت واحد مفتح عيون عما قلب وانا عندي جرة ويشتريها ب15 الف ابيع وماله ليش لا!!!!
تقبل مروري يالغالي واختلاف الرأي لايفسد للود قضية

[عابر الموج]

الله يعين ولكن الرزق من عند الله الصبر زين

[ابوعزيز2007]

الامور متلخبطه والله يستر

[بدوي نمبر ون]

انا اشوف مافيها شي يبيع هذا رزق طالما فيه ناس تشتري ليه ماقلت الكلام هذا للطواريح بالساحل والا الحماد وينك عن اللي يشبك حمام ويبيع كلها واحد وهذي ارزاق مقسمها رب العباد انت محد ردك ماتقنص بالليل والا النهار اجتهد وربك ييسرها

لوطيرق يبي تعلوم ولا لقيت حبارى تشتري من السوق صح اذا وش فرقك عن غيرك

ملاحظة انا مثلك قناص لكن لو لقيت واحد مفتح عيون عما قلب وانا عندي جرة ويشتريها ب15 الف ابيع وماله ليش لا!!!!
تقبل مروري يالغالي واختلاف الرأي لايفسد للود قضية

شلون تبيع شي وانت ماملكته اساساً
اقول
تغيرت سلوم الصيد والشيمه راحت لو كل واحد فكر بعقلانيه شوي
شخص عنده راتبه 4000 ريال ومتولع بالطير ومهده وورثها من ابوه وجده وليا رجع للبيت كل صاح بوجهه هاه مالقيت شي ؟؟؟؟
وشخص عنده ملايين وحاطلك هالمخيم ولاعليه من احد ولامن هذا صوتوله على حبارى وجاء وهد عليها وهو حتى شماغه ماتغيرت ترسيمته وثوبه ماتوسخ بس كل الامر انه يملك فلوس شرابها .
بالله لو انت لاقي الحبارى وجوك الثنين في وقت واحد ايهم تفضل يهد عليها ؟
المسيكين اللي متعبن حاله وماله واهله من وراه وكلن وده يصيد.....
ولا ابو فلوس اللي مادرى عن همها وبهذلتها وتعبها
سالك بالله ايهم تفضل يهد عليها

[أبتسم دائما]

السلام عليكم

يا اخوان ياشباب

اللي اقوله الله يبطي بساعة الشر

الان رجال واقف يحرج على الحبارى في الروض ولا معه طير يردك هذا الشخص منها باي حق يقول

هنا استخدم معه خطه (ب)

واذا صقار ومعه طير ويبي يبيع

استخدم معه خطه (أ)

وش يبي يصير

ابليس على راسه حيد

[ساكن الغربية]

الله يعين الصقاره على الجشع وعسى الله يرزقهم بالحبارى
ب 15 الف هذا بيبيع سياره ولا حبارى عندنا يبعونها ب 3 الاف او ب 5 الاف
يعني معقوله بس انه يشرط مبلغ مبالغ فيه لا والف لا
وعسى الله يزين الامور

[الرّمااااي]

العيب مو علي الي يبيع العيب علي الي يشتري انت مجنون تشتري حباري ب 15 الف ولا البياع يدور الفايده حتي لو بيع الكلاب ياجماعه نص الصقارين يشترون سواء من داخل البلد او برا البلد تبون تنتهي السالفه الي متعبتنا امتنعوا عن الشراء جتي بميه ريال وخلوه يقابلها بالروض واذا مشي هدو عليها

[الامبراطوري]

بيعوا الجراد

[راع الولع]

بالتوفيق للجميع

[توكار]

شلون تبيع شي وانت ماملكته اساساً
اقول
تغيرت سلوم الصيد والشيمه راحت لو كل واحد فكر بعقلانيه شوي
شخص عنده راتبه 4000 ريال ومتولع بالطير ومهده وورثها من ابوه وجده وليا رجع للبيت كل صاح بوجهه هاه مالقيت شي ؟؟؟؟
وشخص عنده ملايين وحاطلك هالمخيم ولاعليه من احد ولامن هذا صوتوله على حبارى وجاء وهد عليها وهو حتى شماغه ماتغيرت ترسيمته وثوبه ماتوسخ بس كل الامر انه يملك فلوس شرابها .
بالله لو انت لاقي الحبارى وجوك الثنين في وقت واحد ايهم تفضل يهد عليها ؟
المسيكين اللي متعبن حاله وماله واهله من وراه وكلن وده يصيد.....
ولا ابو فلوس اللي مادرى عن همها وبهذلتها وتعبها
سالك بالله ايهم تفضل يهد عليها

انشهد انه كلام يشرح الصــــدر ويطيب خواطرنا باللون الأزرق

[راعي مختار]

مساء الخير ... واشكر كل من مر على الموضوع وعلق .. وكلن يعطي رايه حسب تفكيره .. اللي يدور رزق بيلقاه .. البايعيين مسوين شركات ومقسميين اعمارهم كلن بجهه وكلن بوقت وفيه ناس سمساره .. اللي يدور رزق بيلقاه .. بسس مو بذا الطريقه .. لو يقنص حاله حال المسلمين ويلقى ويبيع بكيفه الا قناص ليل ويبيع .. يعني من حفره الى دحديره ..

[XQXالعرابXQX]

اقول شوي وتحصلون السعر 50 الف ههههه تدرون ليش لنهم انعطو وجهه لو ان كل صقار يروح يدور على صيده بنفسه والله ان هذا حلات الصيد ...وجهة نظري

[azeezx]

الرزق الحلال لن نعترض عليه مهما كانت طريقته ولكل مجتهد نصيب