حدادين مدينة الرياض !!!

[جاذبية]

السلام عليكم ورحمه الله وبركاته

حدادين مدينة الرياض وين القاهم ؟
الي يصلحلك اي عمل يخص الحديد بالشكل الي تبية !!

http://www.alriyadh.com/Contents/12-10-2003/Mainpage/images/c2.jpg

[ابن العودة]

بكل صناعيه فيها محل حدااده .
الي اشوف عليهم شغل كثير
هم ورش الحداده الي بدايري الغربي
( صناعيه العاصمه )
بين مخرج المدينه المنوره ومخرج اسحاق ابن عبدالرحمن
بتجاه الجنوب

[ابوسعود123]

الصناعية القديمه رح شرق من عند اشارة السالم للزجاج اخر الشارع المنطقه الي على يدك اليسار كلها حداده وادخل داخل لان الي برا اغلى

[jjjjjjjjjjjjj]

صناعية جاكس في الدرعية فيها كم ورشة
صناعية النسيم في ورش كثير

[جاذبية]

يعطيكم العافيه شباب
بس احس انكم تقصدون الحداده العاديه الي يزينون البيبان والدرايش وغيرها
انا اقصد الحداد ( نافخ الكير )

[عصا الترحال]

كانك تقصد الحدادين الأولين ماحولك أحد أبد في الرياض مع الأسف
وأقرب مكان لك الأحساء هناك بقية منهم في السوق الشعبي
ولا اللي في الرياض اندثروا وانتهوا الله المستعان
بارك الله فيك

[جاذبية]

الله الله هذا قصدي وحاط صورة ببدايه الموضوع
..
بيض الله وجهك يا عصا الترحال

[راعي المسرى]

السلام عليكم

الله يرحم أهل الحدادة الأولين ويطيل عمر الباقين على الطاعة

لكن أنا أقول المخارط في هالوقت تسوي شغلهم وأفضل مثل اللي على يمينك تحت كبري الخرج مع المدينة (سلمان سابقا)

[حيا الوسمي]

تقصد الصنع موجودين بالاحساء

[رسمال]

السلام عليكم
مرة جاء واحد اخذ نخلة من بيتي ومعة عتلة غريبة وحادة فسألتة عنها قال هذي عتلة عادية من السوق وأخذتها للبنغالية الحدادين شغل كيرونفخ في الرياض وحدد موقعهم .. وسووها بهالشكل ... لكن ما اذكر الموقع اللي قاللي لأني ماكنت ماني مهتم بالموضوع
الخلاصة ان فيه موقع بالرياض فيه حدادين قديمين هذا اكيد لكن نبي احد يعرفه يقولنا

[جاذبية]

راعي المسرى
حياك الله
اظن ان المخرطه ما تسبك الحديد !!!!!! وتشكله بالطريقة المطلوبه من الزبون !!

[جاذبية]

انا من الرياض وابي حدادين في الرياض !
شكراً لك حيا الوسمي

[جاذبية]

رسمال

ياليت تتذكر ولا احد يعرفهم !!