مشكله بالسفاري

[majeed 11]

عندي باترول 93 الماء ينقص يوميا تقريبا كثر علبة الماء ابو ريال يوميا اعبيه صيخت الاديتر سكرت مواصير التسخين مافي شي ماجربته افيدونا

[SGL]

امكن طرنبة الماء تهرب او احد الضبات او ثلاجة المكيف الحار بس الظاهر انك تقصدها بمواسير التسخين ترا مافي غيره ينقص الموية دام مافي حرارة

[صاروخ الغطغط]

شف غطى الاديتر غيره او في الخرطوش شق او الطبات او تهريب مع طرنبة الما تاكد من الي ذكرتها شيك عليها بنفسك تراها امور بسيطه وشيك على القسامات حقت الخراطيش

[الشهري 666]

غير غطاء الرديتر بغطاء جيب تويوتا ب 50 ريال تقريبا وهو افضل من النيسان وتاكد من القربة الاحتياط حقت الرديتر وتاكد من غطاها ترا مهم .

[SGL]

في شي نسيت امس ماقوله لك وهو المصيبة مبرد الزيت اللي يركب فيه السيفون ادخل تحت السياره وشوف فيه تهريب بعد ماتجي من مشوار اذا يهرب مالك الا اقرب صراف وتسحب 900وتاخذه اصلي والتجاري لاتاخذه ولوحب على راسك صاحب القطع وخذله سليكون اصلي لانه ماله وجه وتركيبه مابين 200-250-300بدون فك ثلاجة ولاشي فيه بعضهم يقولك لازم نفك الثلاجة عشق الريوس وغبر من عنده ولاتنسى ترد وتقول وش طلع عندك

[الشهري 666]

ولا تنسى بعد تشيك على الطبات وانا اخوووك

[ls1.5700]

وفيه ااحتمال يكون فيه شعر بسيط بالراس او الوجه فيه تهتك من الحرار
اذا مافيه تهريب مثل ماقالو لك الشباب
شيك على الراس