اصحاب البقالات والنص ريال ....موضوع للمشاركه

[ابو غريبه]

اسعد الله اوقاتكم بكل خير

موضوع للمشاركه

انا لي فتره يا اخوان وانا الاحظ عمال البقالات والسوبر ماركت
يجبرون انصاف الريالات لصالحهم يعني مثلا انت ماخذ اغراض قيمتها
(22.50 ) اثنان وعشرون ريال ونصف
وانت تدري ان هذي قيمه اغراضك ويجي يقولك 23 ريال ومايقولك خذ بقيمه النص ريال اي شي _علك مثلا:D

السؤال هنا ؟؟؟
اذا دريت ان العامل ماعلمك با النص الباقي لك
تاخذ النص وتمشي ولا تحاول توبخ العامل وتفهه ان هذا تصرف خطئ ؟

[ابومهند 5]

صادق يا بو غريبه
لكن على الواحد ينتبه مو شرط في البقايل حتى في المتاجر الكبيرة مثل المستهلك +بن داود +هايبر بنده
ولا بعضهم يعطيك لبان بدل النص

[ابو غريبه]

صحيح ابو مهند حتى في المحال التجاريه الكبيره

اسعدني مرورك اخوي

[XQXالعرابXQX]

:j خذ النص ودقه كف على كيف كيفك وانحاش

[راعي الويله]

والله ياخوي تحصل معاي بعضهم بجبرك تاخذ شي بنصف ريـال

لاكن انا اذا محصلت نصف ريال

ارد اقل شي بسلعه تخيل نصف ريال ماينقص مني شي بس ايش لو يتعود على ه الشغله مشكله

خله العامل يعرف ان السعودي او غيره مراح يتنازل لو هلله

انت تدري كنت اخذ نصف ريال الزايد واجمعه تخيل مره يوم احتجت كم ريال وافك العلبه واعددها تقريبا 25 ريال

انت جمعها بسيارتك او علبه او درج السياره وبعدين تحتاجها مثل الاغراض مثلا حليب السعوديه بريال ونصف

تصرف ريال وتاخذ نصف ريال من العلبه الي مخزن فيها الانصاص بدل ماتصرف ريالين



هذا وجهت نظري على التقرير الجميل

تقبل مروري

[يكفيني نظرة]

افهمه انه لنا عقول وانه هو مسكين ومريض (يعني اخليه يحتقر تصرفه) واترك الاغراض عنده وامشي.

[راعي الويله]

افهمه انه لنا عقول وانه هو مسكين ومريض (يعني اخليه يحتقر تصرفه) واترك الاغراض عنده وامشي.


هههههههه الله يسعدك قول امين

اخوي والله حصلت معاي مره تارك الاغراض ماشي كلها متجاوز ثلاث ريال

يوم طلعت مع الباب يقول يامحمد خلاص تعال حصلت نصف

بغيت ابلعه النصف الي يقوووله ومشيت وتركته الله مكثر البقلات مع الخطوط