اتمني من اهل الخبر الدخول..

[صياد جديد206]

السلام عليكم ورحمه الله وبركاته وبعد
اخواني الاعزاء كنت احد متابعي هذا المنتدى الشامخ والرائع
ولاكني اليوم احببت الانضمام الي اسرتكم الكريمه

احبابي عندي سوال لكم اتمنى منكم افادتي واعطائي الشور


اريد ان اشتري ساكتون هوائي ولا كن لا اعلم ماهو اجود وافضل انواع الساكتونات من حيث القوة والصناعه وقطع الغيار .. اتمنى ان تدلوني علي ساكتون طيب ومابه خرابات كثير وقطع غياراته متوفرة . فانا اريد صيد الارانب والحجل .. والقمري ..

لكم مني جزيل الشكر ...
وانتظر اجاباتكم
لاني ابيه هالاسبوع يالربع تكفون لا هنتم ...

[شمالي و الهوا غربي]

اذا صيدك من هالانواع
خذ لك خرازه برنو

[مولع قنص]

والله يالغالي مثل ما قالك الأخ / شمالي والهوى غربي

اذا تبي تصدي ارانب وحجل خذ لك خرازه او شوزن

اما الساكتون ما تصيد الأرنب

[صياد جديد206]

يا هلا فيكم .. وغلا
مشكورين ع الرد
وبعدين مثل ما تعرفون انا توني مبتدي ابي ساكتون هوائي قوي خليكم من نوع الصيد لاني ممكن اروح اصيد عصافير هههههه ..
يالبى قلوبكم يالربع .. انا ابي نصيحتكم بس ابي ساكتون اتدرب عليه لصيد وابيه مثل ما قلت لكم قوي واصلي مابه خربات كثبر وتكون قطع غيارة متوفرة .. انتظركم بارك الله فيكم

[ابوعبدالاله1]

اذا انت ملزم على الساكتون فخلك على العصافير والحمام وترك الحجل والارانب حتى تتقن مهارة الرمي ثم تتطور وتشتري ساكتون ناريه وشوزن0 بالتوفيق0
والساكتونات موجوده في محلات الرمايه وفيها الغالي والرخيص 0

[sniper-5]

اذا تبي ساكتون هوائية وقوية 80 فايروخ

[صياد جديد206]

ابو عبد الاله .. الله يعطيك العافيه ومثل ما قلت بس انا ابيك تدلني يالغلا ع ساكتون هوائيه قويه ..مرورك شرف لي

[صياد جديد206]

sniper-5 الله يطول بعمرك ..والفايروخ 80 ان شاء الله انها حلوة.. بس ياليت تقولي وين احصلها ووكم سعرها..وين الاقيها بضبط
مرورك نور صفحتي يالغالي

[سعد الخرجي]

فايروخ 80 وإن شاء الله ما يتعداها الصيد كبدايه تتعلم عليها وتكرفها كرف وتصملها معاك بإذن الله
طبعاً إذا انك تبي الارنب فلازم تكون حبه كبيره 5,5 وشوف اغلب صيد الارانب باليوتيوب بعيار الرصاص الكبير وعندك الديانا 350 ولكن كبداية راح تملها لان وزنها ثقيل وماتصلح للرمي من داخل السياره وسعرها 1900 جديده ولكن قطع اغلب قطعها بلاستيك مقوى عكس الفايروخ جميع قطعها حديد بحديد والله يوفقك ويرزقك مطلوبك اللي تمناه ويسهل امورك يارب وفالك الشحم واي استفسار حاضرين

[صياد جديد206]

اخوي سعد الخرجي صباحك فل يالغالي .. الله يجزاك الجنه ويسر لك كل امر عسير .
من شان الفايروخ 80 . وين الاقيها لاني انا من الاحساء .وبنزل الرياض بس مدري القاها ولا لا
وبعد لاهنت يالغالي لو توصف لي مكان الرميح او تعطيني رقمهم اتصل فبهم اشوف هل الفايروخ 80 موجودة ولا مو موجودة لاني اخاف انزل بلا فايدة ... واذا عندك علم عنها فالله يجزاك الجنه خبرني يالغالي .

[بريداوي اصليm]

اتوقع ان اخواني المكشاتيين ماقصرو ..

لاكن هذي ارقام محلات الصيد بجميع مناطق المملكه
الرميح الزلفي / 064221770 / 064760318
التخصصي / 4625029 01
النسيم / 2331455 01
الرميح الرياض / 4789181 01
نجي للرمايه للرحلات والصيد
الرمايه الرياض / 01/4628249
الرمايه بريدة / 06/3249364
الرمايه جده / 02/6653112
ابن حميد
الصياد العربي ( ابن حميد )
بجده فقط /02/6555538
ان شاء الله انك بتلقى مرادك
تقبل مروري
موفق

[صياد جديد206]

بريداوي اصلي بيض الله وجهك .. ما قصرت ..

[مهاجر الحزيره]

سعر الفايروخ عند الرميح اللي بالملز ١٨٠٠ ريال انا توني شاري وحده البارحة من عندهم

[صياد جديد206]

مهاجر الجزيرة حياك يالغالي.. لتهنت ابيك توصف لي المكان بضبط في الملز .. وباي شارع ولو جنب الحل معالم مشهور تكون افدتني طول الله بعمرك يالغالي..

[صياد جديد206]

شباب لا هنتم ابي مكان الرميح اللي بالملز .. ممكن تفيدوني