أيهما افضل مساعدات البر رماية أم مونرو أم جبريال أم مرسيدس ؟؟؟؟؟

[albara]

السلام عليكم ورحمة الله وبركاته
انا يا اخوان معي فورتشنر 2012 بقوة 6 سرندل وركبت عليه يايات الرماية الأمامي اصغر مقاس والخلفي المقاس الثاني وارتفع الموتر زي ما ابغي لكن طلع مطبه قاسي وفي الهويات احسن ان مساعدات بلاده بتنطلق من قوي ما تنمغط ويطلع لها صوت خبطة اذا انمغط المساعد
فسؤالي هل قد جرب احد وركب مع يايات الرماية مساعدات تحمل طول يايات الرماية ولينه في المطب
أنا لقيت شباب عند الرماية قالو لي جرب مساعدات المرسدس بس مهوب متأكدين منها
فأرجو الإفادة من ذوي التجربة والخبرة


هل الأفضل الرماية أم المونرو أم الجبريال أم المرسيدس

من ناحية الليونة فقط
شاكر ومقدر

[عبدالرحمن السالم]

والله شف يالغالي المرسيدس اعتقد لازم ترهيم عشان تركبه ، اذا تبي شوري لا تعدى المورنو لها بموتري اربع سنوات ممتازه جداً فيها ميزه بها ثلاث طقات ، تهز الاولي يهز معك الموتر ، الثانية يثقل شوي ، الثالثه يثقل ويثبت ، والميزه الثانيه انها غاز وزيت يعني لينـه
بالديره راح يكون بالطقة الاولي وانت مرتاح اذا طلعت للنفود او البر ومع المدابج يثقل ويثبت
طبعاً ركبت قبلها استرالي الاصفر من عند الرماية جلس معي سنتين وكم شهر ، وغيرتها
حلو الاسترالي بس فيه قساوه يعني يبي له مده عشان يلين معك ، زيها زي اليايات الجديده اذا ركبتها
ثنين من اخوياي معهم شروكي يمدح الجبريال وانا والله ماجربتها ، شف المورنو وشف كم اسعارها على وقتها شريتها لموتري الواحد ب90 ولو بغير بركب مورنو بحول الله ، عسى الله يكتب لك إلى فيه خير وصالح


تجربتي كانت على باثفندر2005


موفق خير

شف هالرابط عشان تستفيد يالغالي
http://www.toyota4arab.com/forum/t213358.html