مطلوب خبير للسلقان

[amallsh]

السلام عليكم

من يفيدنا عن السلقا في بعض المعلومات

مثل ...
موعد تزاوج للسلق؟
كمية الاكل الذي يقدم للسلق ؟ نوعه ؟
هل تحتاج تمشية كل يوم و كم كلم ؟
مراحل التدريب ! جرابيع ارانب ......!!
هل تتغير عادة السلق اذا خلاطات كلاب حراسة ؟
افضل انواع السلق ؟

[رفيق الأمل]

وعليكم السلام
اخي الكريم بأمكانك الاستفادة من بعض المواضيع في الخيمه والتصفح عليها كما عليك مراجعة بعض مواضيعي بالخيمه وسوف تفاد من بعض خبرات الاخوان ان شاء الله

[ابن برقاء]

التزاوج اخوي العزيز المهبل عندها كبر مره وتتبول كثير يطلع منه افرازات
الاكل الي انت تاكله من لحم ودجاج ورز وحليب حط عندها نفس الكميه الي انت تاكلها وتكفيك
اليوم الي انت تبي تطلعها فيه لاتعطيها شي مره عشان ماتطرش الاكل وماتركض زين خلها على صوم
اللياقه قد ماتقدر ليق السلق بس في مكان مستوي
التدريب اذا لقيت جرابيع ارانب زين يعلمها المراوغه والنباهه والمسك
بالنسبه للكلاب الثانيه لاتحطها معها تخرب طبعها والكلاب الي مش سلق نجسه وحرام تربيتها وخطر عليها تتزاوج معها

[الهيلا11]

اخوي الي تشوفه زين سوه وبنسبه للزواج اذا اجعلت السلقه 3 اسبوع من الاجعال تتشبا اول اسبوع تهارش 2تمارش 3 ماترد شي
بالنسبه للاكل انا السلق الي عندي اعطيه يوم ويوم لا بس الاكل الي احطها عندهاا ليومين
واذا بغيت اقنص اطلعها واقنص واردهاا والاكل نفس ماهو ولااجوع ولا شي السلق الطيب موب شرط تجوعه انه طيب من اسمه وتدريب امسك جرابيع في الليل وفكهاا الصبح ولا قراب المغرب واذا كانت جراوه فك معهاا سلق فاهمه وانشاء الله بتدرب بس على فكره الي انت تشوفه زين سوه والممشاء كل ماكثر كل مزادة الياقه والقنص والمشي مايظر السلق ابد بس اذا شفتهاا تعبت مره خلاص وقف يكفيهاا اليوم ومشهاا على فضاوتك


واسف على الاطاله