صوت غريب بالسياره

[tf11]

السلام عليكم

عندي ماركيز 96 ولاحظت صوت غريب واللي واضح لي انه بالمكينه !!

الصوت يزيد اذا حطيت السياره بالـ D وهي واقفه ، ومالاحظت شي بالعزم او بالقير .

وهذا مقطع للصوت

-KidK-z3oJg

[SGL]

والله ماعرفت الصوت فيه اثنين واحد كنه صوت واحد يشيش اوقدر يغلي والثاني كنه واحد يقطع قماش

[SGL]

تاكد من البكرات والسير والمروحة وطرنبة الماء وبعدين راح نلتفت للمكينة

[tf11]

والله ماعرفت الصوت فيه اثنين واحد كنه صوت واحد يشيش اوقدر يغلي والثاني كنه واحد يقطع قماش

لا المقصود الصوت الاول اللي كنها شيشه ،، الصوت الثاني من التصوير
شاكر لك مرورك


تاكد من البكرات والسير والمروحة وطرنبة الماء وبعدين راح نلتفت للمكينة

لابد التشييك بس قلت استفيد من الخبراء قبل ماينصبون علي الورش

ماقصرتو جميع

[SGL]

والله الصوت هذا مر عليا بسياره وطلع من البكرات وحده خربانا اذا الصوت عندك من المكينة فهوا العمود امكن سبايكه متكسره

[SGL]

وسمعت بعد ان السيفون يسوي كذا حتى الزيت

[ابوعقيل81]

انا عندي كرون فكتوريا 95 معروضة للبيع استخدامي 7 سنوات :)

الصوت هذا مو مبين اخوي بالمقطع

ممكن يكون من البكرات او السير

وممكن دينمو الكهرب (توقعاتي الأكثر)

واحتمال يكون من شحاطات الجنزير الي تمسك الجنزير وهذي الله يعينك عليها لان يبي لها فك صدر مكينة وبتكلفك مع الجنزير 700 قطع وكالة غير شغل اليد من 400 - 700 ريال

خصوصا يوم قلت انها تجي مع الدي لكنها تأثر على العزم خصوصا في الظهر يبين الموتر ضعيف عزمه

[tf11]

والله الموتر ماعليه ملاحظات من ناحية العزم بالعكس ماشاء الله عزمه قوي .


مشكورين

[al3teeq]

اعتقد الصوت خارج المكينه تاكد من الدينمو وعلبة الدركسون واي بكرة يدورها السير.
وانت واقف طالع في السير وخل واحد يعشق بالدي اذا لاحظت رجه في السير معناه ان فيه قطعه من اللي يدورها تحتاج الى شد خاصة علبة الدركسون
والله اعلم

[ls1.5700]

اخوي غير طرنبة الماء من الواضح بأن الرمان خربان ويجرش
بعد كم يوم تخر الماء 0
وبي اقولك شي قبل ماتفك اي شي على اساس تاكد من مصدر الصوت
خذ عصا مكنسه يكون خشب او اي عصا بس يكون خشب
وشغل السياره وحط العصا على مصدر الصوت اللي انت شاك ان الصوت منه
وبعدين حط اذنك على موخرة العصا 00 رايح تسمع الصوت بوضوح تام
وتحدد المشكه 100 %
وبالتوفيق ياعزيزي

[المستحيل277]

شيك علئ شداد السير

[tf11]

اليوم لاحظت ان الانوار الداخليه والطبلون تومض بشكل خفيف جدا مع انها ماكانت تسوي كذا
بديت اشك بالدينمو لأن هذي اعراضه .

ماقصرتوا

[SGL]

اذا طلع من رمان الدنمو غير بس الرمان

[الطلحاني]

يبدو انه رمان الدينمو .. او الشداد .. والاقرب رمان الدينمو

موفق

[tf11]

ماقصرتو وجيهكم بيضاء .. بشوف الوضع

[ابوعقيل81]

بشر وشصار عليك

[صاروخ الغطغط]

اتوقع طرنبه الما على مقال زميلانا خذ عصى وحطها على المكينه وتتبعها يطلع الصوت بس فيه طريقه افضل حط لي الغاز في اذنك والطرف الاخر حطه يم المكينه وتتبع الصوت يضهر بوضوح ويحدد لك الصوت

[Mr.MAS]

أخوي
كان عندي رودماستر 95 وظهر فيها مثل هالصوت تقريباً
طلع من شدّاد السير .. محتمل يكون نفس السبب

بالتوفيق