الى خبراء دوفلك الفتك

[نفود حلوان]

اخواني اعضاء وزوار منتدى مكشات الله يمسيكم \يصبحكم بالخير والمسرات -
عندي فتك 2002قير اتوماتيك- واجهتني مشكله اثناء رحلتي في منطقه رمليه
وتعلق الموتربشكل متخالف فوق شجرة عدامه مدفونه بالرمل وشغلت الدوفلك
وولعت اللمبه ولا طلع الموتر واضطرينا للحفر ودف السياره للميلان
وطلعت الحمدلله السؤال يااخواني هل يعتبر الدوفلك بهذه الحاله شغال
لاني لفيت مفتاح الدوفلك اللي عند الولاعه ونويت اضغط الزر الاحمر
اللي قدام القيروخفت اسبب مشكله لاني ماادري وش وظيفة هذا الزر -
ارجو منكم الافاده في طريقة تشغيل الدوفلك بانتظار مساعدتكم ودمتم بخير

[بن جلاجل]

اخوي الدفلك ما يشتغل الا بالدبل الثقيل والزر الي عند القير هذا عشان تطلع القير من البي والموتر طافي

[نفود حلوان]

حياك الله اخوي بن جلاجل اشكرك على توضيحك بعمل الزرولكن انا شغلته مع الدبل الثقيل دون استجابه -هل اعتبر ان الدوفلك بهذه الحاله خربان -اسعدني مرورك وافادتك

[بن جلاجل]

شغلة وارجع وقدم كم مره وخذ كم لفة بشكل دائرة اذا سمعت كفرات ورى تصارخ تراه اشتغل ذيبان
وانا ما اشتغل تاكد اول شي من السلك الي بالكارونه اذا صار زين ادعس للمهندس
موفق خيوو

[الربذي]

تبي تعرف هو شغل ولا لا شوف ارفع السياره بعفريته من الجهه الخلفيه واترك الاخرى على الارض وشغله طبعا الي قدام لازم تخلي التحضيره 2في 4 يعني ماهي مشبوكه واذا مافيه تحضيره او فرارات قدام لازم ترفعهن كلهن اقصد الكفرات وتحطه بالدبل الثقيل بعد ان تخلي القير على n وتفر الفرار وتصبر شوي لانه يتاخر كثير ماشبك وتمشي اذا مشته كفره تمام تراه شغال وطبعا شيك عليه ترا له لي تشوفه لايكون فيه تنسيم ملاحظه ترا الدفلك فقط خلفي ماهو امامي ولاتسرع يعني 10 كم او اقل عشان ماتخرب سننه لان نفس الدفلك ضيق
اما الزر الاحمر كويس ماضغطته فائدته هو انه لو يطفي ولاتقدر تحرك القير ولامضيع المفتاح وتبي تخليه على الفاضي تضغطه تحت ويتحرك القير بدون ماتضغط البريك
معي 2004 فتك ماشاء الله يطربك

[نفود حلوان]

شغلة وارجع وقدم كم مره وخذ كم لفة بشكل دائرة اذا سمعت كفرات ورى تصارخ تراه اشتغل ذيبان




وانا ما اشتغل تاكد اول شي من السلك الي بالكارونه اذا صار زين ادعس للمهندس


موفق خيوو

اخوك مسوي فيها خبير احسب الدفلك قدام:D السياره لهاعندي سنه ولاحتجته على كثر طلعاتي سمعت انه عند الضروره ولاكررت عليه لاني حذر شوي وراعي نفود بس كنت مشغول اطارد الفري مادريت الا السياره فوق الشجره يعني فك الله كم فريه :( وقمنا بمهمته لتدارك الوقت
السلك على شكله بالكارونه لكن ابي اتاكد منه ومربط الفرس طال عمرك بنصف اللفه اللي قلت لان عندي طقه مع الدبل تجي بشد العزم وبلفه خاصة يسار وديته ورشة التركي قالو الطقه بالدفر نس الامامي وكرروا الفحص قالواجنزير الدبل ماحس انهم متاكدين شاكر لك المرور والافاده

[نفود حلوان]

[QUOTE=الربذي;8921514]تبي تعرف هو شغل ولا لا شوف ارفع السياره بعفريته من الجهه الخلفيه واترك الاخرى على الارض
هلا بك اخوي الربذي ماعندي فرارات واذا علقته كيف اعرف انه استجاب هل يطلع صوت صرير بالكفرات؟
افكر اجرب بالنفود واذا سمعت الصريرمثل ماقال خوينا بن جلاجل معناته اشتغل
ماشاء الله على سيارتك والله يبارك لك فيها
شاكر مرورك الكريم

[الربذي]

ماعليش شكلي ماكملت كلامي صراحه شغله اذا ماعندك فرارات وقصدي اي سياره دفع خلفي لوترفع الكفره بعفريته ماتمشي متر لو يوصل العداد 200 بس الدبل يشبك الكفرات تدور مع بعض مرفوعه ولا لا وبكذا تطلع الا بالطين والسبخه ماينفع لو فيه لالاربعه ماهو لثنتين