مشكلة بالتاهو 2007

[Abu-Abdualziz]

السلام عليكم يا اخوان
عندي مشكلة بتاهو 2007 امريكي
احيانا وانا امشي بالسيارة او حتى وهي واقفه اسمع زي الطقه بباب الشنطة الخلفي ويطلع لي مسج
Rear access open
منفذ السيارة الخلفي مفتوح
اعتقد كذا الترجمة

وامس وقفة السيارة عند البيت تقريبا المغرب
ولما جيت افتحها بالريموت اليوم ما تفتح
فتحتها بالمفتاح وشغلت السيارة وما تشتغل ولا حتى فيه اي صوت للسلف

سويت لها اشتراك واشتغلت
علما ان البطارية جديدة قبل يومين شاريه اي سي ديلكو

هل تتوقعون الشنطة لها مشكلة بتهريب الكهرباء ?

علما اني مريت ورشة وقالي افصل الباب الخلفي وما فيه اي تهريب للكهرباء

وحتى لو افترضنا ان الباب الخلفي انفتح بعد ما وقفتها امس واشتغلت الانوار الداخليه وسبب مشكلة للبطارية كان المفروض يشتغل الانذار واسمعه

يا ليت تفيدوني ارجوكم

[ابن روزه]

افضل حل ودها لورشة ممتازه فيها فحص كمبيوتر واكيد بتطلع المشكله وانتبه يلعبون فيها الكهربائيين

[Abu-Abdualziz]

للاسف مريت فحص الكمبيوتر يقول ما يطلع معنا لان عندك مشكلة تسريب كهرباء

تسريب الكهربااء موجود لكن مو عارفين موقعه

اظن والله اعلم يمكن الراديو
نبي نصايحكم

[Magellan]

صوت الطقة معناته يفتح الباب الخلفي توماتيك بدون تدخل منك
شوف ابرز الحلول شد سلك السالب بالبطارية
اذا مانفع يلزم تتبع اين مصدر التهريب
وفحص الكمبيوتر لايفيد