## مساعدتكم .. الطير عيا يرتفع وزنه من. . .

[ابوحسن144]

السلام عليكم ورحمة الله وبركاته
حيا الله الربع .. وياهلا ومسهلا
..
..
اخواني .. انا فحصت الطير في مستشفى
الامير فهد بن سلطان
وقالوا ان فيه التهاب بالكبد خفيف والحمد لله بيطيب
لكن فيه ديدان مصران ، وهن السبب ان مايرفعن الطير
واعطوني ثلاث حبات الزرق . ومضاد .
والان له قرابة الاسبوع . واعطي الطير وجبتين
ولا احس ان الطير ارتفع ، وانا الحقيقه خايفن على الطير
..
فيا جماعه وش السواة ؟ ورايكم مشكورين مأجورين

[خيال سهيل]

ريح الطير بمكان دافي مهو حار دفى مايل للبراد وعلفه فخوذ دجاج وبيض غطس اللحم بالبيض وعطه الطير
وريحه ثلاث ايام ورح تشوف الفرق واذا بتعطيه حلبه حب على كبرها عطه ثلاث حبات حلبه بقلب ولا داخل لحمه وانشاء الله بيرتفع بسرعه

[ابوحسن144]

بوركت
الطير نازل من وزنه لان فيه ديدان مصران . وبعد العلاج الحمد لله
احس انه بدا يرتفع شوي شوي
لكن فيه بكفه اليمين اما خلع او ملع والخلع اقرب.
واعطوني المستشفى قطرة مع العلف ، واعطيته ثلاث مرات
حبوب ملع ويمكن مادري .
وانا اعطيه حلب وشوي رشاد وتوي اعطيه موميان .
لكن قال لي رجال لا تعطيه رشاد لانه قوي على كبده
وبه انتفاخ خفيف بالكبد ومايصلح له .

وش رايكم

[عابر الموج]

بالفعل الرشاد حار على الطير انصحك عطه حلبه مسكت الاصابع مع العلف ولاتخاف الحلبه زينه للطير حتى لو كانت يوميا مايضر وشف البيض البلدي رقم واحد للملع عطه الصباح وفي المساء عطة سمان تقبل تحياتي