استفسار :الطعوم الجيدة للقرش

[منصور888]

السلام عليكم ورحمة الله وبركاتة
ياخوان .. انا يوم الجمعه طالع العقير وهذة اول تجربة لي في صيد القرش عن طريق السحب طبعا راح استخدم خيط 0.9 ملم و ميدار رقم 3 ومحتار في الطعم .. اتمنى من االاخوان اصحاب الخبرة اثراء الموضوع ولكم جزيل الشكر

[Octopus]

التونة افضل لعف لصيد القرش

تحياتي

[منصور888]

ياهلا ومرحبا يعطيك الف عافية ,, بس تخبر اليوم جمعه الوقت ضيق .. عموما شرفني مرورك واثرائك للموضوع .. لك مني كل التحايا والتقدير

[k.fares]

افضل لعف للقروش:الكناية والتونة شرط تكون توها طالعة تكون على 7كيلوا
مقاس الجلب:120ملم
مقاس المدور:اكبر مقاس مايجي بثقل
مقاس المصفر:400lb
مقاس الثقل:8
مقاس السنانير:1
وبعد كذا تخيطها وترصها عالفلين وتزبط الشراعات والموجه والاثقال وتسيبه ينطلق وماتعطيه ربغ الا لمن يعدي الكسارة وبعد مايقطع مسافة الـ300متر او 400متر تلم الربغ وترصي وتلم الربغ وتنتظر الرزق من الرزاق
شرط/لاترسل المجرور الا ومعك 3اشخاص لوجود دواهي فالسحب تكون صعبة للمبتدئ

[منصور888]

اخ فارس .. ابدعت شرح وافي ومفصل تفصيل ,, الله يجزاك خير ويرزقك وايانا من واسع فضلة

[صياد الاحساء]

من قال لك ان العقير فيه سمك قرش

[منصور888]

انت اخبر ياريس

[صياد الاحساء]

اذ تبي غروش روح الخبز العزيزيه الشبيلي الراس الاول الي عند التحليله مليان غروش حط لك ميدار١٥ وخثاق حاول تصيد مشوى حجم صغير اصغر من الكف واخذ لك سناره مزبوطه حق تبيت وشك سمكه المشوي اليي صدت بمشك حط في راس الخيط مدور مع واير سلنق اشتريه جاهز مع ميدار البو٣ وبيت السناره قريب الفجر وثبت السناره مزبوق وانتضر الضرب وربي احجام غروش متوحشه تستغرب من الاحجام

[منصور888]

صياد حبيبي يعطيك العافية علي اثراء الموضوع والله يجزاك خير
انا احدق سنانير سيف .. وكنت قريب من مدخل الريف الاول مسيان الا وشوف اللي يتخطرف قدامي يبعد عني تقريبا 400 متر او اكثر بشوي انا يتهيئ لي انة قرش طبعا انا سألت واحد من الشباب خبير في العقير وغطاس اعماق تصل 45 متر قال لي القرش موجود لكن احتمال كبير اللي انت شفتة جرجر لان زعانفة تشبة القرش طبعا انا ماعرف الجرجر ..

المهم طبعا بعد هذا المشهد ركب في راسي اشتغل علي المجرور السنانير موجودة والفلين في البحر والطلعة محسوبة علي ... طبعا قاعد اجمع معلومات عن المجرور من حيث اللعف وحجم الميادير واذا كانت هناك طرق احترافية
طبعا انا شريت خيط مد 700 متر مقاس 0.9ملم والبكرة العادية وعندي ميادير قديمة بس طبعا لم تستخدم اتوقع حجمها 3 او 2 ناسي والله بس حسب تقديري

عموما اشكرك اخوي علي المعلومات بارك الله فيك ورزقنا وياك من واسع فضلة

[ابو حسان اسحق]

ا
ن شاء الله يا منصور ما ترجع من الرحلة الا وانت جايب القرش لكن اسمح لي بسؤال ايش افضل شىء تسوي بالقرش اذا صدته ما نستغنى عن اهل الخبرة تحياتي

[منصور888]

تلميذك والعين ماتعلى على الحاجب .. بس سؤالك مافهمت وش الهدف منة الله يجزاك الجنة

[baracuda]

انشاء الله فالك الصيد الطيب
وشكرا للاخ فارس على الشرح الوافي

[كنعد]

الي انت شفته ( دقس ) بقرة البحر وليس قرش الخليج نادر تحصل فيها قروش في احجام صغيرة عند جسر البحرين يعني يجي طولة متر