السبيطي جنني

[Aljawdh]

السلام عليكم ورحمه الله
اخواني انا لي خبره ليست ببسيطه بالصيد
مو هذا موضوعنا المهم

انا دايم اصيد بمكان خاص
و المكان هذا فيه جسر يفصل بين ممشئ مهجور
الجسر هذا علئ شكل H

دائما عندما اجلس اشغل انوار قويه بتجاه الماء تحتي
وبعد نص ساعه يجيني سرب سبيطي يحوم تحتي
تقويبا من 5 الئ8

يجلس معاي لين يخلص مني الطعم و لا اقدر اصيده
و الغريب بالموضوع يقرب من الطعم و يوخر عنه بسرعه جنونيه
و احيان يمر مسرع و ينط من الموويه كنه دلفين
تكفووون عطوني حل معاااه جنني

ابي شخص يعلمني طريقه بصيده

هل اخلي الطعم عائم بدون ميدار لان السبيطي يكون تحتي بضبط
او اخليه بثقال

و هل المسدس ينفع معاه من فوق الموويه
لان بجد السبيطي قريب مني مرررره
تحتي بضبط مسافه 3 الئ 5 متر
و اذا صعد قريب المويه تكون المسافه
مترين

عطوني حل هذا سبوع الثالث يكون جنبي و لا اصيده

ابي خطوات بتفصيل
الله لا يهينكم

[حداق الخبر]

شوف ياغالي


اول شي ثق ثقه تامه اذا السبيطي مو جوعان ماراح ياكل


فيه عدة طرق لصيده اول شي يستلزم عدمم الازعااج

2 الخيط حاول يكون مقاسه صغيير مثلاً خيط 40 ، 45

3 بدون ثقال مثلاً وتخبي السناره

4 جرب تحط مصران دجاج قبقب عجين خبز خصوصاً الخبز اذا تحدق في الليل صدقني تصيده ترمي بدون ثقال وتحط طعمك خبز وترمي وتسسسكت يجي ياكلها بالراحه

5 حاول قد ماتقدر الهدواء مهما قدرت وتأكد لو صدت واحد الباقي راح تهرب ههه

تحياتي لك وبالتوفيييق ياغالي وفالك السبيطي ابو 8 كيلو

[Aljawdh]

طيب و الميدار مقاس كم استخدم
------
بخصوص الهدوء المكان هدوووء مررررررره
-----
وهل ينفع المسدس من فوق الموويه ولا؟
لان ناوي اشتري واحد و السبب قرب المسافه بيني و بين السبيطي
------
الخبز قولي اي نوع اخذ من عند الخباز او خبز عادي من البقاله
وعذرني بهذا السوال لان محتاج توضيح اكثر
-----

و اي شخص عنده طريقه اسويها لصيده بطريقه الهجوم هههه
يشطخها لنا هنا

[TOP SECRET]

اخوي مثل ماتعرف السبيطي من اذكا الاسماك واذا شاف الخيط او المجدار مايضرب علشان كذا ترديعة الخيط لصيد السبيطي تختلف يكون المجدار في اول الخيط والبلد على بعد متر من المجدار وبينهم المدور ويكون خراطي يعني البلد يروح ورى لمسافه علشان مايهاب السبيطي اذا تحرك البلد واذا فيه حسس يعني صوت او حركه قريبه لايمكن يضر او ياكل الجيمه واذ الوضع هادي من طبيعة السبيطي مايضرب مثل السمك يمسك الجيمة ويسحبها اذا شاف الوضع اوكي يضرب علية وعلشان كذا نخلي البلد خراطي علشان اذا سحب الجيمه مايتحرك البلد ويهاب السبيطي وينحاش .. واسف على الاطله ونشاء الله اكون فدتك .

[TOP SECRET]

جرب بدون بلد ويكون الجيم (الطعم) ميده او حاسوم ويكون المجدار رقم 7 او 8 وتشك المجدار من الخلف الى ان يخرج من الراس بحيث مايكون ضاهر منه الا طرف راس المجدار ( الباذره) واذا صدته تراي معزوم عندك على الغدا:redcar::fههههههههه

[مخلد المحنا]

ما يقتل السبيطي الا العجين!

وعشان تتاكد.. اخذ كيس خبز في يوم واحذف له.. وبتشوف العجب...

سو عجينه تكون متماسكه شوي.. وميدار وخيط ٥٠ شفاف جديد.. حاوط الميدار بالعجينة عدل.. ولما يبدون يخمطون الخبز احذف عجينتك.. بس نصيحة.. اذا حسيته اكل العجينة.. عطه شوي خيط.. وتدريجيا اقضب الخيط لين تحسك متمكن منه.. وبعدين الشطه اقوى ما عندك وخله ينحاش !!! عطه خيط بس لا ترخيه حيل!! ولا تشد حيل! اول ما يخفف السرعة جيبه صوبك.. والله يوفقك..
وانتبه ليدك لما يروح بسرعة.. فيها قطع اصابع..

وعسى ربي يوفقك


اخوك
مخلد المحنا

[حداق الخبر]

Aljawdh (http://www.mekshat.com/vb/member.php?u=251469)




الخبز يكون هولي مو الخبز العادي ،،، والا تدري

كلمني لاهنت اذا عندك واتساب او ارسلي مسج وانا اتصل بك و اوضح لك بعد اذن الاداره

0592436526

[hunter78]

الشباب أعطوك العلم المزبوط
خيط شفاف مقاس 40 من نوعية ممتازة وميدار حاد قياسه حسب حجم السبيطيات وبدون ثقالة لأن السبيطي يحب يمسك الطعم ويمشي فيه شوي وإن ما حس بثقل الخيط يبلع الطعم ,الطعم عجين أو مصران دجاج أو منشوسة أو ميدة صغيرة حية تشكها من الذيل وجرب الربيان الحجم الوسط وأخفي السنارة فيها جيدا وخلي الخيط مرخي ولما تشوفه سحب استنى عليه وبعدين الطشه وبإذن الله تجيبه على خشمه
بالتوفيق أخوي

[Aljawdh]

الله يزيدكم علم و خبره بقد ما تفيدون الناس من خبراتكم
---
استفدت الكثير من هذا المنتدئ الرائع
و ان شاء الله راح اوافيكم بالنتائج
قريباً

[مجنون عجلان]

ان شاء الله تجرب الخطط وتنجح
ونشوف السبيطي في القدر ونقول لك عليك بالعافيه
السبيطي ذكي ويحتاج صبر والله يعينك

[كنعد]

اسمحلي ولا يهينون الاخوان. ماراح تصيدة ابداً دامك تشوفه ويشوفك الطريقة هي انك ما تفتح الانوار نهائياً ولا تصدر اصوات وتجيب معاك ( كيس طحين اسمر ، وخيوط ٢ كلهم مقاس ٦٠ وميدار مقاس ٨ كربون فرنسي. وتجيب حاقوول كبيرر تقطع لحمة فيليية وتشيل الجلد وتقطع اللحم على حجم حباات الحمص ). اول ماتوصل الموقع ترمي طحين اشوي وتركب لحم الحاقول الي على حجم حبات الحمص في الميدار وحدة ورا الثانية من غير ثقل وترمي الخيط الاول والخيط الثاني اهم شي لا تولع الكشافات مو لازم تشوف السبيطي خليك ثابت لاتروح وتجي وتتحرك ترا السمك حسااس جداً ولازم تعرف ان سرعة الصوت في الماء ٤ اضعاف سرعتة في الهواء. ولازم تكوتن صبور

[كنعد]

نصيحة اذا لا تستخدم خيط ٤٠ لان السبيطي يطير في الخيط ويظرب نفسة بلحجر. نصيحة لا تغامر ولا تنسى ان السبيطي بهيمة ما راح يفهم بيظربون معاك خمس ولا سبع سبيطية ويقطعون الخيط بسبب الحجر ويتعذبون بسببك وممكن يموتون اسمع كلامي انا ما امدح نفسي لاكني الحمدلله ربي رزقني من العلم اليسير الي مكني من صيدة

[حداق متمرس]

Aljawdh (http://www.mekshat.com/vb/member.php?u=251469) http://www.mekshat.com/vb/images/statusicon/user_offline.gif
مكشاتي
Aljawdh (http://www.mekshat.com/vb/member.php?u=251469) http://www.mekshat.com/vb/images/statusicon/user_offline.gif
مكشاتي

اهلا اخوك ويش اخبار السيبطي جبته لو بعدك

واذا ممكن نعرف المكان الخاص خليني اخوانك يترزوقوا الله

وتحياتي لك

[ذوالجناح7]

تبي تصيده مااااعندك غير حل وااااحد تاخذ( بوحبيب ) معااااك :j


الحل عندي ......:type:


إذا حبيت نخاااويك تارني مبطي عن السبيطي وصيده لأن الأماكن


صار يجيها ناس تسبح وطرادات خلت السبيطي مااايقرب لأنه يبي الهدوء


راسلني الخاص وسرك في بيررررر :D

[داحم99]

اهم اهم شي لايشوووفك ..


وبالتوفييق

[ربان الخليج]

اخوي اسمحلي اختلف مع بعض الاخوان الاعضاء واتفق مع بعضهم في بعض الاشياء0اخوي السبيطي اللي انت تتكلم عنه هذا رابي في المكان اللي انت تشوفه فيه ومتعود على الرايح والجاي وفاهم حركات السناران والخيوط0لذلك اقولك صعب صعب صيده وليس مستحيل0ولكن بمكن تقعد شهرين ثلاثه ميطلع معك شي وتضيع وقتك0اكثراللي يضرب على الناس سبيطي عابر اللي يسمونه /الماشي/وانصحك لاتتعب نفسك0الااذاكان مسدس ممكن0وانصحك بالاماكن الهادئه المضلمه0البعيده عن الضجه0والتقليل قدو الاستطاعه من الاضائه0ولبس الملابس داكنة الالوان متل الاسود والكحلي والبني0والتزام الهدوء0والجوع راح يجيبه0وربي ضارب على بروسي مقاس 3وسلك واير0مره على نصف سلس0ومره على ميده حيه0بس ابعد عن الاماكن المكتضه0والهدوء الهدوء0تحباتي لك وللجميع

[Aljawdh]

كنت اتوقع انه رابي بنفس المكان
راح اجرب الطرق الي قالو عنها الشباب
و اذا ما ضبط معي بجرب المسدس بحكم قرب المسافه بيني وبينه

[كابتن غواص]

السلام عليكم ورحمة الله وبركاته

أخي العزيز أنا قرأت كل الردود والإقتراحات

والحلول التي ذكرها لك الإخوان ، وأحب أن

أعطيك طريقة إن شاء الله تكون أفضل

وأكيدة من كل ما سبق

وتضمن لك صيد المجموعة التي تراها تحتك

كلها أو معظمها ، والطريقة هي أن تشتري

مخدجة ( الساليه) صغيرة أو متوسطة

وتقوم برميها على السمك ، وبإذن الله

تصطادها وما تتجنن :D:D:D:D:D:D:D:D

وهذه روابط لتعليم طريقة رمي المخدجة

والصيد بواسطتها ،

http://www.youtube.com/watch?v=lOUkj2h2LjI&feature=related


http://www.youtube.com/watch?v=QQXBKo-Fvgg&feature=related


http://www.youtube.com/watch?v=-vVwJ79cIfo&feature=related


أرجو أكون أفدتك



وشكراً ...

تقبل مروري وتحياتي أخوك أبويحيى

[baracuda]

ماعندي خبرة في السبيطي :)
يفيدونك الاخوان

[Aljawdh]

الروابط ممتازه جدا
و اشكر الجميع لمساعدتهم لي و تبقئ التجربه
و اكيد الموضوع راح يستفيد منه الذين ليس لديهم
اي خبره بصيد السبيطي مثلي
تحياتي للجميع

[حداق متمرس]

اخوي ممكن نعرف المكان وخلي الاخوان يترزقوا يمكن يطلع معاهم


وتقبل تحياتي

[ابو نووووره]

والله انا ولله الحمد قد صدت يمكن 9 سبيطيات في اسبوع واحد وفي 3 طلعات
الطعم ميد
الميدار ( السناره ) رقم 7
الخيط 40 ال بي بقيم
يكون الطعم اخر شي ويكون يبعد اقل شي متر عن الثقال
وعلى فكره السبيطي مجنوووون على الميد

[عاشق الموج]

السلام عليكم

ماودك اجي وياك

وانا على عدت الشوي اذا الله كتب وصدنا السبيطي


ها وش قلت ؟ :)

[سعود بن احمد]

انا اعرف المكان اللي يتكلم عنه اخونا كاتب الموضوع ,, وصدقني من فوق الجسر ماراح تصيد شي الا اذا قطيت خيطك بعيد ساعتها اتوقع تطلع لك قرقفان لانه كثير حول الجسر ، اما السمك اللي تشوفه حواليك وخصوصا بالنهار يجي تحت ظل الجسر انساهم كان غيرك أشطر ههههه ..
عموما اغلب السمك الموجود سبيطي احيانا والسلس موجود بالهبل صح ؟

[White_Shark]

السلام عليكم ورحمة الله وبركاته

أولاً انا استبعد بأن يكون السمك اللي تتكلم عنه سبيطي لعدة اسباب :
- السبيطي يبتعد عن الاضواء القويه .
- أقل حركة يحس فيها ماراح تلقاه .
- السبيطي سمك متنقل ولايبقى في مكان واحد خصوصا إذا شعر بوجود شخص .
- السبيطي لايقفز مثل الدولفين بل في العادة يضرب بذيله فوق سطح الماء .. ويقفز في حالة وجود عائق أمامه فقط ( شبك , خيط , سلك ..).

ولكن كل شيء جائز .. ولو أنا واجهت ماواجهته أنت سأعمل الاتي :

افضل طعم لصيد السبيطي بالنسبة لي هو ( النغاق - الربيان الكبير - الميد الصغير - المصران )

طريقة الترديع ( الميدار اولا ثم الثقالة )

الميدار : نرويجي معكوف

الخيط : مقاس 50

الثقل : مقاس ا2 ( ومتحرك يعني لاتربطه في الخيط ).

- يكون الرمي بعيد عن السمك حتى لايخاف من الصوت , والتزم الهدوء وأصبر .

يفضل التنويع في الطعم , لأن عدم اكله يعني بأنه شبعان .. أو أنه خائف حتى لو كان جائع نتيجة الحركة .

نتمنى لك التوفيق .

[ra3ibox]

انا مع الأخ اللي وصف السالية و من خبرة مجربة
بس السوالي اللي في السوق كلها حق سمك صغير وحق ميد والا شي بحجم الكف واكبر بشوي
فيه سالية يكون خيطها متين وفتحات العين كبيرة وهي مخصصة للسبيطي ولا اتوقع بتلاقي بسهولة منها الا عند شايب مخزنها تحت سريره لأنها شغل يد وتعبت عمر
او انك توصي عليها من الهند مثل ما انا سويت( لو مالقيت واضطريت ) خبرني وان شاء توصلك برسم الخدمة أخ لأخ اذا كنت تعرف تستخدمها صح
وان احتجت شايب من اللي يجيدو استخدامها سحبناه لك يرمي ويتسدح على السيف ههههه

[ناسي سنارتي]

الشباب ماقصرو وياك
وانا مع الاخ وايت بن شارك خبرته في السبيطي كبيره جدا
وصار لنا مده مانشوفه بالمنتدى @ يتغلى علينا @

وحاول تنوع في الطعوم

والله يرزقك ويرزقنا من خيره

[بحر الكلام999]

والله السبيطي هذا حاولت اكثر منك بكل شي عمري ماصدته لكن صدت مزيزي وشعوم لكن معزبهم العود السبيطي ماقد جريته علي خشمه

[nouaf]

ما يقتل السبيطي الا العجين!

[accentkool]

انتبة من مسدس
البحر الرمي فية
خارج الماي مختلف
عن داخل الماي
يرتد عليك طوالي ويظربك