شوركم وهداية الله باترول 2008 رفرف اسود@

[يزيد 999]

بسم الله الرحمن الرحيمصبحكم /مساكم الله بالخير ياشباب حصلت باترول 2008 رفرف اسود gl-v قيرعادي ومكيفين ودفلك وتانكيين مكينة فتك ماشي 155الف البدي سليم الا باب الراكب فيه رش تحت الخط محدود ب90000 منقول باسميالموتر على مااعتقد خليجي طبعا بطاقة جمركية بدون لوحات ويوم شفته فيه جمبه 5بواترول نفس المواصفات وفيهن من داخل قفص حماية زي اللي بسيارات السباق على المرتبة الوسطى اللي بغيته منكم لاهنتوا يستاهل السعر وكيف اعرف انه ماجاه ترهيم او لعب ؟

[مضارب سيارات]

اولا العنوان فيه خطاء كبير نقع فيه كلنا شوركم وهداية الله ! الهداية تأتي قبل الشور

ثانيا اذا الموتر جامد ولا فيه طقطقه حاول ينزل لك او توكل على الله سعره حلو خصوصا الشتاء جاي والاسعار راح تطق فوق

[المنطلدز]

البلا ياخوي القفص الحماية لايصير قبل مستخدم من قبل رالي يعني مكروف ومعلوك ترا ماتدري

[يزيد 999]

جزاك الله خير وان شاء الله انتبه لمثل هالاشياء ويعطيك العافية على الرأي (مضارب سيارات)على شوفي للموتر انه مانعلك وانا مثلك كنت اتوقع انه حق لعب بس كل اللي جنبه كان بهن وفكهن راعي المعرض الاهذا والقفص مايأثر على عملية الركوب ابد عبارة عن قطعتين حديد ملبس اسفنج على التنده وخاص للمرتبة الثانية الاولى والثالثة ماعليه شي ومشكور على مرورك (المطلدز)

[يزيد 999]

للرفع فيدونا جزاكم الله خير...

[اطلب ربك]

الله يسهل امرك، انا عندي قاعدة اي موتر مصدوم مع الباب اتركته <<<متعقد من دخول الهواء ( التنسيم)

[GHAAM]

شف واناأخوك أول شي أستخر ثم أفحص الموتر كامل بدي وحركات وتأكد وش سالفة ذا الشبك اللي جوا
ويمكن يصير الموتر حق جولات سياحيه لأن في الامارات أذكر فيه جولات جوا النفود والمواتر لاندكروزر وفتك رفارف سود ويصير جوا
شبك عشان لا سمح الله وصار شي يحمي وتأكد
أرجوا أني أفدتك

[sgl2002]

والله ياخوك احذر ثم احدر من الفتك

لان 3 ارباعها اذا ماهي كلها

مكروفه كرف الويل

خصوصا ان اكثر مستخدمينها كلها لراليات والسباقات والقنص والبر

فانتبه

والا الموتر تراه من افضل مواصفات الفتك

[abo naser 1]

السلام عليكم

أخوي مواتر الراليات او الرحلات السياحية واضحة مجرد طلة تحت الموتر يبين معك والشبك الحديد يبين اذا سفتي راليات او مجرد شبك فاصل وفحص المكينة يبين ضغط البساتم واذا موضب اثر الفك توضح
اذا كان مصدرها الأمارات فكثيرمن الدوائر الحكومية يستخدمون النيسان والتويوتا الصوالين في البلدية والامارة والخدمات ويضعون الشبك الحديدي غالباً ماتكون نظيفة والسيرفس بأنتظام وكذلك الشرطة يستخدمونها بكثرة

[abo naser 1]

السلام عليكم

اخوي مواتر الراليات او الصيد او الرحلات السياحية البرية توضح بمجرد طلة من الأسفل البطن توضح معك اما بالنسبة الأسعار اشوفها طايره لها حول السنة وسعره للمستخدم زين اما الشريطي ما يتعدى فيه 83

اذا كانت وارد الأمارات فكثير يستخدمونها الدوائر الحكومية من بلدية وامارة وخدمات وكذلك الشرطة بكثرة لأستخدامها بالمدن وبقيادة هادئة وتحت موظفين راشدين لديهم الشعور بالمسئوليه ويغلب عليها النظافة والفحص يبين اهم شي البودي فحصة ب 50 ريال وفحص المكينة يبين ضغط البستم والكهرباء واذا قد سبق لها توضيب او فك يبين اثاره والدفرنسات والدبل يبين من الممشا

[abo naser 1]

السلام عليكم

اخوي مواتر الراليات او الصيد او الرحلات السياحية البرية توضح بمجرد طلة من الأسفل البطن توضح معك اما بالنسبة الأسعار اشوفها طايره لها حول السنة وسعره للمستخدم زين اما الشريطي ما يتعدى فيه 83

اذا كانت وارد الأمارات فكثير يستخدمونها الدوائر الحكومية من بلدية وامارة وخدمات وكذلك الشرطة بكثرة لأستخدامها بالمدن وبقيادة هادئة وتحت موظفين راشدين لديهم الشعور بالمسئوليه ويغلب عليها النظافة والفحص يبين اهم شي البودي فحصة ب 50 ريال وفحص المكينة يبين ضغط البستم والكهرباء واذا قد سبق لها توضيب او فك يبين اثاره والدفرنسات والدبل يبين من الممشا

[يزيد 999]

ماقصرتوا وكفيتو ووفيتو النيه ان شاء الله باتسر نروح ونفحصة من الصدام للصدام وبطنه وكان فيه أصوات هواء

[كلاسيكو]

باترول ونوع فتك وقير عادي ماافكر اخذه من الامارات الا بسيره ذاتيه عن الموتر من معرفه
لاني شفة طريقتهم بالفتك القير العادي خاصه
يستعملونه لكل السباقات سواء رالي او مقاوم مثل تيربو وغيره كثير حتى التطعيس

مجرد راي <
يعني القير العادي من الامارات يبي لك الحذر الكبير

[صاحب الذود]

باترول ونوع فتك وقير عادي ماافكر اخذه من الامارات الا بسيره ذاتيه عن الموتر من معرفه
لاني شفة طريقتهم بالفتك القير العادي خاصه
يستعملونه لكل السباقات سواء رالي او مقاوم مثل تيربو وغيره كثير حتى التطعيس

مجرد راي <
يعني القير العادي من الامارات يبي لك الحذر الكبير



اضم صوتي معك كلامك صحيح

[يزيد 999]

خيرة بإذن الله الموتر فحصته اليوم الموتر طلع من حقات الرحلات اللي بالنفود لكن بطنه ومحركاته تمام وماردن الا البدي الاتفاق انه رش تحت الخط بالباب حق المعاون وبعد مافحصته طلعت الرفارف اللي قدام مفكوكة والكبوت والباب حق المعاون ورفرف ورا يمين وباب الشنطة كلها رش ومعجون ويوم رجعنا لراعي المعرض قال ابنزلكم الف قلتله كل هاللي فيه وتنزل الف المفروض يطيح منه 15 اقل شي عموما الله يرزقنا بغيره ويعطيكم العافية جميعا لاعدمناكم @