جتني نفسيه

[عبقري91]

السلام عليكم يوكن2002 دبل فل امريكي
قبل فتره خربت الكرونه معي المهم رحت وركبت كرونه
وطبعن السوري النصاب اقوله شيك على الرمنات والصوف قال سليمه وغيرت ومدري ايش
طبعن كنت عنده وقت مانزل الكرونه كانت تعبانه مره
المهم ركب كرونه
ومشا الحال وبعد شهرين فيه تهريب من الصوف
رغم ان السياره اغلب وقتها واقفه واذا سافرت مهدي
رحت لورشه وغيرت جميع الرمنات والصوف وخرطة العكوس وجبت زيت Gmالاصلي مع وجه وزيت مانع الحتكاك ونضفنا الدفرنس
رحت على السياره وكانت عسل الا اني اسمع ونه خفيف حقت رمان وكنت متوقع انه الفلنجه الي قدام يسار وخفيفه وطنشتها
واليوم طالع للبر وبعد مارجعت وركبت القار الا ويطلع صوت ونه مزعجه مع جرش حديد
مدري قدام مدري ورا الصوت متشتت
هل رمان الدفرنس الامامي يسبب هلمشكله لان ماغيرته
هل الفلنجه تشبه صوت الدفرنس
هل كرونة الدبل يصير فيها كذا

للمعلوميه وانا امشي اذا لفيت يسار يختلف الصوت واذا لفيت يمين نفس الشي
واذا رفت رجلي عن البانزين يختفي
واذا هديت وقربت اوقف اسمع غوغرغوغوغو
شغلت الدبل على الاوتو ومشيت ولا تغير شي
رفعت الكفرات الي قدام بلعفريته وحاولت اشوف في الرمان فضاوه ماحصلت
عليت الدفرنس شويت شحم نفس المشكله
لا جديد


الصوت صدع براسي مزعج
ومع السرعات العاليه يخف

[ls1.5700]

والله الا انا اللي جتني نفسيه من موضوعك هههههههههه
ياخي بدل هالخساير كان شاري دفرنس كامل مافك ابد
ومركبه ومريح راسك 00 ياخي قليل اللي يضبط كارونة الجمس
حتى لو زانت فتره رايح ترجع 00
الصوت اللي طلع معك اخر شي اتوقع الكارونه فيها مشكله لانه لو هو الرمان كان الصوت على
طول مستمر ترفع رجلت ولا ماترفعه وانه وانه
الله يعينك عزالله انها مشكله بالفعل
ياليت احد الاخوان اللي لهم باع طويل بالجموس
الرد على اخونا عبقري