ضروري ياخوان جزاكم الله خير مشكلة بجيب سفاري

[مبارك الشمري]

السلام عليكم ورحمه الله وبركاته

اخواني اعضاء المنتدى

موتري هو جيب سوبر سفاري 2001 / المكينة 4500

عندي مشكلة يمكن مرت على احد وهي ان التانكي الاضافي مايشبك اذا ضغطت الزر

او مااشتريته كانت لمبة التانكي الاضافي مولعه ولاهو شابك .. بعدين قالي راعيه افصل

البطاريه ورجعه تطفي المبه ويضبط معك .. قمت وفصلت البطاريه طفت اللمبه بس حاولت

اني اضغط الزر عشان يشبك ماشبك رجعت اللمبه ولعت ونفس المشكلة ماشبك ..

افيدونا ياأهل الخبرة جزاكم الله خير وجعلها بموازيين أعمالكم والفائدة للجميع بمنتدانا الغالي .. وشكراً

[sgl2002]

انت عب التانكي الثاني فل ومن ثم اضغطه وانتظر عليه وخذ لك مشوار وشف هو يحول ع الاساسي او لا

[مبارك الشمري]

انت عب التانكي الثاني فل ومن ثم اضغطه وانتظر عليه وخذ لك مشوار وشف هو يحول ع الاساسي او لا




هلا بك أخوي التانكي الثاني مليان هو مايحول على الاساسي اتوقع !

حاولت أجرب بعد ماضغطت ماولعت اللمبه ومشيت مشوار مانقص التانكي لين
ولعت لمبه التانكي الاساسي .

[الدين النصيحة]

التاتنكي الاضافي فيه بنزين ؟؟
انت فصلت البطارية وكم خليته من الوقت مفصول ؟؟
اللمبة اللي بالطبلون يعني فيه خلل بالتانكي ..
اذا كان سليم تولع اللمبة اللي بنفس الفيش (لمبة خضرا صغيرة بنفس فيش التانكي الاضافي).

[محمد النيساني]

عندك علبة الفيوز الي عند السواق بتلاقي فيوز التانكي الاضافي تحت على اليسار غيرها حتى لو كانت كويسه وان شاء الله يضبط

[مبارك الشمري]

التاتنكي الاضافي فيه بنزين ؟؟
انت فصلت البطارية وكم خليته من الوقت مفصول ؟؟
اللمبة اللي بالطبلون يعني فيه خلل بالتانكي ..
اذا كان سليم تولع اللمبة اللي بنفس الفيش (لمبة خضرا صغيرة بنفس فيش التانكي الاضافي).


هلا بك أخوي

التانكي الاضافي مليان

والبطارية فصله عامل عشان غير لي الاصابع بس ماطول

اللمبه الي بالطبلون الحين والعه واللمبه الي بنفس الزر الخضرا تولع اذا ضغطت عليه

بس مايشبك ... هل تتوقع المشكله فيوز ولارايك افحص كمبيوتر واشوف المشكلة .

[الدين النصيحة]

قبل تفحص كمبيوتر
انا صارت معي قبل.. فصل اسلاك البطارية بالليل ويوم اصبحت شبكت البطارية وضبط معي لان كمبيوتر السيارة يبيله فتره ثم يعيد البرمجه (اذا كانت المشكلة برمجه)
اما اذا كان خلل بالتانكي سوف تظهر مره اخرى ليس مباشرة بعد ساعات او يوم .

[مبارك الشمري]

قبل تفحص كمبيوتر
انا صارت معي قبل.. فصل اسلاك البطارية بالليل ويوم اصبحت شبكت البطارية وضبط معي لان كمبيوتر السيارة يبيله فتره ثم يعيد البرمجه (اذا كانت المشكلة برمجه)
اما اذا كان خلل بالتانكي سوف تظهر مره اخرى ليس مباشرة بعد ساعات او يوم .


يعني أخوي تتوقع المشكلة برمجة أنا أحس أنه فيوز طيب فحص الكمبيوتر مايطلع المشكلة

[sgl2002]

اذا ما حول وشيكت ع الفيوزات تمام

ففيه بعد ماتفك المسجل والمكيف خلفه قطعه هي المسؤوله عن التانكي الثاني ومكتوب عليها subtank

[مبارك الشمري]

يعني أخوي تتوقع المشكلة برمجة أنا أحس أنه فيوز طيب فحص الكمبيوتر مايطلع المشكلة



البارح فصلت اصابع البطارية واليوم الصبح شبكتها زي ماقلت بس على طول ولعت
لمبة sub tank على طول يمكن يكون هناك مشكلة فيوز او شي مافيه احد يعطينا خبر جزاكم الله خير

[فتك الجنوب]

اخوي اذا كنت في الرياض روح الى ورشة التركي (ابو صالح) ويضبطه انا ولعت عندي في موتري 2006 وصلحه من نفس الطبلون بــ(500) ريال برسلك رقمه على الخاص

[مبارك الشمري]

اخوي اذا كنت في الرياض روح الى ورشة التركي (ابو صالح) ويضبطه انا ولعت عندي في موتري 2006 وصلحه من نفس الطبلون بــ(500) ريال برسلك رقمه على الخاص


هلا أخوي فتك الجنوب وحياك الله وجزاك الله خير

لا والله ماني بالرياض

طيب ماتدري وش سوا باطبلون عشان يأخذ 500 ريال

[فتك الجنوب]

مادري لانه يوم فك الطبلون قال سر المهنه ماعطيك السر ياليت اني اعرف كان خدمتك
والظاهر فيه واحد في القصيم ان كان حصلت رقمه رسلته لك على الخاص

[انور الظفيري]

اخوي اسمع العوامه تسحب بانزين ولالا اضغط الزر ورح تحت الموتر واسمع صوت وزيز

[الحربي 591]

الحين التانكي الايضافي مليان صح؟
طيب ينقص اذا كنت بتستخدمه ولالا ؟

[ولد حربmaged]

اخوي غير الفيوز اللي عند السواق يسار تلقاه قاطع ولا افصله وارجع اشبكه صصارت معي في سفاري كذا الله ييسر امرك

[الوسم]

أول شيء قاعدة الأسهل فالأصعب
إبدأ بالفيوز مثل ما قال ولد حرب ماجد
ولعل المشكلة منه
وبعدين فك الديكور الخلفي على المسجل وتراه كبس سهل بس شوي شوي علشان ما تكسره بسكروب عادي أو مثل ما يقولون (ماينص ) وشف فيه قطعه إلكترونية تحت موقع المسجل في النصف ويمكن أنك ما تقدر تفكها إلا إذا فكيت المسجل كأنها كتاوت بس أكبر قليلا منه ولونها أبيض وتفك بالسحب من مكانها بإتجاه أمام السياره من مكانها ولكن قبل ما تفكها أفصل البطارية وبعدين أشبك البطارية ثم ركب ها القطعه ومكتوب عليها بالإنجليزي صب تانك
إذا أنتهت المشكله فالحمد لله وإذا ما نتهت ؟؟؟

إفحص السيارة بالكومبيتر وبالتوفييييييييييق