كيف اعرف كمية الدافور قبل الخروج للرحلة..

[الدين النصيحة]

السلام عليكم ورحمة الله وبركاته
مساكم الله بالخير

كيف اعرف دبة الدافور كم فيه باختلاف اوزانه
احيانا يوهق يخلص عليك.

[ابوعقيل81]

تسجيل متابعة :)

بنتظار ردود المكشاتية

[tabtab055]

نفس السؤال نأمل الاجابه من الخبراء

[Asd-ed]

حسب ثقله اتوقع

[slooom755]

الغريب ان عيار الكفرات أشكال وألوان ..

معقوله .. موب قادرين يطلعون واحد حق دبّات الغاز !!

خصوصاً ان البراميل الكبيره فيها عيار يبيّن كمية الغاز الباقي ........

[صباح الشمري]

انا اعرفه عن طريق رج الدافور وسماع صوت الغاز لانه يكون بحاله سائله

[abu-turki2009]

أنا أعتمد على وزن الدافور. إذا ثقيل فهو مليان

[Jeep 2005]

عن طريق طق الدبه .. بسكروب او سكين

ويبين معك صدى الصوت

[الرقم]

اوزنه فاضي واوزنه مليان تعرف الكميه

[PAJERO]

انا دائما اشيل دافورين
واحد كبير والثاني صغير
احتياط
مثلدبة 3 لتر مع راس صغير
ودبة صغيرة كوفيا او تيرا
وتراهاااا كافية

[أبوسعد111]

بداخل الدبة يوجد غاز سائل
عندما ترج الدبة بتعرف كم كميته مثلاً ربع الدبة او نصفها
وبعدها ستحدد هل عليك زيادتها أو مقدارها يكفي لطلعتك

وبالتوفيق

[الدين النصيحة]

جزاكم الله خير على الافادة...
وبإنتظار ....طــــــريــــــقـــــــــة أدق في معرفة كمية الغاز..

((==حزانات الغاز الكبيرة اللي في البيوت فيها عيار ماانقدر نجيب منهم==))

[الطبيب]

برايي المتواضع .. تخليه متعبي فل دايم .. قبل لا تطلع .. الزود ولا النقص .. أو التوهيقه .. لأنك بهالحاله تسلم من خلاص الغاز وانت بكشتتك ..

هذا والله أعلم

والسلام ختام

[الفضلي 11]

اليك هذه الروابط لعلها تفيدك وتفيد الأعضاء

http://www.mekshat.com/vb/showthread.php?t=190692


http://www.mekshat.com/vb/showthread.php?t=200802


لمن تعجبه نرجو منه الدعاء

[* ابو باسل *]

طريقة سهله جدا اوزن الدبه وهي فاضيه كم يطلع وزنها مثلا 2 كيلو ونص اوكيه عبها وشف كم وزنها بعد التعبيه 5 كيلوا مثلا اذا كمية الغاز الي داخلها 2 كيلوا ونص وكل ماحتجتها حطها على الميزان وبكذا تعرف كم المتبقي منها كيلوا كيلوين لاتزال مليانه وافضل شي انك اذا بقاء داخلها كيلوا عبها من جديد وبالتوفيق ان شاء الله .

[أبو هشام راشد]

لا طريقة سهلة واكيده عندي لكن الاحتياط لازم


اليك هذه الروابط لعلها تفيدك وتفيد الأعضاء

http://www.mekshat.com/vb/showthread.php?t=190692


http://www.mekshat.com/vb/showthread.php?t=200802


لمن تعجبه نرجو منه الدعاء

جزاك الله خير

[Magellan]

مايعرف لكمية الغاز الا اللي يستخدم الدبات بإستمرار مثل اللي يكشتون على الارصفة يوميا
يصير متمرس
لكن اللي يبطي يفقد حساسية المعرفة ،،
انا اعرف كمية الغاز بالدبة 12 رطل لكن 5 رطل صعبه بالنسبة لي
والسبب انه يختلط علي وزن جسم الدبة بالمقارنة مع وزن الغاز
فالدبات الزرق سميكة وثقيلة لذلك فهي مخادعه

[GMC79]

اوزنها فاضية ومليانه

[ابو عبدالرحمن 76]

ممكن تعطونا اوزان الدبات فاضية و مليانة جزاكم الله خير

[ابومحــ م ـــد]

فيه عدة حلول
اول شي مثل ماقالو الشباب بالثقل شيله بيدك اذا لك خبره تبي تعرف فيه غاز والا فاضي

ثاني شي رجه اذا فيه غاز سايل والا مافيه

وكل الطريقيتين السابقتين ليست دقيقه
وانا استخــدم طريقتي الخاصــه بعد كم طبخــه بالبر وحسيت ان الغـــاز يبي يخلــص افــك راس الغــاز واركب ساعة الغاز الزرقاء واركب لي واستخدمه بالبيت بالمشب ( الملحق ) علشان يخلص الغاز وقبل طلعت البر اعبيه غاز او ازود غاز عليه مافيه مشكله ابد وعلى هالموال
تنبيه لازم تشيل غاز ثاني معك علشان ما تتوهق

[أبوعبدالرحمن الأسعدي]

والله انا اشوف ان الطريقه الي قال عنها بعض الاخوان هي الافضل وهي توزن الدبه وهي فاضيه وتحفظ وزنها ثم تعبيها فل وتحفظ الوزن وبكذا كل مابغيت تطلع اوزنها وشوف الرقم وانت بتعرف هل باقي عليها او لا ....

[باتمان]

بالنسبة لي عن طريق ثقل الدبة ورجها وسماع الغاز السائل داخل الدبة
وطريقة الوزن بالميزان اللي قال عنها الأخ طريقة حلوة
وطريقة تركيب مقياس الغاز ايضا طريقة حلوة
وبالتوفيق

[شهادة مجروحة]

طيب اخواني لو قدرت ارهم ساعة ضغط غاز بلي او بدون لي وتكون دقيقة بنسبة كبيرة مثل حقت الكفرات تتوقعون اقدر ابيعها بكميات تجارية ؟

مع الشكر

[شهادة مجروحة]

طيب اخواني لو قدرت ارهم ساعة ضغط غاز بلي او بدون لي وتكون دقيقة بنسبة كبيرة مثل حقت الكفرات تتوقعون اقدر ابيعها بكميات تجارية ؟

مع الشكر

[شهادة مجروحة]

هذي لقيتها في الايباي مع الشحن تطلع فوق 200 ريال افكر اسوي زيها بشكل احترافي وبيعها 50 او 60 ريال وش رايكم؟

http://www.88up.com/image10984.html (http://www.88up.com/)مركز تحميل الصور (http://www.88up.com/)

[شهادة مجروحة]

http://www.ebay.com/itm/Gas-LPG-Propane-Appliance-Manifold-Low-Pressure-Gauge-Manometer-Case-15-WC-HVAC-/370687966664?pt=LH_DefaultDomain_0&hash=item564eb97dc8

[الدين النصيحة]

الأخ : شهادة مجروحة

اذا كانت عملية ودقيقة في معرفة كمية الغاز ..اتوقع راح تنجح وسعرها ب50 معقول.

[الوافي.]

يازين انك تاخذ دافور ودبتين

[شهادة مجروحة]

الأخ : شهادة مجروحة

اذا كانت عملية ودقيقة في معرفة كمية الغاز ..اتوقع راح تنجح وسعرها ب50 معقول.

الله يحفظك اخي ان شاء الله تنجح الطريقة اللي بسويها وانا فعلا بديت اولى الخطوات والفضل لله اولا ثم لموضوعك هذا اللي استوقفني وخلاني افكر في حل عملي .
وابشر بوحدة هدية ان شاء الرحمن.

[الدين النصيحة]

الله يوفقك وننتظر ابداعك ....

[الزنبقي1]

الطريقة سهله جدا
وفيه طريقة مضمونة 100%

افتح البلف بمفك ( حل الصامولة ) شوي يادوب ينسم الغاز
وميل الدبة ناحية البلف لما تشوف الغاز اتحول الى اللون الابيض يعني ان هذا هو الغاز المضغوط او السائل الي بداخل الدبة .

لو كانت فاضيه راح يكون الغاز الي بداخل الدبة مجرد هواء , لكن الغاز المضغوط يكون سائل

الطريقه الثانيه
بتحريك الدبة
امسك الدبة بيديك الثنتين من اسفل
وابرمها يمين ويسار
راح تحس بالغاز السائل داخل الدبة يتحرك
وممكن تقيس الكمية بالداخل ( تقريبيا )

[PATROL]

انا اعرف الكميه عن طريق رج الغاز

[شهادة مجروحة]

لقيت اللي ابغاه تقريبا وهي ساعة صناعة تايوانية وتستخدم لاكثر من نوع من الغازات المضغوطة بما فيها غاز البروبان لكن سعرها غالي وقدمت لهم عرض كمية تجارية بسعر مخفض ويجي معها اللي بس السنة تحتاج تغيير وهنا يجي دوري والساعة تقيس بالكيلو جرام اسهل بكثير من الرطل او الليبرة .. اذا وافقوا على العرض اللي قدمته باذن الله الاسبوع القادم تكون جاهزة للتجربة والله يوفق الجميع

[الدين النصيحة]

الله الله بالجودة العالية تكفى اهم شي لاتكون رديئة مثل طلبات تجارنا من الصين .

[ام عشر]

لاصار معك كرسي حديد يوضع فوق النار خل الدافور يخلص على راحته وتمشي حالك لين تعلم على شوي شوي ( والله المستعان وعليه التكلان )

[شهادة مجروحة]

الله الله بالجودة العالية تكفى اهم شي لاتكون رديئة مثل طلبات تجارنا من الصين .


اكيد وانا اخوك ولو لاحظت اي عيب او ضعف فيها بشوف نوعية ثانية بس النوعيات الاوروبية والامريكية مرتفعة جدا وربك يسهل.