وش هقوتكم يالصقاقير

[جيتك يابعد حيي]

مع أنا في أواخر الربطه وسهيل محري بالطلعه واكثير من الطيور صفة ريشها أو تبي تصفي
مشكلتي مع طيري شكله (ريض) باقي ماحذف النايفه والموس والشليل ماحذف إلا تقريبآ ثنتين من غير العموديه
والنجير ما حذف شي ...................
وش هقوتكم يالربع ؟
متى يصفي هل العلف له دور على تأخير قرنسة الطير ؟ ولا طبيعة بالطير.
وللمعلوميه علف الطير فري

[جو الشيخ]

حياك الله اخوي هقوتي ان طيرك مدهنته ماهي زينه تاكد منه مدام باقي وقت والله اعلم لاتستعجل انتظر الاخوان يعطونك رايهم

[راعي زيزوم]

لاحق على خير انشالله .. أنا عندي طير نفس الشي معه الموس والنايفه لكن قبل ثلاث أيام حذفهم مع بعظ

[الغايب الحاضر]

اخوي عادي ولاتخاف فيه طيور واجد مثل طيرك باقي فيها النايفه والموس وعلشان تطمن اكشف عليه

[جيتك يابعد حيي]

شكرآ على مروركم الكريم أخواني الاعزاء
الخوف انشاء مافيه خوف بس عجلين على النقله ........
بس هل العلف والتغيير بالعلف له دور بقرنسة الطير؟

[آبو غلآ]

مر111حب صفووق ،،
أكيد العلف له دور مليون في الميه لازم تشكل للطيــر ..
انا اشكل لطيري والحمدلله شفه حذف الموس له عشرين يوم
ودايم يحذف النيجيرهـ والمويه اغيرهـا له بعد الفجر وبعد ماعشيه
ورابط معه بحريه بس ماحذفت الا ثلاث ووانتظر عسى ها ا لايام تحذف
وانت حاول تشكل لطيرك مرهـ جرابيع مرهـ سمان مرهـ صوص مرهـ اذا انت في الرياض رح
لمستشفى الطيور ترى يبيعون با الاكياس وزينه للطير تخليه يروج طلعه من الفريزر قبل تعطيه
بساعتين او ثلاث لين تروح برودتها وقطع رجلينها
اشتر له سمانه من المحل واذبحها له وعطهـ بريشها وحاول تذبحها وتخليها ساعه بعدين تعطيها الطير
عشان لو فيها دود يموت والمكيف شغله من الساعه 11 وعش الطير وخله لين 8 العشاء وطفه عشان يحس بالحر
وسلامت عمرك ادري اني طولت بس هذي طريقتي مع طيري والحمدلله ،،

[صامت]

بسم الله الرحمن الرحيم
السلام عليكم ورحمه الله وبركاته............
أخ صفوق لاتحاتي بعض الظيور اذا تأخرت ماحذفت تحذفهن سوا واذا تبي تعجل الحذفة زي مايقولك اخوي شارب فينتو وعليك بفروخ الحمام الصغار الي مابعد يطلع لهم ريش وعليك بالجرابيع طبعاً فرش ههههههههههه حلوة فرش والله صحييح وعليك بالكبد الطازجه ايضاً وبإذن الله طيرك يسبق طيورنا وعسى الله يوفقك ويفق الجميع وهذا الي الي عندي .
http://www.mekshat.com/pix/upload/sign/images/mk31997.gif