فزعتكم فيوزطرمبة البنزين كل شوي تحترق سوبربان99

[القربي]

السلام عليكم ورحمة الله وبركاته
عندي سوبر م 99
فيوز طرمبه البنزين تحترق كل شهرين
لكن اليوم احترقت تقريباً4 مرات
رغم اني اذاجيت اعبي بنزين اطفي السيارة
مسوي مهتم
ابي اعرف السبب يالربع من يوم شريتها وهي كذا وسبق وغيرت طرمبة البنزين
في انتظار ارائكم وحلولكم
اخوكم ابو ناصر الشهراني

[YUKON_GMC]

كم قوة الفيوز ؟؟ مكتوب عليه كم القوه


لازم قوه مناسبه للحمل ولازم فيوز اصلي وتأكد ان الطرمبه مافيه صوت احتكاك وتسبب احتراق الفيوز للامان من الحريق

[القربي]

قوتها30
اذاركبت اقل ع طول تحترق
الان طويت عليها سلك والله يستر
شكراً ع مرورك الكريم ومداخلتك،،

[YUKON_GMC]

لمبة الطرمبه 40 أو 50

اقل شيء 40 اصلي والسلك خطر

لو فيه التماس في الطرمبة نفسها ولع تانكي البنزين نار

[ls1.5700]

انتبه وانا اخوك لايولع الموتر نار
المشكله قد تكون التماس
مايحرق الفيوز الا من التماس هذى مواكد
شيك على سلك الطرنبه من التانكو حتى مشبكه بالكتاوت يمكن السلك فيه جرح ويلمس البدي وقد يكون الكتاوت نفسه فيه التماس
وقاعدة الفيوز شيك عليها

[أوتارالقلب]

حط طرنبت كابرس تراها ممتازة

[التمسساح]

بعض العناوين مالها داعي الفزعه اي فزعه مثلا اذا انقطع عليك الفيوز نفزع ونجيب لك فيوز او نرسل لك سطحه انت جالس ومقابل شاشة الكمبيوتر وتدور الفزعه روح ودور لك كهربائي قبل لا يحترق فيك

[azq]

يااخوان فزعتوه للرجل فعلاً :D:burnout2: احياناً لو ان الفيوز نوعية غير جيدة بيقطع من اقل حمل كهربائي ؟ يعني السلك الموصل فيه ..... ولكن لاحظ يااخوية هل نفس القيمة انت تحط نفس قيمة الفيوز بتاع الفيول بم .. وفضلاً هل الفيوز ينقطع في قاعدة الفيوزات الداخلية ام الخارجية التي تحت بنيد المحرك ... واذا ليس لك مشكلة زود عليه اشوية على الفيوز حتى لا ينقطع لانه جميعها تجاري ؟؟؟؟

[القربي]

اشكركم جميعاً على مروركم وارائكم ومداخلاتكم...

[القربي]

بعض العناوين مالها داعي الفزعه اي فزعه مثلا اذا انقطع عليك الفيوز نفزع ونجيب لك فيوز او نرسل لك سطحه انت جالس ومقابل شاشة الكمبيوتر وتدور الفزعه روح ودور لك كهربائي قبل لا يحترق فيك

حياك الله يالتمساح تصدق من اسمك استشفيت شخصيتك لان التماسيح ماتفزع؟؟
ونا طلبت الفزعه بالراي والمشوره وحنا هنا مكملين لبعضنا
واذا انت مستصعب تجيب فيوز ولا سطحه غيرك ماتصعب عليه !!
والطيب والفزعه خلها للي يعرف لها ويتعب عليها؟
بعض الناس معسر حتى فى الكلام...

[يكفيني نظرة]

كان يحترق عندي كتاوت الطرمبه في باترول 2006 ويوم صرت ادق سلف وانتظر لحد ماتخلص الطرمبه ساحبه بنزين للتشغيل وبعدها اشغل ضبطت معي ولاعاد احترق الكتاوت ولكن عندك يبدو لي انك تحتاج تشيك على الكهرب عموما لان الغالب فيه التماس.

[القربي]

رحت للكهربائي وقال الفيوز تجاري وتذوب مع الحرارة
وجبت فيوز اصليه وان شالله يضبط
( نصيحه لاتاخذ الافيوز اصلي)
شكراً لكل من شرف موضوعي،،

[azq]

رحت للكهربائي وقال الفيوز تجاري وتذوب مع الحرارة
وجبت فيوز اصليه وان شالله يضبط
( نصيحه لاتاخذ الافيوز اصلي)
شكراً لكل من شرف موضوعي،،


ممتاز يااخي انك فعلت كذا ...... ولكن اذا اتريد نصيحتي لله .. ان تشتري فيوزات اذافية كم واحد .. اتخليهة عندك بالسيارة بالجكمجة (الغمازة) مااعرف شنو اتسموهة :D نحن نلفضها بالجا .. اي حرف الجيم ولكن تحته ثلاث نقاط .. وليس الجيم ابو النقطة الواحدة :D
اتعرف لماذا ....... لان جميعها تجاري وليس فيه اصلي .. الا ما ندر .. والله اعلم ان كان صاحب المحل الذي اشتريت منه صادقاً .. عندنا يحلفون بالله .. وهم كاذبين .. لان التجار لا يستوردون الشيء الجيد لانه يقلل من ارباحهم المالية وهكذا ... والحمد لله انحلت المشكلة

[شرخاوي]

افحص السلك الكهرباء اللي واصل لتانكي البانزين تلقاه مجروح ويلمس بدي السياره ويلتمس ويحترق