كابرس 88

[مناع باشا]

السلام عليكم

عندي سيارتي الكابرس خرب علي القير والمشكلة بالتحديد انه من زمان لما اعشق الريوس ياخذ شوي ثم يلقم النمره وضعيف جدا وايضا لو انا في نزله بسيطه وعشقت ريوس يعشق ثم اذا رفعت رجلي عن الفرامل راح الى قدام مع ان النزله بسيطه وما تستاهل يعني الريوس ما يمسك الموتر

وفجأه خرب الريوس ما عاد يعشق كأني معشق في N كأنه نمره فاضيه ادوس بنزين ولا ما ادوس ما يرجع للوراء ولا يعشق

وايضا لما اعشق الـ D وامشي عليه لازم ارفع رجلي عن البنزين علشان اعشق النمره الثانية والباقي كله سليم << وهالخراب من قبل خراب الريوس الاخير

يا ليت يا اهل الخبرة تعلموني وش الخلل بالضبط علشان ما اصير مضحكه للوافد النصاب الذي لايملك لا ذمه ولا ضمير طبعا مو كلهم بس ما عدنا نثق بأحد :)

[الكشات وافى]

السلام عليكم

عندي سيارتي الكابرس خرب علي القير والمشكلة بالتحديد انه من زمان لما اعشق الريوس ياخذ شوي ثم يلقم النمره وضعيف جدا وايضا لو انا في نزله بسيطه وعشقت ريوس يعشق ثم اذا رفعت رجلي عن الفرامل راح الى قدام مع ان النزله بسيطه وما تستاهل يعني الريوس ما يمسك الموتر

وفجأه خرب الريوس ما عاد يعشق كأني معشق في N كأنه نمره فاضيه ادوس بنزين ولا ما ادوس ما يرجع للوراء ولا يعشق

وايضا لما اعشق الـ D وامشي عليه لازم ارفع رجلي عن البنزين علشان اعشق النمره الثانية والباقي كله سليم << وهالخراب من قبل خراب الريوس الاخير

يا ليت يا اهل الخبرة تعلموني وش الخلل بالضبط علشان ما اصير مضحكه للوافد النصاب الذي لايملك لا ذمه ولا ضمير طبعا مو كلهم بس ما عدنا نثق بأحد :)






السلام عليكمــــــــــ ...

أخى متى أخر مره غيرت زيت القير ؟!!

شوف ... أنا أنصحك تبدل زيت القير مع الفلتر كبدايه ...

أحتمال يكون الفلتر مسكر من الوسخ والرايش .. ولما تبدله مع الزيت أحتمال

يضبط معاك ...

وأن ماضبط عاد الله يكون بعونك تحتاج الى توضيب للقير ...

هذا يبقى مجرد رأى شخصى ..!!

بالتوفيق .. وطمنا شنو يصير معاك :good2:

[حباتري]

السلام عليكم

انا لي خبره بالكوابرس وان شاء الله افيدك

يبغاله توظيب وتغيير كلاتشات
مايكلف اكثر من 2000 ان شاء الله
الكلاتشات سعرها بالسوق حوالي 400 الي 500 وتكون بوجيها وكل شي من غير الزيت وتجي الصوف كلها بالطقم هذا
وشغل يد الحين غلي شوي يمكن 1200 ضمان 6 اشهر
وانت لا تصلح الا بضمان وتشرط عليه وتاخذ الضمان مختوم من عنده وتريح راسك
شوف انا اقلك السيارات التماتيك بصفه عامه كل نمره بكلتش والكلتش حق الريوس انحرق مره
الكلتش عباره زي القماش لين يعدم غير تغيره
اانا والله وضبت قبل سنه تقريبا ومشت معاي 6 اشهر وبعتها ماكلفت اكثر من 1500
وبتوفيق واي استفسار كلمني ولا تشيل هم :D

نسيت اقلك انا معاي هوندا اكورد 2003 جربكسها ودع هههههههههههه
بس ماشيه 500 الف تقريبا والله
والله اللي راحت الكلاتشات تفويت تخير بالريوس وكل الامراض
ب التشليح جده نحصل يركب حق 2007 تاخذه 4000 تقريبا بعد تنشيف يرقه
وبالتوفيق مجددا

[مناع باشا]

انا من بعد ما غيرت زيت القير فتره بسيطه وخرب الريوس

مشكورين اخواني ما قصرتوا

هي توضيب انا داري مير الشكوى لله عز وجل :(

[بدوي جنوبي]

واحد من الزملاء عنده كابريس 89 القير كان محتاج توضيب
راح التشليح وحصل قير بسعر 800 ريال وطلع القير جيد

ميزة التوضيب انك تحتفظ بقطع القير الاصليه لكن يكلف زيادة
وحق التشليح ما تدرى عنه ممكن يمشيك شهر وممكن سنه انت وحضك

[مناع باشا]

مشكورين اخواني لا هنتم

ابشركم حطيته بمحل توضيب

وعسى الله يكتب لكم ولي الخير

حسيت فعلا اني بين اخواني

عساكم على القوة وعسى الله يمدكم بالصحه والعافية