ابن عمي ضيع ناقتي الوداعة معه هو محقوق لي ولالا يالربع

[ابشر بسعدك]

اخواني الكرام اهل العرف والراي السديد ومخاب من استشار الرجال الكرام



السؤال هو انا العام الاول اودعة خلفة ناقة طيبة معها بكرة مع واحد من الجماعة والرجال كبير فالسن مهو صغير علشان اقول ان بعض الامور تغرة احال يدور الربيع للشمال وحنا من اهل الرياض وعقب مارجع عقب كم شهر اكتشفت بالصدفة من واحد من بنيخيه ..انه ضيع الناقة قبل شهرين ولا علمني ولا اهتم في الموضوع ,,سكت ولا عقبت ابي اشوف وش يبي يسوي ولكن الرجال اذن طين واذن عجين .

1/ الان يالربع هل هو محقوق لي بعوض عن الناقة اللي غدة عندة وهي اوداعة مع العلم انه هو اللي قال لي خلها مع اباعري مدام ماعاد فيها حليب .
2/ وهل شرعا اقدر اتقدم للقضاء اللزمه فيها بالعوض لانه حتى ماكلف نفسة يسئل عنها وقت الضيعة معه

افيدونا يارجال العرف ماخاب من استشار يالربع

[هدد 1]

الله يعوض عليك ياخوي بالأبرك منهاوالواجب يعوضك شرعاً او سلمناً

[هدد 1]

الله يعوض عليك ياخوي بالأبرك منهاوالواجب يعوضك شرعاً او سلمناً

[محمدالزبيدي]

الله يعوضك بأبرك منها
أخي مادام الرجال إبن عمك وهو اللي طلب منك تودع الناقة معه

فأنت أمام صلة قرابة ورجال صاحب جميلة فيك شاء الله إنها لم تكتمل

وديننا وعاداتنا توجب علينا حسن الظن مع إنه ورطه لكن تجمل بالصبر والعوض من الله

حسن الظن ورطه هذه الحكمة تطبيقها قبل ما توقع الفاس في الراس إما وقد حصل ما حصل فليس لك إلا أن تحسن الظن

من حقك تشتكيه وعليه الحق شرعا وعرفا . لكن ما أرضى عليك المذمة لأنك لو أشتكيته الناس بتقول يا حيف كيف تشتكي إبن عمك وهو راعي جميلة فيك وما حصل هو قدر
أما آذا صفحت عنه فالناس بتقول بيض الله وجهه فأنت تجاوزت عن ابن عمك وتحملته عامد وإلا ساهي
وابن عمك وضميره عاد بعد موقفك هذا يا يرقى ليصل لمنزلتك وإلا إنت ماتنزل له آذا خانك وآذا كان غصبا عنه ضاعت فأنتما كاسبين الجميلة ورايتكم بيضا
وهذا العلم وسلامتك
هذا على قد عرفي والاخوان ما يقصرون إن شاء الله

[ابو عكلي]

انت سألت الرجال عن ناقتك
والا بس يقولون
حسب مافهمت من كلامك انك ماسالته عن ناقتك
طيب مافكرت تتأكد من الكلام اللي نقل لك
يمكن يكون غير صحيح
او ضيعها وبعد فتره لقاها
لاتستعجل واصبر قبل تحكم على الرجال
والابل ضياعه واجد
وبعدين ياخوي رح لابن عمك وانشده
يمكن الرجال عنده ناقه يبي يعطيك اياها
وبالنهايه هذا ابن عمك
والا البل تروح وتجي
والسلام

[Saud 2002]

انت سألت الرجال عن ناقتك

والا بس يقولون
حسب مافهمت من كلامك انك ماسالته عن ناقتك
طيب مافكرت تتأكد من الكلام اللي نقل لك
يمكن يكون غير صحيح
او ضيعها وبعد فتره لقاها
لاتستعجل واصبر قبل تحكم على الرجال
والابل ضياعه واجد
وبعدين ياخوي رح لابن عمك وانشده
يمكن الرجال عنده ناقه يبي يعطيك اياها
وبالنهايه هذا ابن عمك
والا البل تروح وتجي

والسلام


:good2: اوافقك الراي 100 بال 100

[كتام]

سلام عليكم
إذا بتسمح لي بقول رأيي
الخبر ماهو أكيد إن الناقه ضاعت
إذا حصل ورحت للرجال أو صادفته...إسأله عن الناقه....ها يا ولد العم علوم الناقه ماضربتوها؟ما عشرت؟...
و بيعلمك بعلومه عاد. أما موجوده أو ضاعت وبيعوضك عنها. وإن ما حصل لك عوض...تخلف الله في الناقه.... وأؤيد كلام أخوي محمد الزبيدي...كلامه عين العقل الله يحفظه.

[تربة الشمال]

ياخي الحبيب اناء من وجهة نظري تطلب الله العوض والمثل يقول (حلال تودعه بعه)

[عقيدالخيل]

صباح الخير


1_انت راعي حق زين لاكن المشكله ان اشتكيت ولد عمك صار الحق عليك بيشرهون عليك جماعتك
اذا قابلت الرجال اسئله عن الناقه اعلومها ماضربتها .يمكن ان الناقه موجوده عنده والشخص هذا يبي يفتن بينكم..!!!


2_اذا هو بايعها ومتعمد الشي هذا فهو خاين الامانه اللي عنده وبيلقاه عند ربه


3_ لاتشتكي الرجال وخلك احسن منه عند ربعك وجماعتك

[راعي الذيبة]

الله يعوضك بلى اخير منها الناقة تجى غيرها لاكن الرجال مايلقا مثلة ويمكن الريال يعوضك لاتستعجل المور

[رحلت عني]

احفظ جماعتك لو بروس الابل كلها
ناقه بيرزقك الله بغيرها
والجميل ما ينرد بالاهانه

[FORD1969]

لا وناخوك لاتآخذ العلم الا من راس ولد عمك اساله عنها

والدنيا ماتسوى تشكي ولد عمك عشان ناقه ولك الحق بكل تأكيد لاكن لا تستعجل ف يالحكم عليه

[وسيع البنايد]

الاوله هل ولد عمك راضي انك تسوق ناقتك مع نياقه والا انت دخلتها مع البل وثم علمته
الثانيه ان كان ولد عمك راضي ورحبك وادخل ناقته مع حلالك فرح للرجال وقبلها واحسب تكلفتة علف الناقه لا تقول ربيع ولا غيره معدل 450 ريال بالشهر اضرب في عدد الاشهر وسلمها اياه قبل ماتساله عن الناقه وبعدها بتظهر الناقه ان شاء الله والا بيعوضك قيمتها في الشرع والا اجلس انت وياه عند مجلس حق عند رياجيل يخلصونكم

ان كنت سقت ناقتك مع حلاله وهو ما هو راضي فنا اشوف انك تعرض منه وتطلب عوضها من الله

[نايف العازمي]

انا اشوف انك تساله عنها وكانها غدة تعوض الله بها ماتسوى ناقه تقطع رحمك وتشكيه عشانها ترها ناقه وتراه راعي جماله عليك لا تنسى وخزى الشيطان وترى الدنيا كلها ماتسوى ولد عمك لو لاسمح الله وصار بك شي ترى مالك غنى عنه

[عبدالله.q8]

الغلط منك ومن ولد عمك .. اسئله عن ناقتك

[معانق المزن]

الأولى وأنا اخوك تسأل الرجال عن ناقتك قبل ماتطرح موضوعك في المنتدى
وشف وش السالفة اما انك تسمع من برا وتسأل هو محقوق ولا لا هذا مايصير
والسوالف الي مثل هذي يحلونها اهل العرف الي حولكم وسلامتك..
واعذرني اذا ماهذا الجواب الي تبيه..

[مريقب العيفار]

انا بجيك من الآخر يعني فرضا شكيت ولد عمك وعوضك عن ثمنها

صدقني بعدها كل ما شفت ولد عمك تتمنى انك ما شكيته ولا كلمته عنها

[راعي الحرش]

اخونا محمد الزبيدي وفا وكفا

[دوربيل]

http://www.youtube.com/watch?v=gA1BeENjPsc

[العابر2222]

الله يعوضك بأبرك منها
أخي مادام الرجال إبن عمك وهو اللي طلب منك تودع الناقة معه

فأنت أمام صلة قرابة ورجال صاحب جميلة فيك شاء الله إنها لم تكتمل

وديننا وعاداتنا توجب علينا حسن الظن مع إنه ورطه لكن تجمل بالصبر والعوض من الله

حسن الظن ورطه هذه الحكمة تطبيقها قبل ما توقع الفاس في الراس إما وقد حصل ما حصل فليس لك إلا أن تحسن الظن

من حقك تشتكيه وعليه الحق شرعا وعرفا . لكن ما أرضى عليك المذمة لأنك لو أشتكيته الناس بتقول يا حيف كيف تشتكي إبن عمك وهو راعي جميلة فيك وما حصل هو قدر
أما آذا صفحت عنه فالناس بتقول بيض الله وجهه فأنت تجاوزت عن ابن عمك وتحملته عامد وإلا ساهي
وابن عمك وضميره عاد بعد موقفك هذا يا يرقى ليصل لمنزلتك وإلا إنت ماتنزل له آذا خانك وآذا كان غصبا عنه ضاعت فأنتما كاسبين الجميلة ورايتكم بيضا
وهذا العلم وسلامتك
هذا على قد عرفي والاخوان ما يقصرون إن شاء الله



عين العقل .... ما قصر اخونا في رده

والريجيل تنازل عن اكبر من كذا

[الحزوبر]

اسمح لي اقول لك ان اسلوبك اسلوب طماع اول شي حذفت ناقتك مع رفيقك من العام ولامريته ولا سالت عنها ولا عن علفها يعني تبي بداوه او تجاره على حساب غيرك ولا اردى من تصرفك الاول الا انك تفكر تحاكم رفيقك علشان ناقه مهملها ولا لها اهميه عندك.تحياتي.

[صباح الشمري]

من ترك لله شي عوضه خير منها

[ابوساعد]

تأكد من إبن عمك مباشره واسئله عن الناقة ، ربما ضاعت ولقيها ، وربما إنها ذكرت له في مكان ما ، وماحب يعلمك لين يجيبها ، أو هو مستحي يقلك ويفكر في مخرج. ومن خلال جوابه لك ستتضح الأمور أما تعتمد على كلام الناس فهذا ما يصلح.
( الشكوى مالك حق فيها لأن البل تضيع سواء الوداعه وإلا من أبل صاحبها الأصلى ) وربما إنه دور عليها أو أجر من يدورها ولا عثر عليها عندها مالك عليه حق أكثر من كذا . والبل وأنا خوك مشاكلها كثيرة .

والصبر زين في كل الأحوال والجميل والفعل الطيب خير من كل أمر.

[سلطان الغدرا]

لك الحق بس المشكله الكبرى ربعك وسمعتك راح تروح فيها

[مطوع الصعب]

حلالك ارتعه والا ابتعه
واما ابن عمك ينطبق عليه قول ابن جدلان
يدك ان مدت وفى لا تحرى وش تجيب كان جاتك سالمه حب يدك وخشها
والله يعقل عليكم ذاهبتكم

[مطقق]

إن رفعتها للشارب وإن طمنتها للحية


أقطع الشك باليقين وصارح ولد عمك


يمكن يعوضك
ويمكن ما يعوضك
ويمكن ماتت

ويمكن يبي يفاجئك بحاجة حلوة

ويمكن بايعها

ودور ناقتك

[ابوناص]

يا الاجودي انت قبلت تودع الناقة عنده وهو راعي الجميلة اللي تقبل المكدة عليها من اكل وشرب

والناقة انت اهملتها لا رحت تشوفها ولا تكفلت بطعامها والربيع وينه البدوان كلها تصرف على حلالها مافيه ربيع

والضياع وارد والمرض وارد وهذا الشي ماهو بيدك ولا يد ولد عمك

واذا تبي الشور لا تفكر مجرد تفكير انك تشكيه وحتى لو عرض عليك العوض لا تقبله واطلب العوض من الله واكسب الجميلة انت واحفظ نفسك من الكلام والمناقيد

والناقة بدالها ناقة بس العلم الطيب ماله ثمن

[مبطي]

اخواني الكرام اهل العرف والراي السديد ومخاب من استشار الرجال الكرام






السؤال هو انا العام الاول اودعة خلفة ناقة طيبة معها بكرة مع واحد من الجماعة والرجال كبير فالسن مهو صغير علشان اقول ان بعض الامور تغرة احال يدور الربيع للشمال وحنا من اهل الرياض وعقب مارجع عقب كم شهر اكتشفت بالصدفة من واحد من بنيخيه ..انه ضيع الناقة قبل شهرين ولا علمني ولا اهتم في الموضوع ,,سكت ولا عقبت ابي اشوف وش يبي يسوي ولكن الرجال اذن طين واذن عجين .



1/ الان يالربع هل هو محقوق لي بعوض عن الناقة اللي غدة عندة وهي اوداعة مع العلم انه هو اللي قال لي خلها مع اباعري مدام ماعاد فيها حليب .
2/ وهل شرعا اقدر اتقدم للقضاء اللزمه فيها بالعوض لانه حتى ماكلف نفسة يسئل عنها وقت الضيعة معه


افيدونا يارجال العرف ماخاب من استشار يالربع


بسم الله الرحمن الرحيم
في البداية المسألة ينظر لها من جوانب عدة وهناك في كلامك أمور مهمة لم تبينها
حتى تكتمل الرؤية وهذه المسائل التي يجب عليك تبيينها :
1- هل أنت أودعته الناقة وحددت فترة إيداعها ؟
2- هل بنت الناقة موجودة أو ضاعت مع الناقة ؟

الذي يلزمك:
أ- إن كنت قد أودعته الناقة لفترة محددة ( فلا يحق لك أن تطالبه بالناقة حتى تنتهي الفترة المحددة ) ويحق لك السؤال فقط عن حالها .
ب-أما إذا لم تحدد الفترة فالذي يلزمك الآن والواجب عليك أن تسأل عن ناقتك وبنتها ، وإلا فيعتبر هذا تهاون وتفريطاً منك وهذا ينظر له من أوجه أولاً قد تكون الناقة موجودة لدى الرجل وقد ضاق بها ويريدك أن تأتي وتأخذها ومنعه حياءه أن يخبرك بذلك ، ثانياً قد تكون الناقة ليست موجودة لدى الرجل لأي سبب ولهذا يجب عليك أن تسأل عن ناقتك وعن حالها حفظاً لمالك وحقك وبعد السؤال إذا كانت الناقة موجودة يجب عليك أخذها منه ، إذا لم تكن موجودة تطلبها منه فإن لم يأتي بها وقال بأنها ضائعه بإمكانك أن تسامحه أو أن تتقدم بشكوى ويكون التعويض لك والناقة له إذا وجدها .
ج- إذا كانت بنت الناقة ضائعة فحكمها حكم أمها ، وإذا كانت موجودة تأخذها .

أخيراً نصيحة لك : إذا كانت فعلا الناقة ضائعة فيكفي أن تطلب حقك ثم إذا طلب السماح والعفو الأجدى أن تسمح وتصفح .

[ولد وايل]

انتبه ثم انتبه تشتكي ولد عمك
الخير عند رب العالمين


الا اذا صار هذي سواته وحرامي

من كلامك ما تبينت انها ضاعت وهل هي المره الاولى

[قزيزالنعام]

مرحباً اخوي انت ضنك في ابن عمك ردي وتهمته بسرقت ناقتك ويمكن ناقتك موجوده عنده ونضاعت او باعها جعلها فدوه لبن عمي والله اعلم في موضوعك لين تبين من الطرف الثاني

[المهند1433]

الله يعوضك بأبرك منها
أخي مادام الرجال إبن عمك وهو اللي طلب منك تودع الناقة معه

فأنت أمام صلة قرابة ورجال صاحب جميلة فيك شاء الله إنها لم تكتمل

وديننا وعاداتنا توجب علينا حسن الظن مع إنه ورطه لكن تجمل بالصبر والعوض من الله

حسن الظن ورطه هذه الحكمة تطبيقها قبل ما توقع الفاس في الراس إما وقد حصل ما حصل فليس لك إلا أن تحسن الظن

من حقك تشتكيه وعليه الحق شرعا وعرفا . لكن ما أرضى عليك المذمة لأنك لو أشتكيته الناس بتقول يا حيف كيف تشتكي إبن عمك وهو راعي جميلة فيك وما حصل هو قدر
أما آذا صفحت عنه فالناس بتقول بيض الله وجهه فأنت تجاوزت عن ابن عمك وتحملته عامد وإلا ساهي
وابن عمك وضميره عاد بعد موقفك هذا يا يرقى ليصل لمنزلتك وإلا إنت ماتنزل له آذا خانك وآذا كان غصبا عنه ضاعت فأنتما كاسبين الجميلة ورايتكم بيضا
وهذا العلم وسلامتك
هذا على قد عرفي والاخوان ما يقصرون إن شاء الله
================================

كلام رجل واعي وعاقل ينبغي الاخذ به ...
وأنا أقول تشره عليه بأسلوب راقي وعقلاني ..أما الشكوى فعار عظيم بين ذوي القربى
والابل عادتها الضياع غصب عن الراعي وصاحب الحلال وبالعادة ترجع لموطنها أسأل راعي الناقه الاصلي وفيه برنامج في قناة الصحراء بأمكانك تتصل بهم او تبحث في ارشيفهم ...
المهم كبر عقلك واعتبرها فادية واعتبرها ماتت .. اما شكاوي ونحوها انس الموضوع انت فوق هالامور .. ناقه وغدت ..لابيعت ولا عطيت ولا طردت ..ما والفت وسرت وشايب وعامل وغربه ..
افا عليك تكبر الموضوع او تسمع من يقول اشتك ويعوضك العوض من الله ياكحيلان وسلامتك

[بدوي دت كوم]

الحلال مايروح
وانت المفروض تذهب للرجال وتسئله عن ناقتك ان قال موجوده خير وبركة وان قال ضاعت اسئله عن اخر مكان كانت فيه والبل تعرف بوسومها روح للديره الي يقولك عليها واسئل اهل البل تلاقيها عندهم ماتروح حنا لنا ناقة اخذت عشر سنين ضايعه وبعدين لقيناها ومعها عيالها

اما قولت اشتكيه وعوض وما اهتم وسئل عن الضالة الرجال ترى كبير بالسن قد ماتقووول ومن جماعتك والله لو هي ارقاب تفدا ربيعي ماهي ناقه

[ودعاني.السليل]

افا وانا اخوك تشكي ولد عمك على شان ناقه
هذا عار على الرجال صحيح حق بس تراه ولد عمك ومالها سنع حتى لو مهوب ولد عمك لو انه اجنبي يكفيك انه ودع ناقتك !

[صلفان.نجد]

(الحق ) انك تطالب بحلالك ,, والافضل من (الحق) انك تتنازل لوجه الله وتبحث عن ناقتك وان شاء الله بيعقل الله عليها.

[ابشر بسعدك]

يامرحبا بالجميع سواءا من انتقد وقطعني الله يسامحة .ومن ايد وبرر الله يوفقه اكثر الناس ماقراء كلامي زين , انا ماكتبت هالكلام الا بعد ماجيته وسئلته والرجال طنش ومااعتذر ولا قال ابشر بالعوض وبعدين هو ماخسر علف الرجال محيل بالربيع. البل تاكل على يدها وانا اعرف العلوم واللي بيني وبينه اكبر من الناقه وانا ماني طامع بالناقه بس اللي يقهر السفهان وعدم الاهتمام

والبكرة ماغدت رجعها وقمت وعطيتها واحدا من عيالنا هدية له .

[اي-مكشات]

يامرحبا بالجميع سواءا من انتقد وقطعني الله يسامحة .ومن ايد وبرر الله يوفقه اكثر الناس ماقراء كلامي زين , انا ماكتبت هالكلام الا بعد ماجيته وسئلته والرجال طنش ومااعتذر ولا قال ابشر بالعوض وبعدين هو ماخسر علف الرجال محيل بالربيع. البل تاكل على يدها وانا اعرف العلوم واللي بيني وبينه اكبر من الناقه وانا ماني طامع بالناقه بس اللي يقهر السفهان وعدم الاهتمام




والبكرة ماغدت رجعها وقمت وعطيتها واحدا من عيالنا هدية له .


فيه تناقض كبير بين الموضوع والرد
1-خلفه ولافيها حليب؟
2-في الموضوع انت ماقلت انه رد البكره
3-تقول البل تأكل على يدها وانا اقول لنا عدة سنين ماجاء الربيع اللي تشبع البل فيه خاصة في الشمال

[(التوقيع)]

الله يعوضك خير منها

لك حق تقاضيه شرعا اذا مابلغك في حين فقدانها او لم يعوضك لانها امانه معه والامانه عظيمه. ولو تتركها بيعوضك الله خير منها بما انه قريب لك ولد عم وعلى ناقه يمكن بغنى عنها انت .

[مجاهيم]

الله يعوضك خير ولاتشتكي ولد عمك راعي الأولة .

[ابن كحله]

السلام عليكم ورحمة الله وبركاته

الاخ العزيز صاحب الناقه ابن عمك انت ابخص به من الناس كلهم ولاحطيت ناقتك معه الا وهوبنسبه لك ثقه
وبعدين مو بكيد انك كتبت موضوعك وانت مابعد تكد من الرجال هي باقي معه ولا ضاعت
ويمكن انه ماعلمك مستحي منك وعلى امل ان يلقاها
على العموم واجه الرجال وسئله منها وسمع منه وان كان كلامك صحيح انه ضيعه ولا علمك ولا سئل عنها
فشتكه عند عقال ربعه وذا اعترف بلحق قدام الرجال فلا تسمح له لين ايعوضك واذا جاب العوض قدام الرجال
وقته انت حر ان كان تبقى الجماله فعف عنه وان كان تبقى حقكك فخذه
وان كانه ما جالسك حق عند الرجال وسفهك اشتكه عند الحكومه واذا ثبت حقكك عند الحكومه وثبت صحييح تراهم بيجونك يطلبونك وقته اعف عنه وكسب جماله

[محمدالزبيدي]

أخي ترى معرفة الرجال تجارة
واللي تعرفه بناقة وإلا ماشابه ذلك يا بلاش
انت اهديت لصاحبك البكرة خل الناقة صدقة لوجه ألله عند ولد عمك
واحمد ربك اللي عرفته وتجنب تأتمنه على شيء في باقي الأيام
يمكن ابن عمك عارف إنك راعي خير وطاح عليك تحمله
خلك على جود ظنه فيك

وآذا إنت مصر تصير مثله وسط كبار ربعك عليه وإذا ما جابولك حقك إشتكه في المحاكم عاد إنت وحجتك

[مطرح البعارين]

الك الحق عليه حتى تقنع

لكن يقول ابن زويبن

خلك شمالي عند زلة قرايبك + +++وعلى الحقوق ليا نصنك حجازي

[محمدالزبيدي]

الك الحق عليه حتى تقنع

لكن يقول ابن زويبن

خلك شمالي عند زلة قرايبك + +++وعلى الحقوق ليا نصنك حجازي

ههههههه

هو صادق هذا الكلام الزين

[مطرح البعارين]

ههههههه

هو صادق هذا الكلام الزين

سلاماات يا الزبيدي
عسى مابه خلالالاف

ويش تضحك منه عساك سالم؟؟؟:eek::eek::mad:

[ابورشيد]

اخوي ماشاء الله عليك اهديت البكره لقريب
وهذا ولد عمك الراي انك تصير انت الكبير وراعي الجميله عليه
رح لولد عمك واسأله عن الناقه وان قال لك انها ظاعت حاول تسأل وين ظاعت اسأله اذا كانو دورو عليها والا لا
وتري البل تعرف وتدل يمكنا رجعت لمكان كانت فيه وتحبه ودورها هناك
وان مالقيتها وقطعت الامل فتعوظها من الله
وقل لولد عمك لو هي ذبيحة ماعشتكم وانت ياولد عمي اغلي علي من الناقه
تراها تبي تصير لك جميله علي ولد عمك ولا راح ينساها لك
يا اخي تخيل لو ان ابن عمك مسجون ومحتاج فلوس علشان يطلع ماتفديه بالناقه وأكثر منها علشان تطلعه
بعدين هذا ولد عمك وقريبك يعني لو شكيته فانك تبي تقطح اصلة الرحم اللي بينكم وتنقطع العلاقات
وتتبدل المحبة بينكم لكره وعداوه
ليش تبيع ولد عمك بسبب ناقه وتري حرب البسوس كانت بسبب ناقه
خلك اعقل وأكبر من انك تطور الامور للأسوا لكن حولها للأحسن
وتخيل الاجر العظيم لك عند الله اذا وصلت رحمك

[عابر حد]

انشده من الناقه وش اعلوممهااا كانه قالك انها ضاعتة فلا حول ولاقوة الى بالله وكانها موجوده زين وحبه الله لن بعض البل تضيع وتعود على بعد فترة لا تستعجل انكانه عاضك من نفسة بيض الله وجه وكانك ماعوضك وشمتنت منها هاذي حشمتن له بيض الله وجهك

[محمدالزبيدي]

سلاماات يا الزبيدي
عسى مابه خلالالاف

ويش تضحك منه عساك سالم؟؟؟:eek::eek::mad:

مابه الا العافية
سلامتك يالحبيب الغالي

[المستحيل277]

السلام عليكم رايي انك تواجهه وتسمع منه ويبين لك كل شي وقتها انبغيت تعفي وتسامح ونبغيت تجيب شايب من شيبانكم وتنحل الموضوع بسيط وووووووووووووعفاك