الحل النهائي لصوت طق طق طق طق طق طق في مكائن الجموس حسب كلام المهندس وش رايكم .......

[بر الأمان]

[CENTER]السلام عليكم [/
مساكم الله بالخير ياخوان سبق وعرضت لكم مشكلت سيارتي موديل 2000 مكينة 6.0 لتر صوت في المكينه وهي بارده طق طق طق طق واذا حمت خف الصوت كثير . واكثرهم اللي يقول تكايات ماعليك منها
واللي يقول طرمبة . المهم اليوم رحت محل قطع اسعر التكايات والطرمبة وشرحت له الوضع فأرسلني
ع واحد من باب النصيحة . ورحت لة ولما سمع السيارة من بعيد شوي قال هذا ضغط الزيت عندك
قلت العداد فوق النص ع طول . ولمبة الزيت ما ولعت . قال شف بعضهم يقول لك غير تكايات او طرمبة . او توضيب . انا اقول لك جيب لي وجة كرتير وربلة شخال وزيت مكينة فقط . وأجرة شغلي
800 ريال من الاخر . قلت ياخي 800 ع وجة كرتير وربلة مايصير . قال الشغلة فيها مخرطه
قبت ليش قال هذا سر المهنة . واذا ماراح الصوت لا تدفع ريال واحد . الصراحة حيرني كثير ايش ممكن يعمل في المخرطة ورفض يعلمني . من جهة فكرت اغير الربلة ووجة الكرتير عند واحد ثاني
وارخص منه بكثير ولكن بدون ضمان والسر في المخرطة فحبيت اخذ رايكم . ومشكورين وعذرا ع الاطالة . اتمنى من لدية رأي اوعلم يلحقنا بسرعة .

[Magellan]

------------------------

[Magellan]

انا مثلك متحير
يعني لو قلنا انه يغيّر جلبة ماسورة الشفط فما تستاهل هالقيمة،،،
200 ريال كافية
لكن مادام فيها مخرطة فممكن انه ياخذ الطرمبة ويوسع مداخلها
لأني سمعت واحد يقول حتى طرمبات الزيت البديلة التي تباع في محلات قطع الغيار والوكالة معيبة
فبعضهم ياخذ الطرمبة نفسها يفكها ويصنفرها ويوسع مداخلها

[ls1.5700]

--------------------------------------------

[ls1.5700]

------------------------------

[ls1.5700]

انا اتوقع انه يبي يلحم على الطراف ماصورة الشفط من الاعلى في مركبه بالطرنبه
على اساس يضوق عليها 0 وبدون مايدبل ربلتين يكتفي بوحده وتمسك افضل
لانه مافيه شي يسويه بالمخرطه غير هالشغله الا اذا يبي يغير الماصوره كلها يعني ترهيم
الله اعلم 000 او يبي يركب طرنبه رياضيه ويبي يعدل عليها بالمخرطه على اساس تركب على الماصوره
كل الحتمالات وارده00
بس مالك ومال وجع الراس 000 دبل ربلتين وبينهم ورده نفس المقاس وقويه جدا لتحمل الشد
على اساس ماتنعفط مع سليكون اصلي تحصله عند وكالت فورد او المحلات االقطع غيار
ولا تنسى وجه للكرتير00 الشغله كلها ماتكلفك اكثر من 300 ريال او حوله

[Mr.MAS]

أنا عندي نفس المشكلة في جمس 2001 .. وقالوا لي نفس الكلام
وإلى يومي ما لقيت حل .. والخوف انه يزيد ويضر المكينة

[بر الأمان]

شكرا للعموم ولكن الرجال يقول مايغير لاطرمبه ولا تكايات.
اليوم سألت واحد من الزملاء قال اكيد بيوسع في صمام بعد الشخال اسمة تشك فالف. قلت طيب ممكن حنا نعملة. قال مادام انه واثق من شغلة اعطة. وماهي خسارة. .....وزادة الحيرة. ....والله المستعان.

[mekshaat]

فيه مهندس سعودي فاهم بطقطقة مكاين
الجموس ويعلمك بالمشكله وعنده مهندسيين
فلبينيين أكثر شغلهم على توضيب المكاين
برسل لك رقمه ومر عليه سبق أرسلت
له كم واحد من أعضاء مكشات وصلح لهم
طرمبة الزيت ولالي معه أي مصلحه لكن
اتقانه للشغل يخليك تدل الناس عليه ومكانه
بالرياض.

[رحال7]

المشكله لا شك أنها من نظام التزييت وكلام المهندس صحيح من ناحية ان المشكله ليست من التكايات ولا الطرمبه إلا في حاله واحده وانت تعرف مع الوقت إذا لم تصلح المشكله تخرب التكايات لان الزيت ما يوصلها زين

ورلكن المشكله الأصلية هي الربلة باتفاق الكثير من المهندسين

أنا غيرت تكايات وطرمبه وربله وتشك فالف مع القازقيت وخفت المشكله ولكنها لم تختفي نهائيا إلا مع زيت موتركرافت ٥ دبليو ٣٠ سينثاتك بلند

الربله عندي تغيرت بنفس ألطريقه الأصلية عشان كذا ما استفدت

الإصلاح يحتاج شوية تعديل عن طريقة المصنع

والله اعلم

[gmcford]

وعليكم السلام ورحمة الله

اذا هو قال لك اضمنها لك او على قولك انه قال لك لا تدفع له الفلوس الا بعد نهاية الشغل وقتها انته تحكم بنفسك

والله يسهل امرك ان شاء الله وتوكل على الله

الاولات الروابح

اعقلها وتوكل اهم شئ تشترط عليه ما ياخذ حقه الا بعد الشغل

وعلمنا بالنتيجه

[حباتري]

السلام عليكم

بنسبه لصوت الطقطقه طبعيه خصوصا وسياره بادره
الصوت من تكايات البلوف وطبعيه مع الحرار تتمدد ويروح الصوت

والمستمر وعالي يكون وحد من التكايات خربانه يغيرها بس مانصح يغيرها لانها مالها اي ضرر
والامريكي مشهور بالطقطقه

وتحياتي لكم

[WWS]

انا مثلك متحير
يعني لو قلنا انه يغيّر جلبة ماسورة الشفط فما تستاهل هالقيمة،،،
200 ريال كافية
لكن مادام فيها مخرطة فممكن انه ياخذ الطرمبة ويوسع مداخلها
لأني سمعت واحد يقول حتى طرمبات الزيت البديلة التي تباع في محلات قطع الغيار والوكالة معيبة
فبعضهم ياخذ الطرمبة نفسها يفكها ويصنفرها ويوسع مداخلها


:good::good::good:


سر آلمهنه ؟؟
ذكرن بميزـآن آلبـآديه آنه هؤ آلؤحيد آللي يعرف سبب رجه آلبـآترؤل
ؤ هؤ آللي يصلحهـآ ؤلآ يعلمك كيف
ؤ بـآلآخير كبس رمـآن ؤ ؤ مع تحدي له بهـآلشيء

,,,

800 كثيره حيل هذـآ معليش مستغل آلؤضع
آنت دبل آلربل ؤ غير آلؤجه ؤ شف آلؤضع
ؤ كثير من آلؤرش يكبر آلمؤضؤع بـآلمخرطه ؤ الله شغلك يبي له مخرطه
ؤلآ يجي في بـآلك ؤيش يبي يسؤي بـآلمخرطه

[moto4arabs]

انا عندي اكسبديشن 2004 وكانت تطلع صوق طقطقه في الصباح
كل اللي سويته - لما غيرت الزيت حطيت علبه كاسترول ميجناتيك 10-40 وكملت الباقي من الزيت اللي دايما استخدمه
ومن يومها راح الصوت
جرب واعطينا خبر

[kald66]

بر الأمان (http://www.mekshat.com/vb/member.php?u=77696) http://www.mekshat.com/vb/images/statusicon/user_offline.gif
مكشاتي متواصل

السلام عليكم ورحمه الله وبركاته
انا معاي جمس 2006 قريب من مشكلتك انة فية صوت يروح ويجي ارجو منك تزويدي بموقع الورشة او رقمة بعد اذان الادارة ولك جزيل الشكر

[saad.saud]

السلام عليكم
عندي لك راي ما راح يكلفك نهائيا
جرب تغير الزيت ل كاسترول 10-30 .
واذا ما ظبط معك شف الشباب وش قالوا لك .
الله يسر أمرك

[علوش1]

وش نوع الزيت اللي تستخدمه ؟

[نشوان الرياض]

السلام عليكم جميعا
انا عندي افيلنش 2006 وصار لي نفس المشكلة وبعد فترة زادت بشكل كبير ووديت السيارة لمهندس سنقالي اتعامل معة من اكثر من 20 سنة وحل المشكله طول ماسورة الطرمبة وغير ربلة فيها علشان الربلة الاصلية ضعيفة ولي اكثر من سنةماحسيت باي صوت
والي يبي عنوان الورشة انا حاضر وتحت الخدمة الورشة في الرياض صناعية الموسي

[kald66]

السلام عليكم

نشوان الرياض (http://www.mekshat.com/vb/member.php?u=65361)
ووديت السيارة لمهندس سنقالي اتعامل معة من اكثر من 20 سنة وحل المشكله طول ماسورة الطرمبة وغير ربلة فيها علشان الربلة الاصلية ضعيفة ولي اكثر من سنةماحسيت باي صوت
والي يبي عنوان الورشة انا حاضر وتحت الخدمة الورشة في الرياض صناعية الموسي
الله يعطيك العافية ياليت اسم الورشة اورقمة بعد اذن الادارة ولك جزيل الشكر

[نشوان الرياض]

الاخ خالد
ارسلت لك تلفون الورشة علي الخاص

[رحال7]

الأخ نشوان الرقم غير صحيح
أرجو التأكد من الرقم
ألف شكر

[kald66]

الله يعطيك العافية


نشوان الرياض (http://www.mekshat.com/vb/member.php?u=65361) http://www.mekshat.com/vb/images/statusicon/user_offline.gif

[saudisale1]

أخي بر الأمان الله لايهينك ممكن معلومات عنه وعن ورشته على الخاص ؟
انا غيرت الطرمبة والربلة ومااستفدت شيء ولا أدري الصوت من التكايات او من السلندر .

[ابو محمد السهلي]

انا اشوف انها تروح مع الوقت مايحتاج فك ولاشي اغلب الفوردات والامريكي هذا طبيعته

[كبسولة2]

الصوت طبيعي في كل الجمسات والتاهو إذا السيارة باردة

ويختفي بعد نصف دقيقة إلى 3 دقائق بالكثير

لأن الزيت بارد وثقيل أسفل الكارتير ومع ارتفاعه يزيت ويصبح ماااااايع بفعل الحرارة

أما مسألة المخرطة أقولك وش يبي يسوي بيلحم لك الوصله بين ماصورة الزيت والطرنمبة

وانسى هم الجلبة او الجلدة الي بين الوصلتين

[Mysho1408]

ابي رقم الفني

[ريثان القصيم]

[center]السلام عليكم [/
وعليكم السلام ورحمة الله
والسر في المخرطة فحبيت اخذ رايكم .
منقول من مجرب
في البدايه صارت لي مشكله بسيار اليوكون 2007 وهي كالتالي:
شغلت السياره في الصباح وسمعت صوت طقه خفيف جدا وبعد مشوار يمكن 3كيلو فقط زادت الطقطقه بشكل قوي جدا اوقفت السياره وحملتها بسطحه وعلى الوكاله لقيتهم على وشك يقفلون للعيد وقابلت مسؤول وبعد ماكشف على السياره قال انصحك تروح لورشه ثانيه لاننا بالوكاله نغير كل شيء وبتكلفك حوالي 15000 الف ريال .
وديتها لورشه قريبه منهم وقالي الفني الموجود فيها -هندي الجنسيه- المشكله في التكاكات وطرمبة الزيت - وشغل يدي 2500 ريال اتفقت معه على 2000الفين ريال فقط وجبت قطع الغيار حوالي 3500 ريال من محل التقوى بصناعية العاصمه الرياض بالبديعه - فك الصدر وركب القطع شغلت السياره الماكينه بدون صوت ولكن وللاسف امبير الزيت تحت الربع رفضت استلامها وصار مشكله كبيره معهم واصريت على عدم استلامها وقلت ابي سيارتي سليمه لان القطع اصليه حسب كلام محل التقوى.( مدير الورشه سوداني ابوبشير للامانه كان في صفي ومع الحق جزاه الله خير) بعد اخذ ورد طلب تغيير منظم الزيت قيمته 1300 ريال تقريبا ورفضت وقلت له جرب طرمبه من الوكاله قال الفني الهندي جب طرمبه من الوكاله وانا اضمن لك ان امبير الزيت فوق الربع قريب من النص كما كانت .
وفعلا جبت الطرمبه من الوكاله بسعر 670 ريال وظبط السياره ولله الحمد وذهبت الى محل التقوى ورجعت طرمبتهم عليهم واخذت فلوسي وكانت 380 ريال
ارجو الانتباه لا تاخذ الا من الوكاله وريح راسك فقد تعطلت 8 ايام بسبب طرمبه تجاريه خربانه حسب كلام موظف محل التقوى يقول حنا تاخذ القطع بالمئات ويمكن عطلانه حسبي الله عليهم
ملاحظه الهندي اخذ مني 650 يقول خرط الصدر واصلاح بلوف - وعندما سالت المخرطه قال نخرطه ب 250 فقط وهي صنفره وليست خرط
هذي تجربتي احببت نقلها لكم للاستفاده فقد خسرت الكثير من المال والجهد اسأل اله ان يخلف علي بالبركه والحمد لله على كل حال
تحياتي للجميع منقول
____________________________________________
منقول من مجرب
المشكله هذي ما صارت الا في موديلات ال2000 وفوق وماكانت موجوده في موديلات ال 99 وتحت مره حتى لوماتحميه
وانا مريت راعي مخرطه مكاين سيارات وقالي
(( الجموس الموديلات الجدد فيها الربله تنشف وتمسك في طرمبه الزيت
__________________________________________________ _______________
وهذل خلل مصنعي ويقدرون الشركه يتفادونه بس مايبغون يبغون الناس تصلح
__________________________________________________ _______________
السيارات ويستفيدون من قطع الغيار))منقول

اخوك
ريثان القصيم

______________________________

[شرابث]

ياأخوان أولا السلام عليكم .. والعلم عند الله يبدو ان الصوت .. صوت الصبابات ماياصلها الزيت الا ناقص بسبب الماصورة الموصلة للزيت من الطربة توصيلها ضعيف .. والطريقة عمل اصلاح للماصورة ويرجع الموتر طبيعي

مرت المشكلة على احد الزملاء معه تاهو 2009
الوكالة بي يغيرون له الصبابات مع الطرمبة كاملة وقالوا له تكلف 8500 ريال لكن يسر له الله من يصلحها ب 800 ريال بالطريقة اللي ذكرت لكم آنفا

آمل اني أكون قد أضفت للموضوع مايفيد ...

أرسلت من GT-I9152 بإستخدام تاباتلك

[ريثان القصيم]

السلام عليكم جميعا
انا عندي افيلنش 2006 وصار لي نفس المشكلة وبعد فترة زادت بشكل كبير ووديت السيارة لمهندس اتعامل معة من اكثر من 20 سنة وحل المشكله طول ماسورة الطرمبه وغير الربله فيها علشان الربله الاصليه ضعيفه ولي اكثر من سنه ماحسيت باي صوت


اقوى مداخله ووصف دقيق جدا

اخوك
ريثان القصيم

[مآلقيت اسم]

كانت عندي نفس المشكله بتاهو غيرت الزيت وفحصت ولا احد قالي حل يرضي
فكيت الكارتير وفكيت ماصورة الطرنبه وغيرت الجلده
دائريه لونها احمر اصلي ب ٣٥ ريال وركبتها ولله الحمد
السياره الحين ثلاث سنوات زي الالف ولله الحمد

[ابوراما3226]

الحمد الله

[ابوراما3226]

استغفر الله

[ابوراما3226]

سبحان الله

[ابو عذا]

اخي العزيز والله انا مثل حالك معي اكسبديشن وطلع الصوت واللي قالي طرمبة واللى عمود تيمن واللي توظيب اختلفو الحرامية ياليت تدلني على الورشة او تلفونها اكون مشكور لك

[ابو عذا]

تكفى دلني على الورشة والله ازعجني هذا الصوت ومالقينا له حل وانا بالرياض او عطني هاتفها وشكرا لك

[طويق222]

ابي رقم واحد من اللي يصلحون الربله بالرياض تكفون

[الحربي 591]

هو صادق اللي قال تكايات واللي قال وجه كرتير الزيت

المشكله عندك ما يطلع الزيت الا قليل بسبب ضعف الطرمبه وسبب ضعفها وجه الكرتير وسبب الطقطقه التكايات ما يجيها زيت
انت روح ابو 800 وتوكل على الله وقالك اذا ما ضبط لا تجيب ريال

[الحربي 591]

الصوت طبيعي في كل الجمسات والتاهو إذا السيارة باردة

ويختفي بعد نصف دقيقة إلى 3 دقائق بالكثير

لأن الزيت بارد وثقيل أسفل الكارتير ومع ارتفاعه يزيت ويصبح ماااااايع بفعل الحرارة

أما مسألة المخرطة أقولك وش يبي يسوي بيلحم لك الوصله بين ماصورة الزيت والطرنمبة

وانسى هم الجلبة او الجلدة الي بين الوصلتين

لا اخي كبسوله ماهو طبيعي انا سمعت كلام واحد قالي طبيعي وبعدها بكم شهر انكسر واحد من التكايات
والسبب اني ما غيرت وجه الكرتير

[الوقيدي]

المخرطه تجعل للشخال رقبه طويله وراسها مدبب يدخل في بدايه الطرمبه من جهه الكرتير .

[ابو عزام الشمالي]

هذي سلمك الله عندك الربله اللي تجي في طرمبة الزيت

يفك الكرتير وينزل الطرمبة ويغير الربله

طبعاً الأسعار كالتالي:
شغل يد من 450 إلى 600
قطع غيار تحتاج وجه كرتير140 و ربله طرمبه 25 ومعجون للكرتير 25 وزيت للمكنية
وإن شاء الله تضبط امورك

[طويق222]

السلام عليكم جميعا
انا عندي افيلنش 2006 وصار لي نفس المشكلة وبعد فترة زادت بشكل كبير ووديت السيارة لمهندس سنقالي اتعامل معة من اكثر من 20 سنة وحل المشكله طول ماسورة الطرمبة وغير ربلة فيها علشان الربلة الاصلية ضعيفة ولي اكثر من سنةماحسيت باي صوت
والي يبي عنوان الورشة انا حاضر وتحت الخدمة الورشة في الرياض صناعية الموسي

ابي رقم الورشه

[ibra84]

اقتباس:
المشاركة الأصلية كتبت بواسطة نشوان الرياض http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=9055470#post9055470)
السلام عليكم جميعا
انا عندي افيلنش 2006 وصار لي نفس المشكلة وبعد فترة زادت بشكل كبير ووديت السيارة لمهندس سنقالي اتعامل معة من اكثر من 20 سنة وحل المشكله طول ماسورة الطرمبة وغير ربلة فيها علشان الربلة الاصلية ضعيفة ولي اكثر من سنةماحسيت باي صوت
والي يبي عنوان الورشة انا حاضر وتحت الخدمة الورشة في الرياض صناعية الموسي

ابي رقم الورشه