هبوب الشمال

[محطم عنيد]

السلام عليكم ورحمة الله وبركاته

حبيت اعرض بعض من الأبيات المتواضعة من قريحتي المتواضعة وأرجو قرائتها بشكل صحيح لأنه صعب علي التشكيل :D

وأعتذر عن سوداويتها :)


الا ياهبوب الشمال هاتي الزمهرير
هاتي قسوتك ورياحك المرة
ولايا جيتي هبي هبي تالي عصير
وأقطعي خير الآدمي واقطعي شره
وأنا ليا جيتيني بضلع (ن) كما الطير
بنطح وجهي لك مثل كل مرة
يوم الخلايق عن هواكي تستذير
أنا فجيت صدري لك من الحرة
هبي وأثلجي جاشن جرحه خطير
مافاد فيه طب ولافاد به عمرة
هبي وبردي على خاطري الكسير
اللي كل ماجبرته صابته كسرة
كن خيوط قلبي سلك (ن) من حرير
وكن وسط صدري بقايا من جمرة
×هبي وأظنك تسكنين هالزفير
هبي والله مابقا من الصبر قطرة
دنياي شيبت فيني وانا توي صغير
اسرقت حظي ولابقت للفرح ذرة
في حياتي السعادة لازم إنها تصير
مجرد كلمة عابرة أو أي فكرة
كل ماسويت في ناسي طيب ولاخير
لا جا رد الجميل صابتهم السكرة
ماصدق معايه لا خوي ولاشوير
ولا صدقت معايه الأرحام بالمرة
على كثر ماتجملت بالمفتح والضرير
ماتطيب بي لسان ولا اعجبت نظرة
أثرني أروي قربه وتجاهلت الخرير
كل ما ضميت قامت بماها تخره

[محطم عنيد]

وسلامتكم جميعا

[XQXالعرابXQX]

دنياي شيبت فيني وانا توي صغير
اسرقت حظي ولابقت للفرح ذرة
في حياتي السعادة لازم إنها تصير
مجرد كلمة عابرة أو أي فكرة

صح لسانك صح لسانك اخوي محطم عنيد
ماشاء الله عليك الله يوفقك وفي انتظار جديدك

[محطم عنيد]

دنياي شيبت فيني وانا توي صغير
اسرقت حظي ولابقت للفرح ذرة
في حياتي السعادة لازم إنها تصير
مجرد كلمة عابرة أو أي فكرة

صح لسانك صح لسانك اخوي محطم عنيد
ماشاء الله عليك الله يوفقك وفي انتظار جديدك


صح بدنك والله يسلمك سرني كثيرا إعجابك

[محطم عنيد]

للأسف يا إخوان تحطمون بقوة

يعني معقولة القصيدة دمار ؟؟؟

مافيه نقد مافيه إطراء

ماطرحتها إلا ابي رأيكم بكل صراحة

وانتم الله يهديكم باردين

[الحزوبر]

صح لسانك يالعنيد وهذي خاطره او سولافه يابعد حيي

[محطم عنيد]

صح لسانك يالعنيد وهذي خاطره او سولافه يابعد حيي

صح بدنك

ورأيك ماقبلناه ولاهو قصور فيك

لكن

كيف خاطره او سولافه وهي تحتوي على صدر وعجز وقافية ووزن ؟وتسلسل فكري وشعري ونموذج أبيات ؟؟؟

أتمنى النقد يكون إيجابي

فلم أضع مشاركتي إلا رغبة برأيي الرجال شرواكم ولاني جاي اتعرض للتجريح

وعندي ثقة بما أكتب وعندي ثقة بشاعريتي ولكن قد يكون النقد على الفكرة او الكسر والثقل إلخ من فنيات القصيدة

ع العموم شكرا لك

[مكرم الضيف]

مجهود تشكر عليه ونا اخوك


والحزوبر شاعر صريح واعطاك رايه ومن حقك تناقش وترد وترى كلنا في طور التعليم ولا زلنا نجهل الكثير


تقبل تحياتي


مع ابتسامه وصدر رحب

:):):)

[الحزوبر]

محطم عنيد يبي يصير شاعر غصب @@محطم عنيد مراسل مكشات في بريده@@محطم عنيد احسن شاعر في العرب@@محطم عنيد راح يتحقق كل مايريده@@وشرايكم يالربع في ابياتي ارجو ان تعطوني رايكم فالقصيده واياني وايكم يجي واحد مطفي ويقول هذي ماهي قصيده ؟؟؟؟؟؟؟

[محطم عنيد]

محطم عنيد يبي يصير شاعر غصب @@محطم عنيد مراسل مكشات في بريده@@محطم عنيد احسن شاعر في العرب@@محطم عنيد راح يتحقق كل مايريده@@وشرايكم يالربع في ابياتي ارجو ان تعطوني رايكم فالقصيده واياني وايكم يجي واحد مطفي ويقول هذي ماهي قصيده ؟؟؟؟؟؟؟



أخي في الله .. ليش هالأسلوب الهمجي ؟؟؟ إذا لاتجيد النقد لاتنقد ؟؟

وليش نقدك مبهم !!!!

تكلم بوضوح قول نقدك بحسن خلق وإيجابية ... إذكر العيوب اللتي تراها بكل دقة .. وإذا طال النقد أرسله علي بالخاص

أنا أحاول أهدي اعصابي معك ف أرجوو أن يرتقي ردك وكلامك إلى الوضع المقبول

وأسآل الله لك أن يهديك

شكرا لك

[v506]

إن لم تستحي فإفعل ما شئت




صح لسانك يا محطم عنيد ومن افضل إلا افضل

ويا إخوان الي ينقد ينقد نقد إيجابي وليس سلبي ليس حاصل أصلا..

[سيف الشمال202]

صح السانك يالغالي

[عبس404]

صح لسانك
وقصيده جزله
والله يعطيك العافيه