ابي فزعتكم بقلب قير 96

[Ibrahim44]

اخواني مكشاتيه عندي جيب فكس ار 96 فل الفل باسم جدي وكاله بس توماتيك بدي وكاله ونظيف ومتحسف بيعته ابي اقلبه عادي وين تنصحوني بحكم خبرتي البسيطه لازم اغير الكوارين بس ابي ورشه طيبه برياض ولاالقصيم وكم يكلف ابي نصيحتكم وابي شوركم للي مجرب تغير

[عزوز2002]

السلام عليكم
صباح الخير

إذا بغيت تحول من اتوماتيك إلى عادي مايحتاج تغير الكوارين , وانا غيرت أكثر من مرة ولاقط أشتكيت من التغيير بشي والموتر يخف ويصير عزم بدل من عزمه هالميت
فيه واحد راعي ورشة توقف عنده الموتر وتآخذه جاهز وشغله ممتاز واشتغلت عنده أكثر من مرة

طبعاً أن بغيت أنت تحول وفاضي تطآمر بهالتشاليح يبي لك تشري
حذاف , داير , عصى قير , عمود كردان , ديكور قير , دعسة كلتش , باكم كلتش , صحن ودزق وفحمة (هذولي أنصحك تآخذهن وكالة ) وعذراً أن نسيت شي

وان بغيت أي شي أنا حاضر والساعة المباركة وابرسل لك رقمي ع الخاص

وشكراً

[Ibrahim44]

ودي تعلمني بسعر

[ابوفوزان]

اتوقع يكلف 11 الف

[أبوفيصل فهد]

اخوي بارك الله فيك معي جيب VXR97 خليجي ولله الحمد له 6سنوات مغير قيره من تماتيك لعادي يحتاج منك ان تبحث عن قير نظيف جدا وعمود الدبل لابد ان تأخذ عمود قير عادي وصحن ودزك جديد هذي الأساسيات ولله الحمد مرتاح جدا معاه والله يوفقك ويسهل أمورك

[بدر2011]

اخووي انا غيرته قبل رمضان في ورشه بالرياض كلف علي 5500 من غير ديكور القير لان هالديكور مشكله نادر تحصله بالتشاليح وبالوكاله سعره ٨٠٠ وشغل الورشه لاباس الاانه ركبب لي الدزق مستعمل ولاحظت ثقل بالكلتش وغيرت الدزق بحدود٩٠٠ كلف علي فوق السته واذا عندك استفسارات ارسلي رساله خاصه

[.أبوعبدالرحمن]

ينقل للقسم المناسب

و يمنع كتابة أي أرقام هواتف