ذكريات تحت البرد 1

[مستبشر]

في عام 1416ه (عام البرد) كنت اسير منتصف الظهيرة با تجاه الجنوب - داخل مدينة الرياض- وكانت السماء صافية ولمحت باتجاه أقصى الشرق الشمالي سحابة ركامية يصعب على العين ان تفارق مرآها من جمال صنع الله فيها شدتني بجمالها وعظم شكلها 0000تباعدت المسافة00ولكن في النهاية لم أتمالك نفسي 00 غيرت اتجاه السيارة نحو الشرق الشمالي سرت في طريق الدمام بالتجاه الشرق والسحابة تسير بجانبي من يساري تقدمت حتى و صلت طريق رماح وليس أمامي الا عظم السحابة وجمال شكلها سرت با تجاه طريق خريم شمالا000اقتربت من السحابة كثيرا علمت اني اسير الى وسط السحابة أخذ الخوف يخالجني فليس في الطريق احد الا رحمة الله بحثت عن محطة فلم أجد 00بدا المطر يتساقط بأعظم غزارة تلاه البرد بكثافة عالية غطى كل شيئ حولي لم اعد أرى شيأ قط من شدة البرد وكثافة الظباب حتى مقدمة السيارة لم اعد اراها000اوقفت السيارة نزلت امشي على البرد حتى غاصت رجلي حت المنتصف في بحيرة من برد تبين لي أنها نهاية اكتاف الطريق تجمع فيها البرد 000انتظرت زمنا حتى بان الطريق حمدت الله كثيرا فقد كان الوظع مخيفا رجعت للرياض اسبح الله كثيرا واسأل الله أن يجعل الغيث نافعا غير ضار 00ولكم خالص تحياتي

[جنوب شرق]

حياك الله اخوي مستبشر ..اشاركك الذكريات ذاك اليوم..كان يوم سبت على مااعتقد المهم كان الجودافي ورطب بعد ايام ممطره على معظم مناطق المملكه..وبعد الظهر تكثرت قطع من السحب الركاميه الصغيره المنخفضه اللي تشبه النفيضوالساعه 1صرت اسمع بروق في الرادو..وكان عندي احد الأصدقاْ يشغل في محطة الأرصاد اللي بمطار الملك خالد ..وسألت لذا يشوف بالرادار سحب ممطره قال انه يشوف اجزاء على القةيعيع وشقراء ..المهم لمازادت البروق في الرادوتوكلت على الله واتجهت على طريق القصيم ويوم تعديت مفرق قوات الأمن وادخل في السحابه اللي قد لاحظت سداها وانا في الدائري الشمالي ..ويوم تعديت المفرق دخلت في ظلمه غريبه المهم طحت في المطر عند آخر محطه وكانت قوته عند مدينة الأمير سلطان اللي كانت مابعد قامت ذيك الأيام..وكان منظر السحب ولافي الأحلام والبروق تشاهد بالعين غرب وشمال غرب ماتفصل وفيه سحابه قد تعدت التفتيش بر وقها في ركامها شي يهول ويوم وصلت التفتيش الى البرد متكوم يمين ويسار ..لكن المنظر اللي انا الى هالحين متحسف اني ماصورته منظر عجيب لاقد شفته قبل ولابعد كان فيه بعض الجبال والسهول اللي غرب الطريق وشرقه مغطيها البرد والغريب انه يطلع منه مثل السحاب الركامي الي تتوقع انه بيبرق وهوطايح على الأ{ض..وتذكرت قصه لشايب يقول انه شاف سحابه طايحه على الطريق وتبرق وترعد (طبعا ماصدقته)لكن لوقال لي احد الحين مثل ماقال كلن صدقته ...وسلامتكم

[و بعدين]

اشد واقوى سحابة شفتها بحياتي
واتذكر كنت نايم واسمع صوت طيارة قمت من الصوت متعجب منه معروف إن صوت الطيارة يجي ويروح ، بس هذا الصوت ثابت مايزيد ولا ينقص ولا ينفصل وقمت فتحت الدريشة ولقيت ذيك السحابة لونها اسود مع خضار .

وجانا منها برد احتفظته لمدة سنة كاملة و من قوي البرد كان يهز السطح ، قلت بس البيت بيطيح على بعضه .

ومما سببته تلك السحابة :
1 ـ موت عدد من الاشخاص في منازلهم و في الانفاق .

2 ـ خسارة ملايين الريالات بسبب الدمار الذي حصل في المعارض (النسيم)

3ـ تعفج البدي السيارات ، تلف بعض رشات البويات ، تلف الاشجار حتى ان الخوص تشقق .

4 ـ انقطاع الكهرب واحتجاز بعض الناس في منازلهم .

[جنوب شرق]

حياك الله اخوي مستبشر ..اشاركك الذكريات ذاك اليوم..كان يوم سبت على مااعتقد المهم كان الجودافي ورطب بعد ايام ممطره على معظم مناطق المملكه..وبعد الظهر تكاثرت قطع من السحب الركاميه الصغيره المنخفضه اللي تشبه النفيض والساعه 1صرت اسمع بروق في الرادو..وكان عندي احد الأصدقاْ يشتغل في محطة الأرصاد اللي بمطار الملك خالد ..وسألته اذا يشوف بالرادار سحب ممطره قال انه يشوف اجزاء على القويعيه وشقراء ..المهم لمازادت البروق في الرادوتوكلت على الله واتجهت على طريق القصيم ويوم تعديت مفرق قوات الأمن وادخل في السحابه اللي قد لاحظت سداها وانا في الدائري الشمالي ..ويوم تعديت المفرق دخلت في ظلمه غريبه المهم طحت في المطر عند آخر محطه وكانت قوته عند مدينة الأمير سلطان اللي كانت مابعد قامت ذيك الأيام..وكان منظر السحب ولافي الأحلام والبروق تشاهد بالعين غرب وشمال غرب ماتفصل وفيه سحابه قد تعدت التفتيش بروقها في ركامها شي يهول ويوم وصلت التفتيش الى البرد متكوم يمين ويسار ..لكن المنظر اللي انا الى هالحين متحسف اني ماصورته منظر عجيب لاقد شفته قبل ولابعد كان فيه بعض الجبال والسهول اللي غرب الطريق وشرقه مغطيها البرد والغريب انه يطلع منه مثل السحاب الركامي الي تتوقع انه بيبرق وهوطايح على الأرض..وتذكرت قصه لشايب يقول انه شاف سحابه طايحه على الطريق وتبرق وترعد (طبعا ماصدقته)لكن لوقال لي احد الحين مثل ماقال كان صدقته ... وللحديث بقيه ..وسلامتكم

[عالي الشان]

ذكريات هذاك اليوم ما تنسى ابد
انا كنت راجع من الجامعه وكان الجو طبيعي مجموعه سحب عاديه
وكالعاده حطيت راسي ونمت وفجأه قمت على صوت الرعد المخيف
طبعا اول شي طليت اشوف السحاب والقى لونه غريب اسود مع اصفر مع اخضر
:confused:
والرعد ما يوقف صوته مثل الطاحونه
على طول رحت ادخل سيارتي
وتأكدت هذيك اللحظه انه بيجينا برد ولكن ما توقعت يكون بذاك الحجم الكبير
:j
بعد ما وقف طلعت اشوف وش صار بالشوارع
لقيت الناس منبهره باللي صار
:no:
اللي جالس يشوف سيارته وهي متسكره واللي طالع يتفرج واللي جالس يشطف المويه من البيت
طبعا ما قدرت ابعد بعيد لأن كل شي متسكر ماكان فيه شارع سليم

طبعا لين الحين فيه بالشوارع سيارات متأثره بالبرد
وفيه بيوت واضحه اثاره على جدرانها

وسلامتكم

[مستبشر]

بالفعل أخي الكريم ذالك اليوم كان يوما مشهودا وبسبب غزارة الامطار وقوة البرد واغلاق الانفاق بمياه السيول اعطي المدارس اجازة يوم بسبب تعطل الحركة 00
نسأل الله الكريم ان يغيثنا بالغيث النافع